Урок по крымскотатарскому языку на тему 'Односоставные предложения' ('Бир теркипли джумлелер') (8 класс)

Мевзу: Бир теркипли джумлелер.

Окъутув макъсады:Талебелерге бир теркипли джумлелер акъкъында малюмат бермеге; метинлерде бир теркипли джумлелерни догъру къайд этмеге огретмек.

Инкишаф макъсады:Талебелернинъ иджадий къабилилиетлерини, нутукъларыны,идракъ фаалиетини инкишаф этмек

Тербиевий макъсад: Ана- Ватангъа,миллетимизге севги дуйгъуларыны къавийлештирмек; талебелерде эмексеверлик,окъувгъа авеслик, даима ватанпервер олмакъны киби табиат чизгилерни ашламакъ.

Дернинъ чешити: янъы мевзу дерси

Дерснинъ донатувы: дерслик, карточкалар, таркъатма материал, джумленинъ чешитлери джедвели, «Къырым манзаралары» ресимлер, ИКТ.

Дерснинъ кетишаты:

1. Тешкилий къысым:

1. Селямлашув.

2. Невбетчинен субет

3. Эв вазифесини тешкирюв: талебелер озь адлары акъкъында айталар.

II. Дерснинъ макъсадынен таныштырув къысымы:

I. Оджанынъ кириш сёзю. Тахтада язылгъан шиарны « Ватан -кунештен гузель, алтындан къыйметлидир» окъуп, бу сезлернинъ манасыны анълатмакъ, дерснинъ макъсатларыны айтмакъ.

III. Янъы мевзу

1.Окъув фаалиет мотивациясы, дерснинъ мевзусы.

Имля дакъкъасы: берильген сёзлерде керекли арифлерни бельгилемек.

Джесюр й..гит, тувгъан коюм..з, бильг.. анахтары,

мект..п окъуй, тур..п кетмек, демир къап.., уч..нджи къат.

2. Лугъат иши.

Дияр- родина

Бир теркипли - односоставный

Бу сёзлеринен талебелер бирер джумле тизелер.

3.Инанам-инанмайым оюны. Оджа талебелерге суаллер бере. Догъру олса - талебелер ешиль тёгеречик котерелер, янълыш олса- къырмызы тёгеречик.

1) макъсадына коре джумлелер икяе, суаль ве эмир чешитлерине болюнелер (догъру).

2) тизимине коре джумлелер адий, адий-адий, муреккеп олалар (ёкъ).

3) джумледе эки баш азасы ола (догъру).

4) ал ве хабер - бу экинджи дередже азалары (ёкъ)

5) экинджи дередже азалары эр вакъыт джумледе олмайлар (догъру).

Дерснинъ мевзусыны ве макъсатларыны талебелер озьлери чыкъаралар.

4. Оджанынъ сёзю. (талебелер дефтерлерине язалар)

Бир теркипли джумледе грамматик негиз озь ифадесини бир баш азадан тапа.

Бир теркипли джумлелер экиге болюнелер: муптедалы, хаберли.

Джедвельнен танышув. (Дерслик с.113)

Талебелер давушнен бир теркипли джумлелернинъ чешитлерини окъуйлар. Бельгисиз шахыслы, белли шахыслы, шахыссыз, умумийлештирильген шахыслы, адлав джумлелер.

4. Пекитюв.

1. Берильген метин ичинде бир теркипли джумлелерни сечип, экиге больмек: муптедалы, хаберли бир теркипли джумлелер.

2. Абдулла Лятиф-заде акъкъында сёз (эвельден азырлангъан талебе икяе эте). Онынъ шиирлерини окъугъанда онынъ къальбинде Ватанына сынъырсыз севгисини корьмек мумкюн

3. Группаларда иш. Эдебият дерсликнен иш. А.Лятиф-заденинъ «Шаирнинъ руху» шиирини талиль этюв.

4) Окъулгъан шииринден бир теркипли джумлелери тапмакъ ве чешитлерини къайд этмек.

5) Берильген аталар сёзлерини язып, джумлелернинъ чешитлерини къайд этмек. Аталар сёзлерининъ маналарыны ачыкъламакъ.

1)Эмектен дост артар, ошектен - душман. (шахыссыз)

2)Ямандан къач, яхшыгъа къучакъ ач. (умумийлешт.)

3)Берабер бутюн ишлерини яптылар. (бельгисиз)

4)Акъикъатны комсенъ де, тюртип чыкъар. (шахыссыз)

5)Чешит тиллерде йыр. (адлав)

6)Урьмет этсенъ, урьмет корерсинъ (умумийлешт.)

6)Шахыссыз джумлелерни къулланып, «Севимли Ватаным» серлевалы диалог тизмек.

7) Дерсликнен чалышув. С.126, 225 иш. Джумлелерни синтактик талиль этмек.

V.Нутукъ инкишафы.

Берильген «Къырым манзаралары» ресимлерге бакъып, бирер джумле тизмек. Бу джумлелерден толу бир икяе чыкъмакъ керек.

VI.Дерснинъ нетиджелерини чыкъарув. Рефлексия.

Талебелерге баалар къоюв ве имзалав.

7. Эвге вазифе. Дерсликте с.128, 231-иш (1 группа),

234-иш (2 группа). Бир теркипли джумлелерни тапып, чешитлерини бельгилемек.