Кушма җөмләләр буенча тест

Сорауларга җавап бирегез

• Нинди җөмләгә кушма җөмлә диләр?

• Тезмә кушма җөмлә нинди төрләргә бүленә?

• Теркәгечсез тезмә кушма җөмләдә, гади җөмләләрне үзара бәйләп, нинди чаралар килә?

• Иярчен җөмләнең мәгънә ягыннан төрләрен санап чыгыгыз.

• Аналитик чараларны әйтегез?

• Нәрсә ул катлаулы төзелмә?

• Катлаулы төзелмәгә нәрсәләр керә?

• Күп иярченле кушма җөмләнең төрләрен санап чыгыгыз.

• Нинди җөмлә катнаш кушма җөмлә дип атала?

Тест.

1. Таң беленүгә (1) ул (2) торып (3) йөри башлады. (Р.Төхфәтуллин)

А) (1) өтер, (2) сызык;

Ә) (1) өтер;

б) (1) өтер, (2) өтер, (3) өтер;

в) тыныш билгеләре куелмый

2. Сүз (1) бер көнлек, тел (2) гомерлек. (М)

А) (1) өтер, (2)өтер;

Ә) (1) ике нокта, (2) өтер;

б) (1)сызык, (2) сызык;

в) (1) ике нокта, (2) сызык.

3. Гаяз корбан булу белән (1) аңарда булган батырлык (2) аңарда булган кыюлык (3) үземә (4) сиздермәстән (5) миңа күчте. (М.Әмир)

а) 2,4;

ә) 1, 2, 3, 5;

в) 2, 3;

г) 1, 2, 3.

Җөмләгә синтаксик анализ ясарга, схемасын төзергә.

Аквариум балыкларының төре күп булса да, тере почмакта аларның санын арттырам дип, анда теләсә нинди балык җибәрергә ярамый. (Гата Насыйров)

Сорауларга җавап бирегез.

• Нинди җөмлә тезмә кушма җөмлә дип атала?

• Теркәгечле тезмә кушма җөмләдә, гади җөмләләрне үзара бәйләп, нинди теркәгечләр килә?

• Нинди җөмлә иярченле кушма җөмлә дип атала?

• Иярчен җөмләнең төзелеше ягыннан нинди төрләре була?

• Синтетик чараларга нәрсәләр керә?

• Нәрсә ул катлаулы төзелмә?

• Катлаулы төзелмәгә нәрсәләр керә?

• Күп иярченле кушма җөмлә дип нинди җөмләгә әйтәбез

• Нинди җөмлә катнаш кушма җөмлә дип атала?

Тест

1. Ярлар бик тар булса (1) ул (2) инеш.(Р.Фәйзуллин)

А) (1) өтер, (2) сызык;

Ә) (1) өтер

б) (1)сызык, (2) өтер;

в) (1) ике нокта, (2) сызык.

2. Ул атасына охшаган ( ) күп сөйләшми, эшли дә эшли. (Г.Әпсәләмов)

а) бернинди тыныш билгесе куелмый;

ә) ике нокта куела;

б) өтер куела;

в) сызык куела.

3. Ләкин шунысы бераз ару ( ) бик әйбәт сукмак салынган. (Г.Ибраһимов)

а) сызык;

ә) өтер;

б) ике нокта;

в) бернинди тыныш билгесе куелмый.

Җөмләгә синтаксик анализ ясарга, схемасын төзергә.

Таң якынаеп, җил бераз басылгач, мин йокыга яттым. (Г.Ибраһимов).