7


  • Учителю
  • «Берекелі мерекелі, алтын күз»

«Берекелі мерекелі, алтын күз»

Автор публикации:
Дата публикации:
Краткое описание:
предварительный просмотр материала

Тақырыбы: «Берекелі, мерекелі-Алтын күз»
Мақсаты:Мектебімізде өткізіліп жатқан «Алтын күз» мерекесіне ұйымшылдықпен қатыса отырып, күз-байлық, күз-береке, күз-молшылық, күз-шаттық, күз-қуаныш екенінін оқушы санасына жеткізу. Өздеріне ерік бере отырып, ауыз біршілікке, ынтымақтастыққа баулу.
Кеш жарық, қымбатты ұстаздар, оқушылар!

«Берекелі, мерекелі-Алтын күз»

атты күзгі бал кешіне қош келдіңіздер. Берекелі, мерекелі алтын күз құтты болсын. Қасиетті күз мезгілі туралы бір сөзбен айтып жеткізу мүмкін емес. Күз дегеніміз-жазира даланың дархан дастарханы. Күз дегеніміз- байлық, молшылық.

Алтын күз біз бен сізге шуақ шашсын,
Көңілді серіппелі күйін ашсын.
Бақ пенен шаттық бірге қатар қонып,
Береке бірлікпенен ортақтассын,
- дей келе кешіміздің шарттарымен таныстырып өтейін.


1. Таныстыру. (топтың аты, топтың ұраны, топ атына cәйкес таныстыру, буклет етіп тапсыру.)
2. «Күзге сағыныш» (белгілі ақындардың өлеңін мәнерлеп жатқа айту және күзге арнау өлеңін айту)
3. «Қосылшы менің әніме» (күз тақырыбына ән шырқау немесе өз өнерін көрсету)
4. «Сұрақ бізден, жауап сізден» (берілген сұрақтарға жауап беру)

5. «Күзгі дәм» (күз байлықтарынан тағам ұсыну)
6. «Күз әшекейі» (күз элементтерінен сән үлгісін көрсету)
Осы шарттарға сәйкес топтарға әділ баға берер әділ-қазылар алқасымен таныстырып өтейін.
1.

2.

3.

Білім- теңіз, мектепті - кеме дейміз,

Білім мен тәрбие егіз неге дейміз?

Әдемі мен тәлімі үндесетін,

Жастарды болашаққа жетелейміз.

Жеңістер мен жеңілістен тұратын

Өмір-күрес, жеткізе ме мұратын.

Жеңбедім деп, жеңілдім деп ренжімегің,

Қатысу да бір жеңіс, жан болсаң сен ұғатын,-

деп кешіміздің алғашқы шарттарына кезек берейік.

1. Таныстыру. (топтың аты, топтың ұраны, топ атына cәйкес таныстыру, буклет етіп тапсыру.)

Табиғаттан бабамыз ала берген секілді,

Дархандықты қазаққа дала берген секілді

Еркелікті, ерлікті желден алған секілді

Мөлдірлікті көгілдір көлден алған секілді

-деп Қадыр Мырзалиев ағамыз жырлағандай, бүгінгі күзгі балл мерекемізді табиғатты аялау, табиғат сұлулығын сақтау тақырыптарымен ұштастырсақ артық айтпаған болар едік. Мұнда қатысушыларымыз күз тақырыбына белгілі ақындардың өлеңдерінен көркем сөз оқиды және күзге арнау өлеңдерін оқиды. Құрметті әділқазылар алқасы оқу мәнеріне, сөйлесу шеберлігіне баға бересіздер.

«Күзге сағыныш» (белгілі ақындардың өлеңін мәнерлеп жатқа айту және күзге арнау өлеңін айту)

Алтындай сылдырлайды күздің үні,

Жібектей майда шуақ алтын күні.

Биылғы мерекелі нұрлы күздің

Тамаша бірдей сұлу күн мен түні

Сондықтан биылғы күз мерекелі,

Байлығы өте-мөте берекелі

Мәз-мейрам барлық ұлт шат, байлығы мол,

Міне осы, шын бақытты ел екені.

Табиғат - күллі тіршілік атаулының құтты қонысы, алтын ұя бесігі, құт берекесі. Осы табиғаттың төрт мезгілінің өзіне тән ерекшелігі, жақсылығы, әр түрлі мерекесі, берекесі бар. Соның ішінде күздің алатын орны ерекше. Күз мезгілі адамның ішкі жан дүниесін оятып, сағыныш әлемінде тербейді. Ендеше, келесі кезек

3. «Қосылшы менің әніме» (күз тақырыбына ән шырқау немесе өнері)

Алтын күз бірде шуақ, бірде салқын,

Жер мен көк жалтыраған сап-сары алтын

Ағашта жапырақтар сылдырлайды,

Төгілген алтын теңге сансыз жалқын.

Сары алтын батсайыдай дала мидай,

Үйілген мая-мая қызыл мидай

Қырманда қызыл алтын, қызыл маржан,

Жайнайды жаратылыс берген сыйдай,

-деп Сәкен Сейфуллин ағамыз алтын күзді керемет шабытпен сары алтынға теңеп жырлаған екен. Қазақ өнер десе ішкен асын жерге қоятын халық қой. Ендеше, құрметті көрермендер келесі кезекте сайыскерлеріміздің білімін сынап көрейік.

4. «Сұрақ бізден, жауап сізден» сайысына кезек берейік.

Білім аққан сел дейді,

Бірақ оңай келмейді.

Ала білсең білім көп,

Ақыл ойға кел дейді

Білім ой мен арымыз,

Рухани ол нәріміз

Сайыскерлер сіздерге,

Қол соғамыз бәріміз!

5. «Күзгі дәм» (күз байлықтарынан тағам ұсыну)

Жомарт-күз - деудің себебі: піскен жеміс-жидек, көкөніс, астық табиғаттың күзгі сыйы. Күзде егінді жинап болған соң ата-бабаларымыз «Сабан той» деп күз берекесін тойлаған. «Алтын күз», «Күзгі бал» кештерін өткізу дәстүрге айналған.

Қыздарымыз бармақтары майысып. Келесі бөліміміз мерекелік дастархан мәзірі деп аталады. Мұнда сайыскерлеріміз күзгі өнімдерден салаттар дайындап әкелу керек болатын, олай болса, ханшаларымыз өз салаттарымен таныстырып өтсін. Саусағынан бал тамған ханшаларымыздың ас мәзірлерімен танысып болсақ, әділқазылар алқасынан өнер сайысының бағасын сұрасақ.

Қараңдаршы көз тоймас, күз деген бір жақсы уақыт

Ой да, қыр да, таудың іші,

Бір молшылық жатқан шалқып,

Ал, балалар, кім біледі,

Неге айтамыз «Алтын күз» деп?

«Алтын күз» деп, біз айтамыз сол үшін де,

Сары алтындай сары қауын,

Көп піскен соң бақ ішінде

6. «Күз әшекейі» (күз элементтерінен сән үлгісін көрсету)

Бүгінгі кеш өтіп жатыр өз мәнімен,

Әр сұлу әсем болар өз жанымен

Өз қолынан шығарған киім үлгісін

Сіздерге көрсетеді өз сәнімен,

-дей келе келесі кезекте сән үлгісі.

Қатысушылармыз өз тапқырлықтарын, шеберліктерін білдірсе, шығармашылығымен танылса, арайлы алтын күзіміздің жүлдегерлерін анықтайық. Ендеше кезекті әділқазылар алқасына сөз береміз.

Әділ- қазылар әділ бағасын берегенше ____Қош демейміз, әлі талай сайыстар бар.

Өнерлерің өрлей берсін, қайыспаңдар,

Ойлы орта кеңейсін күннен-күнге

Өскен елдің жұртынан қалыспаңдар,-деп отырып бүгінгі

«Берекелі, мерекелі-Алтын күз» атты кешімізді аяқтаймыз. Жеңісті күндерде кездескенше, достар!!!




 
 
X

Чтобы скачать данный файл, порекомендуйте его своим друзьям в любой соц. сети.

После этого кнопка ЗАГРУЗКИ станет активной!

Кнопки рекомендации:

загрузить материал