Рабочая программа по учебному предмету «Крымскотатарский язык и литература» 11 классы

11 сыныф

Контрольная работа №1

1. Низарет иш

Тестлер

Джумленинъ баш ве экинджи дередже азалары

1. Саде фииль - хаберли джумлелерни бельгиленъиз:

а) Бунъа мен пек гъурурлана эдим.

б) Сабри не къадар ялварса да, ферма мудири Нафе агъа онъа ат ишанмай эди.

в) Оны уфакъ - тюфек къуру пытачыкълардан темизледим.

г) Неби агъа икяесини битирип сусты.

2. Хабер исимнен ифаделенген джумлелерни бельгиленъиз:

а) Денъиз ялысында та къаяларнынъ этегинедже эр ер багълыкъ-багъчалыкъ экен.

б) Бу дияр о вакъытта да шимдики киби гузель экен.

в) Озенчикнинъ эки ягъындаки сельби тереклели орталыкъкъа кольге ата, серинлик сача эдилер.

г) Бу огълан да пек акъыллы, дюльбер, эр шейни беджерген кучьлю бир батыр экен.

3. Муптеда ве хабер арасында тире къоюладжакъ джумлелерни бельгиленъиз:

а) Онынъ ады Соня, фамилиясы Сонкина эди.

б) Эшреф Шемьи - заде халкъ шаири.

в) Салядин агъа озю элли яшларында, даа кучьлю адам.

г) Мындаки Чам бу къаяларнынъ тереги.

4. Айырыджылар сыфатнен ифаделенген джумлелерни бельгиленъиз:

а) Ярнынъ энъ юксек нокътасына Айя дейлер.

б) Онынъ ичинден чипчелернен берабер бир къап - къара тавукъ чыкъты.

в) Бу исе бизге ойле бир къуванч кетире ки, биз не ушюгенимизни ве не де болдургъанымызны дуймай кетемиз.

г) Бизим аювчыкъ бу кучючиклернинъ даясы олды.

5. Тамамлайыджылар замирнен ифаделенген джумлелерни бельгиленъиз:

а) О, атыны ель киби учурып, ханнынъ шеэри къаршысында ерлешкен Чамлы бель денильген ерге келе.

б) О, учь куньгедже эшекке ем бермей, оны яхшы этип ачыкътыра.

в) « Буны япа бильсенъиз, мен сизге бир тулуп алтынны да аямаз эдим,» - дей падиша.

г) Койлю исе копчекни тюзетмек ичюн атына мине де, койге кете.

6. Ал исимнен ифаделенген джумлелерни бельгиленъиз:

а) Ондан насылдыр бир назик, гонъюль охшайыджы чалгъы сеси эшитиле.

б) Станциягъа кельмекте олгъан локомотив сызгъыра.

в) Тезден экиси де бу ерден кечип кетелер.

г) Асан оларнынъ ичине къарышып кетти.

7. Нутукъ хаталары олгъан джумлелерни бельгиленъиз:

а) Рустемнинъ иншасы менден яхшы.

б) Мен акъкъында Амет - хан икяе окъудыкъ.

в) Язнынъ биринджи куньлеринден башлап токътамай ягъмур ягъа эди.

г) Яш языджы озюнинъ биринджи икяесини анасына багъышлады.

8. Вакъыт алы ишлетильген джумлелерни бельгиленъиз:

а) Бойле ачувлы заманларда онынъ козюне ич бир шей корюнмей.

б) Узакътан бир баланынъ йырлагъаны эшитильди.

в) Йыр токътады ве бир дакъкъа сонъ, янъыдан ве даа къуветнен янъгъырады.

г) Асан тонынынъ джебине элини сокъты ве андан бир коше отьмек чыкъарды.

9. Муптеда сыфатнен ифаделенген джумлелерни бельгиленъиз:

а) Эски дост душман олмаз.

б) Яхшы киши селямындан белли.

в) Чебер чебернинъкини бегенмез, чолпа биревнинъкини.

г) Къоркъакънынъ козюне - дев, асретнинъ козюне эв корюнир.

10. Хабер сыфатнен ифаделенген аталар сёзлерини бельгиленъиз:

а) Ана юртынъ - алтынъ бешик.

б) Догъру сёз къылычтан отькюрдир.

в) Башы башкъанынъ акъылы да башкъа.

г) Достсыз адам - къанатсыз къуш.

Контрольная работа №2 Диктант.

1. Контроль диктант

« Ана »

Ана…О, ялынъыз екяне ола. Ананынъ беш-он баласы ола билир, лякин оларнынъ тек бир анасы ола. Ана юрегинде эвлят ичюн сакълы тургъан севгини ич бир тюрлю сёзнен ифаде этмек мумкюн дегиль. Оны тек ана юреги биле. Халкъ агъызында яшагъан бир эвель заман эфсанеси бар:

« Атешюрек бир йигит дюльбер къызгъа ашыкъ олгъан. Йигит онынъ ичюн джан бермеге азыр. Лякин къыз онынъ севгисине инанмай. Исбат этип косьтермесини талап эте… О, не десе, йигит бир сёзсюз ерине кетирмеге тырыша. Бир кунь шу къыз огълангъа дей: »Санъа соньки риджам шу ки, эгер мени акъикъатен де севсенъ, ананъны ольдюрип, юрегини манъа кетир». Йигит бираз шашмалай, лякин севги онынъ башыны ойле айландыргъан ки, буны да япмакъ къарарына келе. Анасыны ольдюре. Сыджакъ юрегини авучына алып севгилисине чапа. Чапкъанда сюрюнип йыкъыла. О вакъыт къолундаки тазе, сыджакъ ана юреги: «Огълум, бир еринъ эзильмедими? » - деп сеслене».