Урок эрзянского языка по ФГОС Синонимы, антонимы, омонимы (5 класс)

Открытой урок эрзянь келень коряс 5 классо.

Уроконь темась: Синонимтне, антонимтне, омонимтне.

-ЦЕЛЬТНЕ:

образовательнойтне: содас синонимтнень, антонимтнень, омонимтнень определенияст; видестэ сайнемс кортамосонть стилистической енкстнэнь ванстозь; тонавтнемс самостоятельна келейгавтомс эсь содамочинть.

развивающейтне: связной кортамонть, логической мышлениянть, рузонь келентень интересэнть домкалгавтомась, творческой способностнень келейгавтомась.

воспитательнойтне: осознанной тонавтнема, валонтень седеймарямонь путома.

Уроконь типесь: обобщениянь урок.

Обучениянь форматне: индивидуальной, групповой.

Методтне: валонь, наглядно- иллюстративной, частично-поисковой.

Оборудованиясь: презентация, валкст.

Уроконь молемась.

I. Организационной моментэсь.

Тонавтыцясь:

Чачома ёнксонь кельденть минь ламо а содатано, но бути стят содамочинть кинть лангс ды ули бажамот - несак келенть сюпавчинзэ ды мазычинзэ.

Тонавтыцясь: Монь мелем, штобу тынь тынсь,эйкакшт, пачтявлинк уроконть теманзо ды целензэ, кона ашти минек икеле. Мон тыненк лездан, но уледе внимательноекс

Тонавтыцясь:

- Мезекс миненек кортамосонть эрявить валтнэ, мезе сынь невтить?

(Действия, признакт, ламочи, явления, состояния ды седее тов.)

- Кода лемдяви келень пельксэсь, кона тонавтни валонь составонть? (Лексика)

- А мезе сови лексикас?

Слайд:

• Валонть смустезэ

• Вейке смусть ды ламо смусть марто валтнэ

• Виде ды кандовозь смусть марто валтнэ

• Омонимть

• Синонимть

Антонимть

- А кодат цельть путтадо эстенк урокстонть?

(Ответт)

Слайд: Эйкакшт, ёвтан тенк мельть: уроксонть…Панжомс творческой ёнксонк, Пурнамс вадря мельть-превть, Невтемс эсь ёрокчинк, колчинк.

II. Евтави уроконь темась ды цельтне (Тетрадтнень оформленияст).

-Тонавтыцясь: Сермадсынек тетрадьс течинь чинть, теманть : Синонимтне, антонимтне, омонимтне.

Слайд:

Маней кизэ. Кизэнь чись лембе ды чипаев. Пуви пси кошт. Менелесь ванькс, сэрей. Паро шкась!

-Тонавтыцясь: Эйкакшт, кодамо иень шкадо моли кортамось текстсэнть? (кизэде)

-Тонавтыцясь: Кона валтнэ кортыть, што те кизэ? Кочкадо неть валтнэнень смустень коряс карадо каршо валт и сынст коряс тееде од текст.

Слайд: Кизэ - теле, маней - потмура, кизэнь - телень, лембе - якшамо, чипаев - сумбора , пси - кельме, ванькс - ашназа , паро - берянь.

-Тонавтыцясь: А кода лемдявить неть валтнэ? (АНТОНИМТЬ). (Слайд)

- Кие ледстясы, мезе те антонимсь?

-Ней неть валтнэнь коряс тееде од текст.

- Ловнынк, мезе тынк лиссь. Кодамо иень шкадо кортави тынк текстсэнть? (теледе)

-Тонавтыцясь: Артыцятне пек покш мельсэ невтить иень те шканть. Тынк икеле Пластовонь ды Грабарень артовкст. Кода телень пертьпельксэнть невтизь артыцятне? (Кавонест артовкстнэсэ невтеви лов).

Тонавтыцясь: Мейсэ явовить неть аротвкстнэ вейкень-вейкень эйстэ? (Пластовонь артовксосонть «Васень лов» невтеви теленть ушодксозо, а Грабарень - телень меельце чить)

-Тонавтыцясь: Неть артовкстнэ истя жо путовить карадо-каршо.

Давайте ванносынек эрьва артовксонть, кодат ежомарямот кептить неть артовкстнэ? (кеняркс, мельспаро, паро ежо, кецямо, пейдема …). А мейсэ сынь явовить? ( лексической смустень оттенкасо) - Кода мертяно неть валтнэне? (Синонимть).

- Кодамо питнейчи кандыть синонимтне кортамосонть? Мезе тынь содатадо синонимтнеде?

• смустень коряс малавикс валт;

• отвечить вейкеть кевкстематнень лангс;

• аволь вейкеть гайгемань коряс;

• лездыть келенть сюпалгавтомо;

• а ледстневтить секеть жо валтнэсэ;

• лездыть панжомо валонть смустензэ.

Тонавтыцясь: Синонимтне келейстэ саевить кортамосонть, вейкеде седее ламо валтнэде, конатнесэ вейке секе предметэсь, признакось ,действиясь невтеви а ве ендо, мерить синонимень ряд. Рядсонть свал ули пек сеедьстэ вастневиця вал, сон ловови рядонь ушодыцякс, прявтокс. Синонимень валкссонть те валось лемдеви доминантокс. Примеркс: маштомс-чавомс-истожамс-крошамс валтнэ лововить синонимекс, сынь теить синонимень ряд. Доминантокс те рядсонть ули маштомс валось.

Валонь диктант.

Манчемс, кастомс, мурнемс, чумондомс, курок, рангомс, пейдемс, цяхамс, трямс-ваномс, кенгелямс, сееремс, састо, сельгень прамс, пижнемс, бойкасто.

Эйкакштне сермадсызь валтнэнь, конатне совить синонимень рядс.

ГИА-со и ЕГЭ-сэ изложениянь и сочинениянь сермадомсто истят валтнэ пек эрявикст, секс уш нейке тынь келейгавтодо словарной запасонк. Тень кис улить омонимень, синонимень, антонимень валкст. (Невтевить валкстнэ).

Учебник марто важодемась.

Лопась 105-це, тевесь 242-це. Топавтови вешеманть коряс (самостоятельной важодема). Ванови топавтозь тевесь.

Слайд 2. Вешнетяно синонимть(КИ Ян Тропа Киланго)

(МОЛЕМС Ютамс Эскелямс Шагамс Шаштомс).

Налксема группасо «Кие седее курок». Эрьва ввлонтень муемс синоним. Муиндерявить, васенце букватнестэ тееви ошонь лем ды содавикс эрзянь сермадеенть фомилиязо). (тевесь тееви лопа лангс)

1-це группась

Чавомс - (Маштомс)

Ялга- (оя)

Содомс- (сюлмомс)

Кецямс- (кенрдомс)

Менемс- (оргодемс)

Путнемс- (вачкамс).

2-це группась

Айгемс - (Аравтомс)

Тоща - (берянь)

Мелявкс- (ризкс)

Юхаемс- (аволямс)

Шаштомс- (молемс)

Энгамомс- (оймамс)

Эртемс- (вачкодемс).

Физминутка

-Тонавтыцясь:

Ней минь тынк марто карматано поэтэкс максозь схеманть коряс, тейтяно стихотворения, косо тынь панжсынк эсь ежомарямонк тундонтень.

1-це строка.

Кие? Мезе?

1 существительной

2-це строка.

Кодамо?

2 прилагательнойть

3-це строка.

Мезе теи?

3 глаголт

4-це строка.

Мезе авторось арси темадонть?

4-5валонь фраза, валмеревкс, крылатой выражения

5-це строка.

Кие? Мезе? (Од арсематне темадонть).

1 существительной.

Тундо

Маней, гайтев

Моры, кеци, пейди

Алкуксонь мазыйка

Ёвкс.

Тонавтыцясь: Эрьванть лиссь эсензэ произведения. Истямо стихотворениянтень мерить синквейн. Те стихотворениянь форманть арсизь французст ды лемдизь "синквейн". Кортыть, што оля переводсо - те "вете вдохновеният", эли "вете удачат".

Тонавтыцясь евтни ледстнема подъемной крандо

Кевкстема классонтень: Мекс пейдезевиде, кода кулсонинк те евтнеманть?

мариде валт, конатне евтавить вейкедьстэ: кран (сталмонь кепсиця ,подъемной) и кран (симемань, водопроводной). А кода сынь лемдявить? (Омонимть - вейке кортамо пельксэнь валт, вейкедьстэ марясынек ды сермадсынек, но лексической смустест овсе лия).

3.Тонавтнезенть кемекстамось.

А) Группасо важодемась. Арсемс 2 валрисьметь свет валонть марто. (Слайд)

1. Тельня минь ранаяк ключатнак кудос свет. 2)Мон вечкан якамо-пакамо ольной светка).

Б) Слайд. Кежей теле. Январь ков.

Менельстэ цивтёрды ков.

Учебник марото важодемась. Лопась 103-це, тевесь239-цесь (топавтови устна вешеманть коряс).

4.Рефлексиясь. Эйкакшт, кодамо тема минь течи ваннынек? Мезе эрявикс эстенк саиде ? Уроксь тусь мелезэнк?

Течи тынь истя жо туиде монь мельс, весе ульниде активнойть, важодиде вадрясто. Отметокань путомась.

5.Кудонь тевесь Мини- сочинения «Телень валске». Совавтомс кель-валонь изобразительной средстват, синонимть, антонимть, омонимть.

Муниципальной бюджетной образовательной учреждения «Урусовская СОШ»

Эрзянь келень коряс урок

СИНИНИМТЬ, ОМОНИМТЬ, АНТОНИМТЬ

Ютавтызе 5-це классо Калигина Т.И

эрзянь келень ды мордовской

литературань тонавтыцясь

2016