КВН для старшеклассников Путешествие в крымскотатарский язык

КВН юкъары сыныфлар ичюн.

Макъсат: агъзавий нутукъ инкишафыны арттырув, ана тилимизге севги ашлав.

Донатмалар: тахтада «озен», «ялыда» койлернинъ адлары, сал (3 дане); мукяфатлар; дуракълар: Долашкъан, Тапмаджа, Текрарлав, Мульти - пульти, Шиирли, Аталар сезлери.

Тедбирнинъ кетишаты:

«Къырымтатар тилине сеяат» китап сергисине къырымтатар тилиндеки китаплар такъдим этиледжеги ве тедбирнинъ эки афта огюнде кечирильмеси.

Етекчи: Бугунь биз «къырымтатар грамматикасы» озенинде сеяат япаджакъмыз, «салларгъа» минип, тюрлю-тюрлю «дуракъларда» токътаджакъмыз. Шимди исе учь башлыкъ сечип аладжакъмыз.

Къана, елгъа. Я не олды, бизге «SOS - джанларымызны къуртарынъыз» хабери кельди, шимар «Долашкъан» коюнден сесленди.

Не олгъан экен?

Анда ариф гъайып олды! Балалар арифни тапмагъа ярдым этейикми?

«Долашкъан» дурагъында токътаймыз. Ёлбашчы, тур!

Бала:

Бильмейим, насыл олды,

Бир арифчик джоюлды.

Бир эвчикке кирип кетти

Шорбаджылыкъ япа энди

Ичери кирип кетти

Эриш арифчик

Тааджип ишлерге толды

Уфачыкъ эвчик.

Етекчи: Мен шимди шиирлерден бир парча окъуйджагъым, сизлер исе янълыш ариф ерине догъру арифни айтмакъ керексинъиз.

I команда:

Зурналар кочелер. (Т)

II команда:

Тизильген сыралар,

Юскердай кетелер. (А)

III команда:

Дулуттан сув ичкен (Б)

Севимли турналар!

I команда:

Сувчыкъ, сувчыкъ,

Ев бетимни (Ю)

II команда:

Тос-томалакъ бети бар,

Пек багъыравукъ кеси бар. (с)

III команда:

Саям, саям, саймайым,

Равшан къача тутамайым. (Т)

I команда:

Чапты цыкъты сычанчыкъ, (ч)

Арамыздан тез-тез чыкъ.

II команда:

Саба кетип тогъайдан

Чечек башы атлайым (о)

III команда:

Чобанларнен челлерде

Нидже - гуньдюз кезем мен (к)

«Долашкъан» ярлыкънен мукяфатланмакъ.

Етекчи: Сеяатымызны девам этемиз. Келеджек дурагъымыз «Тапмаджа». Мен тапмаджаны окъуйым, сизлер исе тапынъыз. Догъру джевап бергенлерге. Мен джевапны биринджи арифни береджем. Арифлерни энь чокъ топлагъанларгъа - приз бериледжек.

I команда: II команда:

Акъ сандыгъым ачылды, Саллана,саркъа

Ичинден нурлар сачылды. Ерге тюшмеге къоркъа.

(Кунеш) (Орюмчек)

I команда: III команда:

Юре, юре къапы ачар Бир кичкене фурчучыкъ

Озю корюнмей къачар. Ичи толу туршучыкъ

(Ель) (Лимон)

III команда: I команда:

Сандычыгъым ачылды, Ярсанъ - ичи къандайын

Ай йипеги сачылды. Ашасанъ - озю балдайын.

(Юкъу) (Къарпыз)

I команда: II команда:

Дайымнынъ огълу уфачыкъ, Сары сувда сандал ойнай

Аякълары къыскъачыкъ. (Чиберек)

(Кирпи)

II команда: III команда:

Дагъдан келир арапчыкъ, О сени ашагъы чекер,

Аягъында чорапчыкъ. Сен оны юкъары.

(Балкъурт) (Чана)

III команда: I команда:

Не ердедир, не коктедир. Тили бар - инсан дегиль, Джумле алем ичиндедир. Тикиши бар - кольмек дегиль

(Кузьгю) Япрагъы бар - терек дегиль.

I команда: III команда:

Эки секиз, бир докъуз, Бир къартбаба, эки баба,

Эм йигирми, эм отуз. Эки бала ве бир торун.

Бу къач экен? Эписи къач адам олур?

Тапынъыз! (3)

(75)

Машалла! «Тапмаджа» ярлыкъны сизге такъдим этемиз.

Етекчи: Сеяатымызны девам эттиремиз ве «Текрарлав» дурагъына якъынлашамыз. Мында эписи иштирак этеджеклер. Оюнджыларнынъ бириси бир айваннынъ адыны айта. М., «тильки», дигери исе «аюв», учюнджиси «тильки», «аюв», текрарламакъ керек, сонъ озю де айваннынъ адыны къошмакъ керек. Эгер бир де бир иштиракъчи текрарлап оламаса, я да тертипни бозса - оюндан чыкъып кете.

«Энъ яхшы Текрарлавчы» ярлыкънен мукяфатлана.

Етекчи: Келеджек дурагъымыз тааджипли, «Мульти - пульти» онынъ ады. Бу ярышта тек елбашчылар иштирак этелер.

(Бир де бир мультфильмнинъ музыкасы янъгъырай, иштиракчи исе къайсы мультфильмден тапмакъ керек ве мультфилимнинъ мундериджесини айтмакъ керек.

I команда: «Ну, погоди!»

II команда: «Крошка енот»

III команда: «Бременские музыканты»

«Тавшан» ярлыкънен мукяфатланалар.

Етекчи: Келеджек дурагъымыз «Шиирли». Мында, мен беллесем, биз чокъкъа къалмайджакъмыз. Мен шиирлерни окъуджагъым, сизлер исе оларны девамыны айтаджакъсыз.

I команда:

Айшечик.

Будыр бизим Айшечик,

Къашчыкълары къарачыкъ,

Тос - томалакъ бети бар,

Пек багъыравукъ … … (сеси бар)

II команда:

Чиберек.

Бугунь бизим эвимизге

Мусафирлер келеджек,

Эр бир шейни азырладым

Пиширмек ичюн … (чиберек)

III команда:

Къырмыкъа.

Чалышамыз бутюн яз,

Бирлик олып яшаймыз.

Ерге ашайт толдурып,

Къышта раат … (яшаймыз)

Машалла! «Шиир»ярлыгъынен мукяфатлана.

Етекчи: Токътаймыз, сонъки дурагъымыз «Аталар сезлери».

I команда: Татлы сёз балдан … (татлы)

II команда: Джемаатнынъ сёзю дагъ … (авдарыр)

III команда: Ватан - экинджи … (ананъ)

I команда: Озюне бакъма, сёзюне … (бакъ)

II команда: Китап - бильги … (анахтары)

III команда: Не сорасанъ, баладан … (сора)

I команда: Акъикъат атеште янмаз, сувда … (батмаз)

II команда: Огренмек къолай, огретмек … (къыйын)

III команда: Достсыз адам - къанатсыз … (къуш)

I команда: Ашынъны берме, къашынъны бер … (бер)

II команда: Къайда бирлик, анда … (тирилик)

III команда: Аз айт - догъру … (айт)

I команда: Сабырлыны эр кес … (север)

II команда: Ана юртынъ - алтын … (бешик)

III команда: Сайгъыгъа сайгъынен джевап … (бер)

Етекчи: Машалла! «Аталар сёзю ярлыгъынен мукяфатлана.

Сеяат иштиракъчилерини мукяфатламакъ ве ярлыкъларнынъ сайысы.