7


  • Учителю
  • Конспект урока по осетинской литературе 'Всати' Коста Хетагуров

Конспект урока по осетинской литературе 'Всати' Коста Хетагуров

Автор публикации:
Дата публикации:
Краткое описание:
предварительный просмотр материала

7-æм къласы ирон литературæйы гом урочы пълан- конспект







Темæ: Хетагкаты Къоста «Всати».

«Къоста æмæ цуан».









Беслæныхъæуы 8-æм астæуккаг скъолайы ирон æвзаг æмæ литературæйы ахуыргæнæг Хуымарты Светланæ.


/

Урочы темæ: Хетæгкаты Къоста «Всати»

Ныхасы темæ: «Къоста æмæ цуан».


Урочы нысан: 1) Къоста- поэт, рухстауæг, адæмы фæтæг.


Ахуырдзаутæн радзурын поэты уыцы


миниуджыты тыххæй, йе мдзæвгæ «Всати»-йы


мидисыл лæмбынæг æрдзурын.



2) Скъоладзауты базонгæ кæнын нарты кадджыты


хъайтар «Всати»-имæ. Всати ирон мифологийы


сырдты бардуаг кæй у, уый сын бамбарын кæнын.


3) Скъоладзаутæм рæзын кæнын уарзондзинад æрдзмæ,


амидин сæ кæнын хорз хъуыддæгтæ кæнынмæ.


Цæстуынгæ æрмæг: Къостайы чиныг «Ирон фæндыр»,


«Всати»-йы зарæг, Къостайы ныв,


ирон адæмы этнографи æмæ мифологийы


чиныг, Всатийы скульптурæйы хуызист,


йæ нывтæ.


Эпигрæф: Къостайы «Всати» у ирон цуанæтты зарджытæн сæ тæккæ


хуыздæр, æмæ цæмæй бæлвырддæр зонай цуанæтты, уый


тыххæй хорз зонын хъæуы Къостайы æмдзæвгæ «Всати»-йы текст.


Хъесаты Валодя.

Урочы цыд



I. Сбæрæг кæнын х./к.

1) а) Салам раттын.


æ) Ахуырдзауты цæттæдзинадмæ хъус æрдарын.


- Сывæллæттæ, уæ хорзæхæй, лæмбынæг ма байхъусут ныртæккæ цы


зарæг цæудзæн уымæ, æмæ мын зарæгмæ гæсгæ хъуамæ зæгъат, абон нæ


урочы цæуыл цæудзæн дзырд, уый. (Хъусам «Всати»-йы зарæгмæ)

А: -Зæгъут-ма, сывæллæттæ, уæ зæрдæмæ фæцыдис ацы зарæг?


Искуы ма йæ фехъуыстат радио кæнæ телевизорæй?



С: Дзуапп


А: - Куыд хуыйны зарæг? Чи у зарæджы хъайтар?


С:Дзуапп


А: - Цы зонут «Всати»-йы тыххай?


С: Дзуапп


Презентаци æвдыст цæуы Дзбойты Михалы скульптурæ

С: Дзуапп


А: -Чи ма уæ цы зоны Всатийы тыххæй?


С: Дзуапп

(Байхъусын сывæллæтты дзуæппытæм)


Радзурын Дзбойты Михалы арæзт скульптурæйы тыххæй, равдисын æй презентацийы æмæ йыл æрдзурын.


А: - Сымахмæ гæсгæ цæуыл у йæ ныхас Всатийæн? Цы зæгъы ирон


адæмæн?


С: Дзуапп


А: - Зæгъут-ма, мах рæстæг та уыцы куыст чи кæны? (Сырдты чи


хъахъхъаны)


С: Дзуапп


А: - Фæйнæгмæ ма уе ргом раздахут!


II. Ног æрмæг.



Абон нæ урочы темæ: Хетæгкаты Къостайы æмдзæвгæ «Всати».


«Къоста æмæ цуан».


2) Эпигрæф: Къостайы «Всати» у ирон цуанæтты зарджытæн сæ тæккæ


хуыздæр, æмæ цæмæй бæлвырддæр зонай цуанæтты, уый


тыххæй хорз зонын хъæуы Къостайы æмдзæвгæ «Всати»-йы текст.


Хъесаты Валодя.



-Къоста чи уыд, уый иууылдæр зонæм, уый размæйы урочы дæр ма йыл ногæй


æрдзырдтам йæ царды хабæрттыл.


- Цыбыртæй ма нын æй нæ зæрдыл чи æрлæууын кæндзæн?


С: Дзуапп


А: - æмдзæвгæ «Всати» кæсгæйæ ныл сæмбæлдзæн ахæм дзырдтæ:






3) Дзырдуатон куыст:


Сион -саг, сыкъаджын,


æрчъитæ - æууæрст цармæй хуыд къахыдарæс,


пака - уæрæх,


залмы сыф - зайæгой стыр сыфтæ йыл зайы уымæл ран,


ерæдзыпп - хъримаг,


æхсæрдзæн - къæдзæхтæй хаугæ дон,


дзæгъгъа - дуры мыггаг,


дауджытæ - ирон мифологийы фæрссаг хуыцæуттæ, лæвæрд сын уыд


истыхуызæн бартæ.




4) Кæсын æмдзæвгæйы текст аив хъæлæсы уагæй.


- Куыд æвдисы поэт Всатийы уæларвон цæрæн бынат?


- Цы цæстæй ракаст Всати фараст барæгмæ?


( Скъоладзаутæ кæсынц цæггай).




III. Хатдзæгтæ скæнын.


- Хæлар цæстæй та кæмæ ракаст Всати?


- Цæмæй бæрæг у?


(Ссарут-ма æмдзæвгæйы уыцы рæнхъытæ)


- æмдзæвгæйы ис Уастырджийы кой, цы зонут уый тыххæй?


- Всатийы номыл скульптурæ Ирыстоны кæм æвæрд у? Чи у йæ автор?


- Цавæр хатдзæг скæндзыстæм цæуыл у æмдзæвгæйæн йæ сæйраг хъуыды?


С: Дзуæппытæ


А: - Цуанæтты мифологон бардуаг Всати атæры хъæздыг цуанæтты æмæ


хæрзаудæн кæны мæгуыртыл- дæтты сын рæдау лæвар . Уый у


æмдзæвгæйæн йæ сæйраг хъуыды.


Поэты æвзаг хъæздыг у æрмæст хицæн дзырдтæ æмæ ныхæстæй нæу.


Уый ма хъæздыг у ахæм аивадон мадзæлттæй, куыд эпитет, метафорæ, барæнтæ


æмæ æнд.


- Ссарут-ма сæ æмдзæвгæйы.


С: ( скъоладзаутæ кусынц чиныджы текстимæ)


Бæрæггæнæнтæ сæвæрын.



IY. Хæдзармæ куыст раттын.


1) Хетæгкаты Къостайы æмдзæвгæ «Всати»-йæ уæ зæрдæмæ


дзы тынгдæр цы строфатæ фæцæуой, уыдон сахуыр кæнын зæрдæвæрдæй, 5


строфайæ къаддæр нæ.


2) Нынныв кæнын «Всатийы» фæлгонц.



 
 
X

Чтобы скачать данный файл, порекомендуйте его своим друзьям в любой соц. сети.

После этого кнопка ЗАГРУЗКИ станет активной!

Кнопки рекомендации:

загрузить материал