План-конспект по крымскотатарскому литературному чтению на тему Гузель анам. (2 класс)

Мевзу:Гузель анам. 2-СЫНЫФ.

Окъув.Оджа:Аметова.

Макъсад: 1)талебелерни Гузель анам шииринен таныш этюв. 2)ифадели окъув къабилиетини шекиллендирюв. 3)анагъа севги ве урьмет ашламакъ.

Планлаштырылгъан нетиджелер:талебелерге шиирнинъ эсас мевзусыны анъламакъ,шиирге суаль бермеге ве эсас сёзлерни тапмакъ .

Донатма:аналарынынъ ресимлери,аналар акъкъында китаплар серьгиси.

Дерснинъ кетишаты.

1. Тешкилий къысым.

2. Эв вазифесини сорав.

(шиирни ифадели окъумакъ)

3.Нутукъ шекилленюви.

АНА.

Ачыкъ кокдай темиз къальбинде

Инсан ичюн мерамет толу.

-Ана,деген сёз- бу алемде

Эр бир шейден,эр сёзден улу.

Сабий экеч баса багърына,

Юкъусыны боле танъларда.

Эр кеслерден азиз о ана,

Оюр биля яшай анъларда.

Хатиримде къолумдан тутып,

Мектепке ильк алып кельгенинъ.

-Окъу,балам,унер косьтерип,-

Деп,юректен огют бергенинъ.

Э.Ибраим.

-Ким акъкъында бу сатырлар ?

- Ана -сёзюнинъ эр бир арифине сёз тапайыкъ.

(акъ,назик,акъыллы)

Вазифе.

Талебелер 3 группагъа болюнелер.

1.группа-къартаналары акъкъында икяе этелер.

2.группа-аналары акъкъында икяе этелер.

3.группа-аптелери акъкъында икяе этелер.

Раатлыкъ дакъкъасы.

Еримизден турайыкъ,

Чукъур нефес алайыкъ,

Эллеримизни четке,

Огге узатайыкъ.

Отурайыкъ,турайыкъ,

Интизамлы олайыкъ.

Мевзу:Гузель анам.(шиир)

(Тюркчеден М.Сеттарованынъ терджимеси)

Гузель анам.

Гузель анам,сени мен

Джанымдан пек северим.

Сен меним бир данемсинъ,

Эллеринъни оперим.

Ичимдеки севгини

Ич бир шейнен ольчемем.

Бу севги- сенинъ севгинъ,

Дюньягъа денъиштирмем.

Суаллер:

-Ким акъкъында бу сатырлар?

-Огълу насыл сёзлер айта?

-Сиз насыл сёзлер айтыр эдинъиз?

(мераметли,дюльбер,назик,акъыллы,гузель,яхшы)

Шиир боюнджа иш.

Бугунь биз сизнен Аналар байрамына

багъышлангъан кунь акъкъында айтамыз.

Бу насыл кунь? Ким биле? Не вакъыт къайд этиле?

Лугъат иши.

Мераметли-добрая,заботливая

Севгили-любимая.

-Шиирни окъунъыз.

-Муэллиф ким акъкъында айта?

-Сонъки сатырларны тариф этинъиз.

-Суаль тизип бири-биринъизге беринъиз.

-Шиирни ифадели окъунъыз.

Рефлексия.

-Бегенген джумленъизни сечип окъунъыз.

-Бугунь дерсте мен огрендим…

-Мен беллесем…

-Дерстен сонъ эвге барып…

Нетидже.

Екюнлев шиирини динъленъиз.

Март секизде турдым эрте,

Бугунь байрам бизим эвде ,

Ал явлукъ нагъышладым

Анама багъышладым.

-Не акъкъында бу шиир?

Эвге вазифе.

1.Ананъызнынъ ресимини япынъыз.

2.Ананъыз акъкъында икяе тизинъиз.