Удмурт кылъя но литературая эскерон уж (9 класс)

Контрольной уж 9-ти класс

Удмурт кылъя юанъёс.

1. Тэкстэз лыдзыса валан.

Огпол Олешен Ондрей, губиямысь бертыкузы, коньыез адзизы но кутскизы ук сое уйылыны, шальыосын лэзьяны. Йоттизы. Коньы кызысь ик усиз. Чутыса но маар пегзыны вуиз на. Борысь, куанер, туж чакласькыса, чутыса мырдэм пиосыз доры бертиз, дыр. кема, пыдыз висьыса, курадзиз на, луоз. Нош пияшъеслы маке шат?

Лиял гыкысь кыче ке тылобурдо карез шедьтизы, пиоссэ гуртазы нуизы. Шудизы соосын, собере кочышлы куштизы. Нош тылобурдо коня куалекъяса, кесяськыса ветлиз дыр. борысь но, коня пол караз пыраса, утчаз на, вылды, пиоссэ. Но укылтэм пияшъеслы кыче ке шат тылобурдолэн кайгуэз.

…Со гужем ик Олешлэн кукыз чигиз. Гуртаз мырдэм, нюж но маар кыстиськыса, вуэм, пе. Нош Ондрейеслэсь чожпиоссэс ваньзэ уй куспын комак-а, кин-а нуллыса сием.

Тини мар но уг луы дунне вылын. Оло зэм но, инкуазь озьы пияшъеслы пунэмзэ берыктиз.

Сётэм юанъя чектэм валэктэмъёс полысь пуштросэзлы тупасьсэ бырйы.

1. Ку Олеш Ондреен адзизы коньыез?

а) изьыкуз

б)ужакуз

в)бертыкуз

2. Коньылэн кема висиз

а)йырыз

б)котыз

в)пыдыз

3. Пиос гуртазы нуизы

а)коньыпиосыз

б)тылобурдолэсь пиоссэ

в)лудкечпиосыз

4. Олеш чигтиз

а) кизэ

б) куксэ

в)чиньызэ

5. Ондрейлэн уй куспын быризы

а)парсьпиосыз

б)чожпиосыз

в)зазегпиосыз

2. Лексика но грамматика удысын быгатонлыкъёс

Сётэм кылъёсты радызъя текстысь буш интыосы,шонер формае пуктылыса,гожты:

Утьыны, сюрыны, возьманы, гожтыны,суреданы, лэзьыны, луыны, кылльыны,чектыны, дисьтыны.

Зазегпи возьмасьёс.

Петиен Васи зазегпи___________. Айы зазег сюлмысь______ тютюоссэ. Нокинэ матэктыны уг ____________. Пиослы мозмыт___________. Нош кошкыны уг__________. Петилэн кисыяз мелэз вань. Возазы чапак вуж пулъёс___________. Пияш эшезлы ______________кыче ке букваен кутскись кылъёс______________. Син азязы зазег______________. Петя нырысь ик сое _____________.

3. Сётэм югдуръя веран.

Трос вераськонъес мыно инкуазез утен сярысь. Куасьмо шуръес, ошмесъес, быро чорыгъес но портэм пойшуръес! Кышкытлык кылдэмын нюлэсъесмылы.

Малы сыче югдур луэм?

Литература

1. «Мон литературатодосчи»

___________ -бадзым эпической произведение, со возьматэ кема дыр чоже кыстиськись портэм учыръесты но югдуръесты. Геройесыз но сюжет гердъесыз романын трос луыны быгато.

___________ -эпосысь прозаен гожтэм одигез жанр, верослэсь бадзымгес, нош романлэсь пичигес. Быдзалаезъя сяна, пушсузьетэзъя но аспортэмлыко луэ.

__________- лултэм арбериез луло карыса суредан.

2. « Мон -исследователь»

С.Широбоковлэсь кылбурзэ сэртты-пертчы.

Мар ватонэз, мылкыд уг шуды,

Сое зибо кадь узвесен.

Нокин но со сярысь уг тоды,

Кыче мынам сэлэм висе….

Сюрес ноку огкадь уг луы

Кыти шакрес, кыти вольыт.

Инбам но чем вошъяськылэ ук-

Луэ чагыр, луэ пеймыт.

Кыче гинэ дыръёс ой вал ни,

Тон кышкаса синдэ од кынь.

Ведь уно пол тон юылид ни

Куалекъятэк курыт полынь!

Тон вамышъя пеймыт уин но

Дугдылытэк пырак шонер.

Кин кышкатэк мынэ, уг чигна…

Уз дугдыт нокыче кенер!

Юанъёс:

1. Вань-а татын лирической героез?

2. Мар меда нырысь ик син азе пуксе?

3. Кыче адями сярысь гожтэмын та кылбурын?

3. Мар вераны быгатиськоды та кылбур сярысь?

3.»Мон- биограф»

Удмурт калыклэн дано нылыз нырысети удмурт нылкышно-кылбурчи Ашальчи Оки. Со сярысь «Зечбур» газетэ статья гожты. Кыче кылбурез тыныд тужгес но кельше, гожты малпандэ та кылбур сярысь.

Ужез быдэстыкуд тыршы:

1)кылбурчилэсь дунневаланзэ,

2)тунсыко, аспортэмлыко малпанъес вераны;

3)чебер, вольыт кылын гожтыны.