Урок казахского языка в 7 классе

7- сынып Қазақ тілі

Сабақтың тақырыбы: Қазақ тілін үйрену жолындағы жалғаулықтар

Сабақтың мақсаты:

Білімділік: мемлекеттік тілді үйрену жолдарын анықтау, жалғаулық шылау ды, оның түрлерін ажырату, қазақ тілінде ауызекі сөйлей алуға үйрету;

Дамытушылық: ой-орісін кеңейту, ізденімпаздыққа, тапқырлыққа, тіл әуезділігіне баулу, жалғаулық шылауды табу, оны сөйлеуде қолдану, сұрақтарға түсініп жауап беру, ой бөлісу, шығармашылық қабілеттерін дамыту;

Тәрбиелік: қазақ тілін құрметтеу, сөйлеуге, игеруге талпындыру;

Сабақтың типі: бекіту сабағы

Сабақтың түрі: аралас, СТО стратегияларын қолдану

Әдіс- тәсілдері: мұғалімнің сөзі, грамматикалық талдау,сұрақ- жауап, аукцион, мәнерлеп оқу, ой қозғау, ассоциация әдісі, 5 жолдық өлең;

Жұмыс формалары: жеке, топпен, жұппен, фронтальдік

Сабақтың жабдықталуы: оқулық, қанатты сөздер, портреттер, қима қағаздар, бағалау парағы

Сабақтың барысы

I Ұйымдастыру кезеңі: - мұғалімнің сөзі (1минут)

Құрметті ұстаздар, оқушылар!

Бүгінгі сабағымыз ерекше с абақ, себебі ол тілдер апталығында өтіп жатыр, тіл мерекесіне арналады. Бұл сабақ мемлекеттік тіл құрметіне арналады, сондықтан білетіндеріңді ортаға салып, іс жүзінде қолданыңдар. Іске сәт!

( оқушылар дәптерлеріне күн, ай, тақырыпты жазады )

IІ Үй жұмысын тексеру (7-8 минут)

Өзіңді тексер!

-«меңгеру» сөзіне фонетикалық талдау жаса (бір оқушы оқиды, қалғандары «+», «-» белгілерін қойып тексереді: қатесіз -«5», 1 қате- «4», 2 қате - «3», одан көп қате -«2».

- 1-т. 226 бет: мәтінді мәнерлеп оқы, сұрақтарға жауап бер (бағалау парағына мұғалім баға қояды)

- «Аукцион» ойыны: 1 минут ішінде кім көп шылау сөздерін жазады (бағалау парағына баға қойылады)

ІІІ Тақырып бойынша жұмыс (бекіту)

1. Тақтадағы қанатты сөздермен жұмыс: (оқу) (2 минут)

а) Қазақстан Республикасының әр азаматының парызы - мемлекеттік тілді білу, құрметтеу.

ә) Тілді қадірлеу дұрыс сөйлеуден басталады.

б) Тілді білу- халықты, тарихты сыйлау

- Мұғалім: Балалар, осы сөздермен келісеміз бе? Әрине, бұл сөздер бізді қазақ тілін білуге, үйренуге шақырады.

2. Ассоциация әдісі: (5 минут)

қазақ тілі

3. Жеке жұмыс: ( 3 минут)

- әр оқушыға 1 сөз жазылған парақша беріледі: үйренемін, жаттаймын, қазақ тілі, оқушы, сабақта,, білім, ұстаз. Мақсат: сөзді оқы, аудар, 1 сөйлем құрастыр (ауызша)

4. Топпен жұмыс: ой бөлісу (10 минут)

- оқушылар екі топқа бөлініп, екі сұраққа жауап береді:

1- топ: Қалай ойлайсыңдар, қазақ тілін неге білуіміз керек?

2- топ: Қазақ тілін үйрену үшін не істеу керек?

Тақтада: Мемлекеттік тілді білу, сөйлеу үшін

1.Өз ойынды сол тілде жеткізуге тырыс

2. Сұрап алуға ұялма

3. Көркем шығармаларды, газет-журналдарды қазақ тілінде оқы

4. Үйде, далада, мектепте қазақша көбірек сөйле

5. Теледидар, радиодан қазақ тіліндегі бағдарламаларды көруге, тыңдауға үйрен

6. Қазақша ән тыңда, өзің ән айтуға ұмтыл!

5. Практикум: (7 минут)

Мұғалім: Балалар, «тілді қадірлеу дұрыс сөйлеуден басталады» деген ұлағатты сөз бар. Ендеше дұрыс сөйлеу үшін жалғаулықтарды да білу керек, оларды дұрыс қолдану керек.

а). Тақтада жазылып тұрған сөздерден жалғаулық шылауды теріп жаз: үшін, өйткені, біз, келдік, сондықтан, немесе, соң, және, себебі, жайылма, -ау, бірақ.

( жұмыс тексеріледі, бағалау парағына қойылады)

ә).Бос жерге керекті жалғаулықты қойып жаз:

1. Мен сыныпқа келдім досымды көрдім.

2.Күз келді ауа райы салқындады.

3. Мен таңертең ерте тұрдым сабаққа кешіктім.

6 Қорытынды:. 5 жолдық өлең жаз!

Қазақ тілі

III Үйге: 4- тапсырма 224 бет (а), 2- тапсырма 224 бет (ж), ереже 5- бет

V Бағалау кезеңі: бағалау парағы

№

Аты-жөні

Фон. талд.

1-тапс.

226-бет

Аукцион

Сөйлем

құрау

Ой бөлісу

Теріп

жазу

5жолдық

өлең

Қоры

тынды

баға

1

Ахметова Д.

2

Баранов А.

3

Гаврилова З.

4

Рожихин Н.

5

Тулешев А.

6

Хамзин Ф.

8. Қосымша материал:

-№ 4- тапсырма 228- бет: берілген сөйлемді аяқта

Солтүстік Қазақстан облысы

Айыртау ауданы

Казанка орта мектебі

Сабақтың тақырыбы:

Қазақ тілін үйрену жолындағы жалғаулықтар

7- сынып

(тілдер мерекесіне арналған ашық сабақ)

өткізген: Н.Б. Қожахметова

(орыс мектебіндегі қазақ тілі мұғалімі)

Казанка селосы 2014 жыл