Ашық сбақ. Махамбет Өтемісұлы

Күні:

Сыныбы: 5

Пәні: қазақ әдебиеті

Сабақтың тақырыбы: М.Өтемісұлы «Қызғыш құс».

Сабақтың мақсаты:

а) білімділік: оқушыларға туған елім деп еңіреп өткен біртуар талантты патриот ақыны Махамбет Өтемісұлының өмірі мен шығармашылығына шолу, өлеңнің мазмұнын түсіндіру, идеясын ашу.

ә) тәрбиелік: ақын шығармашылығын оқи отырып, жас толқынның азаматтық көзқарасын қалыптастыру. Отанды, елді, халқын сүюге шақыру, патриоттар тәрбиелеу.

б) дамытушылық: сөз өнерін бағалауға, көркем ойдың астарын түсінуге, өлең жазуға талпыныс жасау, мәнерлеп оқу дағдысын қалыптастыру.

Сабақтың түрі : Аралас сабақ

Сабақтың әдісі: Ассоциация ,топтастыру, Венн диаграммасы, 5 жолды өлең, ой толғау, инсерт кестесі.

Пәнаралық байланыс: қазақ тілі,тарих, биолигия.

Сабақтың барысы:

І. Ұйымдастыру кезеңі:

а) Сәлемдесу,оқушылардың сабаққа қатысын тексеру.

ә) Сабақ мақсатымен таныстыру.

ІІ. Үй тапсырмасын сұрау:

А) «Ой шақыру» (Махамбет Өтемісұлы туралы сөйлеу) .

ІІІ. Жаңа сабақ: М. Өтемісұлы өмірі мен шығармашылығы. «Соғыс» , «Қызғыш құс».

1. Өлеңдердің шығу тарихы туралы әңгімелеу;

а) өлеңді мәнерлеп жатқа оқу;

ә) өлеңнің идеясын түсіндіру.

2. «Мағынаны тану»: «Артық болмас білгенің»

а) «Қызғыш құс пен лашын құс» түсінік беру

ә) Сөздік жұмысы

Көл қорыған - көлді мекендеген

Лашын құстың тепкіні- көлге жолатпау

Құсалықпен өту- уайым,қайғыға түсу,өкінішпен күн өткізу

3. «Тарихты білесің бе?» Жәңгір хан туралы дерек. (слайд көрсету)

4. Мәнерлеп оқу. «Соғыс» және «Қызғыш құс»өлеңін оқушыларға оқыту.

5. Тақтамен жұмыс . Өлеңді құрылысына, тіліне талдау.

6. «Қызығушылықты ояту » .

Әр топқа тапсырма беріліп «Кім жылдам? » ойыны ұйымдастырылады.

Тапсырма:

І топ: «Махамбет - Қызғыш құс» Венн диаграммасы.

ІІ топ: «Топтастыру» -Махамбет өлеңдерінен қандай тәрбие аламыз?

ІІІтоп: «5 жолды өлең» тақырыпқа байланысты.

«Бес жолды өлең құрастыру» әдісі

1. Тақырыпты суреттейтін сөз. Зат есім - Батыр.

2. Сын есім - (2 сөз) Қайсар, жалынды.

3. Етістік - (3 сөз) Сүйді, соғысты, қорғады.

4. Толықтауыш- (3 сөз тіркесі)Елін сүйді, отаршылдармен соғысты. Жаудан қорғады.

5. Қорытындылау тақпағы (түйін сөз) (5 сөз)

Ол елін сүйген жалынды батыр.

ІV. Сабақты бекіту: «Еркін жазу» -Махамбет батырға хат жазу.

V. Сабақты қорытындылау: Топтастыру «Махамбет кім?»

VІ. Үйге тапсырма: Өлеңді жаттау. «Егер мен батыр болсам...» деген тақырыпта шағын ой толғау жазу.