Тәуелсіздік жолы – мәңгілік жол

Ақтөбе көлік, коммуникация және жаңа технологиялар колледжі

Тәуелсіздік жолы - мәңгілік жол

(Қазақстан Республикасының Тәуелсіздігінің

20 жылдығына арналған поэзия кеші)

Өткізген: А.М. Мырзагарина

</

Ақтөбе-2016

Тәуелсіздік жолы-мәңгілік жол

1-жүргізуші: Қайырлы күн! Арманы биік азат еліміздің ардақты ұстаздары!

2-жүргізуші:

Армысыздар! Тәуелсіз еліміздің ерікті ұландары!

1-жүргізуші:

Қазақтың тәуелсіз күнінде,

Азат күн жадыра, көгімде.

Гүлденді кең байтақ даламыз

Шалқысын шаттық күй, жыр-аңыз!

2-жүргізуші:

Қазақтың жырындай әніміз,

Бейбіт күн, бірлікте сәніміз

Жасампаз халықпыз- жалынбыз

Өлең, саз, жыр біздің- жанымыз.

1-жүргізуші: Ендеше, қазақ елінің тарихы туралы бейнебаянға назар аударайық.

( бейнематериал)

2-жүргізуші: Қазақ халқы бүгінгі нұрлы жолға, бейбіт күнге оңай жолмен жетпегендігі баршамызға аян. Бүгінгі «Тәуелсіздік жолы-мәңгілік жол» атты поэзия кеші Ұлы Даламыздың жүріп өткен жолына арналмақ.

1-жүргізуші: Тәуелсіздік жолы-қасиетті жол. Халқымыздың азаттығы мен бостандығы, елдік пен теңдік жолындағы күресіміздің сан ғасырлық шежіресі.

2-жүргізуші:

Тәуелсіздік жолы-ғасырлық жол. Ол ғасырларға созылған ата-бабалардың қанды жорығының, дабылды, дауылды күресінің заңды жалғасы. Сондықтан, бұл күн - арман мен тағдыр ұштасқан өте қымбат, ерекше күн.

1-жүргізуші:

Тәуелсіздік жолы-ар-намыс жолы. Жүректерін батпандаған мұң, қатпарлаған қасірет тоң боп қатып, шер боп басып жатпады ма? Осындай сәтте тарих беттерінен сыр шертейік, киіз туырлықты қазақ ұрпағы!

2-жүргізуші:

Тәуелсіздік жолы-күрес жолы. 15 ғасырда Қазақ хандығы құрылды. Биыл Қазақ хандығының құрылғанына -550 жыл толды. Бұл өткеннен тағылым алу, батыр бабаларымыздың сан ғасырлық арпалыс, күресін білу, бастан кешкен қилы тағдыры, жеңілісі мен жеңісі. ( бейнематериал, слаид)

(Ән ( «Елім, елім, елім-ай» әні А-23 тобы Әкімбай Ақтаң )

(3 оқушы өлеңін оқиды Шыңғысхан Т-23, Альбина Э-13, Ерқанат ЭС-21) музыка қосу

1-жүргізуші: Тәуелсіздік жолы -қасіретті жол. Алайда, қазақ елі тыныш, бейбіт өмір сүре алмады. Қаннен -қаперсіз жатқан елімізге жоңғар қалмақтары шабуыл жасап, қалың жұртты қан жылатты. Дүрліккен ел шұбыра қашып, елім айлап азаттықты аңсады.

2-жүргізуші: Қалың қазақ баласының, езіліп бара жатқан елдің жоғын жоқтап, бүлінгенін бүтіндеп, елім деп еңіреген жұртымның «Ақтабан шұбырынды, алқакөл сұлама» деген атпен тарихта қалған сонау бір қысылтаяң шағы тарих сахнасында.

( бейнебаян Ән «Елім-ай» Айзат)

1-жүргізуші: Тәуелсіздік жолы-азаттық жолы. Жау жүрек батырларым елді бір тудың астына біріктіріп, азаттық үшін аңырап, мыңдаған тұлпарларының тұяқтарымен ошақтап ойып, қанымызбен қазақ даласын сызып, Жеңіс туын желкілдетіп болашақтың қолына тапсырды.

2- жүргізуші: Ия, біз батыр бабалар ұрпағымыз. Ер Махамбет пен Амангелді батырлар да азаттық үшін күресіп, жанын қиды. ( бейнебаян ,слаид )

(Ән А-23 тобы студенті Әкімбай Ақтаң « Мен, мен едім, мен едім...»)

( оқушылар шығармашылығы. Жансая АСУ-31, Қайыржан А-24, Ұлдай АСУ-31) музыка қосу

(Күй «Жұмыр қылыш» А-24 тобы студенті Илиясов Азамат )

1-жүргізуші: Тәуелсіздік жолы-тар жол, тайғақ кешу жолы. Ұлт мүддесі үшін 1937-1938 жылдардағы қуғын-сүргін құрбандары алаш үшін, елі үшін жазықсыз жаланың құрбаны болды.

2- жүргізуші: Тіліміз, дініміз, ұлттық болмысымыз үшін жандарын қиған Алаш арыстарының есімі мәңгі жасайды. ( бейнебаян ) Әбдірахман АСУ-31, Салауат А-24

бес арыс- Нұрхан А-12, Салауат А-24, Ербақыт Э-22, Нұрлыбек Т-24, Нұртуған ОТС-12 ( музыка қосу)

1-жүргізуші: Тәуелсіздік жолы-ерлік жолы. Батыр Бауыржан, Қайсар Қасым, Шығыстың қос шынары Әлия мен Мәншүк сынды батырларымыз Ұлы Отан соғысында да «Жеңіс үшін» аянбай шайқасты. Биыл Ұлы Жеңіске-70жыл. Олар Жеңіс жолында қанын төкті, жанын берді, бірақ ұлан -байтақ жерді қорғап ұрпаққа аманат етіп кетті.

2-жүргізуші:

Бұл Жеңіс көп ұлтты мемлекетіміздің татулығы мен бірлігінің жемісі. Биыл-Қазақстан Халықтарының Ассамблеясына 20жыл. Жас өрендер! Сендер батыр елдің ұрпағысыңдар!

Жарқын болашақ» Отанымызды сүйіңдер! Оны қорғаңдар! Оған адал қызмет етіп, халықтар достығын қадірлеңдер!

( бейнебаян, арнау өлеңдері) «Ұлы Жеңіс» Қайыржан А-24, Ақбота А-12, Тұрар ОТС-21) музыка қосу)

Ән «О, менің Атамекенім» Абдиканиева Ақерке Э-12 тобы студенті

1-жүргізуші: Тәуелсіздік жолы-ұлы мақсат жолы. Ақ жол-қайсар рух жолы.

2-жүргізуші:

Жас арудың жанарында-Желтоқсан,

Қанды ғасыр табанында-Желтоқсан,

Қаралы өмір қайыстырған халқының,

Қара тұман қабағында -Желтоқсан

(бейнебаян, арнау өлеңдер- Нұрхан А-12, Аяжан Э-12, Жеңісбек э-25, АйгерімА-13, музыка қосу

1-жүргізуші: Тәуелсіздік жолы-мәңгілік нұрлы жол.

Жаралған бабалардың ерлігінен,

Таралған желтоқсаннан-өр дүбірден,

Атыңнан айналайын тәуелсіздік

Өзіңмен абаттандым, елдігімнен

2-жүргізуші:

Жаныммен ақтап бабам өсиетін,

Қаныммен жаздым заман қасіретін.

Мың жасап, бар ұрпағым бас иетін,

Қымбат-ақ, тәуелсіздік, қасиетің

(бейнебаян, арнау өлеңдері )

Ән

Еламан Т-33, Мәдина АСУ-11, Еділ Э-22, Гүлжанат Э-31, Әсем ОТС-11) музыка қосу)

Ән «Астанам» « Әдемі-ай» тобы

1-жүргізуші: Құттықтау сөз облыстық мәслихат депутаты, техника ғылымдарының кандидаты, колледж директоры Жеңіскүл Сағидоллақызына,

директордың оқу-ісі жөніндегі орынбасары Мақсат Самұратұлына беріледі

1-жүргізуші: Мұның бәрі ертегі емес, болған іс. Осындай тарихы бар тәуелсіздігіміз тұғырлы болсын!

2-жүргізуші: Күн мен жердің мәңгілік екені сияқты аспанымызда тәуелсіздік туы мәңгілік желбіресін! Қош сау болыңыздар!