Урок по эрзянскому языку Валкс марто важодема (5 класс)

«Валкс марто важодема»

«Валкс марто важодема»

Цельтне:1)Поладомс ды келейгавтомс содавтомонть эрзянь келень валкстнэнь марто, тонавтомс сынст тевс нолдамост;

2) Толковамс, кодат содамочить максыть эрьва кодамо типень валкстнэ.

Уроконь молемась

Организационной момент.

Оймсемка. Ловны учителесь стих «Родной кель» Е.Тяпаевень.

Мазый, паро минек келесь,

Теке тундонь сэтьме валскесь.

Пургондыця од килеесь,

Цветэнь панжиця умарьксэсь.

Мазый, прок пурьгине чирькесь

Маней шкане чинь налксемась.

Лей чиресэ цяпор тикшесь

Ды пиземень якстердемась…

Темань яволявтомась, целень путомась. (Учителень вал)

Эрзянь валкстнэнь сермадомась ушодовсь Петр I ды Екатерина II инязорокс улема шкасто. Нама , сыньульнестьаволь алкуксонь покш валкст, но валонь а покш спискат. 1785 иестэ нижегородской епископось Домаскин тейсь веете келень валкс, козонь совавтозь малав 10 тёжат эрзянь валт. Те 18 пингень сехте покш лексикографической памятник. Эрзянь ды мокшонь вал марто аволь валкскеть вастневить А.Алквистэнь ды Ф.И. Видемононь 19 пингень мокшэрзянь грамматикатнесэ. Р.Ф.Учаевень ды А.А.Шахматовонь «Эрзянь валксось» лиссь 1908. Эйсэнзэ 10 тежадо ламо валт. 930 иестэ лиссь А.П.Рябовонь «Эрзянь-рузонь валкске» книгазо, козонь совасть малав 3 тежат валт. 1931 иестэ лиссь М.Е.Евсевьевень «Эрзянь рузонь валкс» сонзэ эйс совтозь А-К букватне лангс валтнэ. Эйсэнзэ малав 2,5 тыща валт. 1948 иестэ лиссь «Рузонь-эрзянь валкс» теицятне М.Н. Коляденков, Ф.В.Сульдин, Н.Ф.Цыганов. 1993 иестэ лиссь В.С. Щемеровань «Эрзянско-русский, русско-эрзянский словарь», 1996- «Эрзянско-финский словарь» (М.В.Мосин)

1-це куронть яволявтомазо.

«Эрзянь келень орфографической словарь» васенце нолдавкстнэ лиссть 1939 ды 1955 иетнестэ. Мейле келейгадозь, витнезь, лиссь 1978. Эйсэнзэ ламо валт. Сон эряви сень кисэ, штобу видестэ сермадомс валонть.

Заданиясь: Ловномс текстэнть, витнемс ильведевкстнэнь. Тевс нолдынк «Эрзянь келень орфографической словаренть» Текстэнть лемезэ «А.Горькоень библиотекасо»

2-це куронть яволявтомазо.

Улить валкст, конань эйс пурнызь валт-роднят-раськеть. Лемезэ «Словарь синонимов эрзянского языка» (Р.Н.Бузакова). Эрьва синонименть смустезэ панжови рузкс. Бути карматано тевс нолдамо те валксонть, кортамонок карми улеме седее мазый, ванькс.

Заданиясь: содамс содамоевкстнэнь. Теемс синонимень рядт тешкстазь валтнэнень. Тевс нолдынк «Словарь синонимов эрзянского языка» книганть.

1.Паро мельсэ евтасак-ламбамо, кежейстэ евтасак-чапамо (вал)

2.Машты кортамо, мелень евтамо(книга)

3.Кизна уды-кельме, тельня ярсы-лембе (каштомо)

3-це куронть яволявтомазо.

Евтнян тенк валксто, кона лезды содамс, косто сась минек келентень те или тона валось, кить сонзэ роднянзо-раськензэ. Неть словартне-«Эрзянь келень нурькине этимологической словаресь» ды «Этимологиянь валксось» (Д.В.Цыганкин, М.В.Мосин) 1997, 1998 иесь.

Заданиясь: «Эрзянь келень нурькине этимологической словаренть» лангс нежедезь толковинк, кодамо шкане появасть эрзянь кельс тешкстащзь валтнэ, кодамо лия финно-угрань семиянь кельтнень марто лововить ве раськесь.Валтнэ: капста прятне, чить, кельме, сюлмась)

4-це куронть яволявтомазо

Ванновить фразеологиянь валкстнэнь, конатне сюпалгавтыть валксонть, виевгавтыть сонзэ стилистикань енкстнэнь, теить кортамонть седее образнойкс. Те словаресь «Фразеологиянь валкс», конань сермадызе Ширманкина Р.С. 1998 иестэ.

Заданиясь: Муемс фразеологизматнень, толковамс смустест. Тевс нолдамс «Фразеологиянь валкс».

Абунгадынь, кияк те шкас истя эзимим покордакшно, превстэ лисезекс ловимем. Кудов Иван Тарасыч сась прясто пильгс рудаз потсо. Течи човт панить кургстост-кортыть приватизациядо.

5-це куронть яволявтомазо

Ваннови «Эрзянь -рузонь валксось», эйзэнзэ совить малав 40 тежат валт.

Заданиясь: толковамс валтнэнь смустест, тевс нолдамс «Эрзянь -рузонь валксонть»: отксчи, отор, потлявозь, тапамс, куро, шикордамс.

6-це куронть яволявтомазо

Ваннови «Эрзянь келень эпитетэнь нурькине словарь» (А.Г. Борисов, 1982 ие)

Заданиясь: «Эпитетэнь словарьсэнть» седей валонтень максозь ламо эпитет. Алфавитэнь коряс столбикс сермадомс васенцекс вейке смусть марто валтнэнь, обмоцекс- сетнень, конатнесэ ули кандовозь смусть.

Уроконь итогось.

Кудов заданиясь: топавтомс таблицанть «Монь лездыця кудосо валксон»