Методическая разработка 'Жаңылтпаштар' (5 класс)

Сабақтың тақырыбы: Жаңылтпаштар. Қазақ әдебиет. 5- сынып .

Мақсаты :

Білімділік : Оқушыларға жаңылтпаш пен жұмбақ арқылы оқушылардың

зерделілік , танымдық , еріктілік ерекшеліктерін ұштау.

Тәрбиелік : Көпшілік алдында өзін- өзі еркін ұстауға , білімін кеңінен қолдана

білуге тәрбиелеу.

Дамытушылық : Өз беттерімен ізденіс үрдісін , адамгершілік

дағдыларын қалыптастыру.

Сабақ типі :дәстүрлі сабақ

Сабақтың әдіс- тәсілдері : топпен жұмыс, жеке жұмыс, кестемен жұмыс,

көрнекіліктері : интербелсенді тақта , оқулық, «Қазақ балалар әдебиетінің

хрестоматиясы»

Сабақ барысы :

І. Ұйымдастыру кезеңі.

Оқушылармен сәлемдесу, сынып тазалығына көңіл бөлу.

Сабаққа оқушыларды әзірлеу, оқу құралдарын түгелдеу.

ІІ. Үй жұмысын пысықтау. «Мақал мен мәтелдер»

Мұғалім бәрінен де қымбат, өйткені мұғалім- мектептің жүрегі.

Ы. Алтынсарин

ІІІ. Жаңа сабақ « Жаңылтпаштар»

Жаңылтпаш- адамның есте сақтау қабілетін арттырып , жылдамдық пен шапшаңдыққа шыңдайтын ауыз әдеиетінің бір түрі.

Топ бала , топ бала ,

Ойнап жүр топтала.

Зымырап допты ала,

Қуады көп бала.

ІҮ. Топпен жұмыс. Оқушыларды үш топқа бөліп, І топ жаңылтпаш ойлайды, ІІ топ жаңылтпашты жатқа айту, ІІІ топ жаңылтпаштың мағынасына жұмбақ құрайды.

Асық ойнаған азар, допты қуған тозар, бәрінен де малды баққан озар

І топқа ІІ топқа ІІІ топқа

1.Өнер алды- қызыл тіл 2. Сөз сүйектен, таяқ еттен өтеді 3. Әдепті бала- арлы бала

ҮІ. Жаңа сабақты бекіту. «Зымыран» ойыны

Қағаздан ұшақ жасап, І топ жаңылтпаш жазып , келесі ІІ топқа зымыранды ұшырады. Топ бірігіп зымырандағы жаңылтпашты оқып, жатқа айтады. Зымыранға жаңылтпаш жазып, келесі ІІІ топқа ұшырады. Ол топта зымырандағы жаңылтпашты оқып, жатқа айтып береді. І топқа зымыранға жаңылтпаш жазып, ұшырады . Ойын әрі қарай жалғасын табады. Оқушылар топпен бірге жұмыс жасайды. Жаңылтпашты жатқа қатесіз айтқан топ жеңіске жетеді.

І топ жаңылтпашы : Есет атам ет асатар, ет асатса бес асатар.

ІІ топ жаңылтпашы : Анау арал , қай арал?

Қайыңды арал , талды арал.

ІІІ топ жаңылтпашы : Үш кіші ішік піштім,

бес кіші ішік піштім.

Неше кіші ішік піштім?

ҮІІ. Қорытынды бөлімі :

Мақалдың жартысын табу. «Кім тапқыр?» ойыны.

1.Туған жердей жер болмас, ....................

3.Аз сөз алтын,.........................................

2.Шебердің қолы ортақ ,...........................

3.Аңдамай сөйлеген ,...............................

4.Күшіңе сенбе ,......................................

5.Оқу- білім азығы,..................................

ҮІІІ. Оқушыларды бағалау.

Стикер арқылы әр оқушының берген жауабына байланысты

қызыл түсті стикер- «Өте жақсы»

жасыл түсті стикер- «жақсы»

сары түсті стикер- «қанағаттанарлық»

Әр топтың жинаған стикерлерін есептеп бағалап, жеңімпаз топты табу.

ІХ. Үй тапсырмасы :

Жаңылтпаштар. Әр оқушы 5 жаңылтпаш жаттау.