'Абай дара, Абай дана қазақта' (сыныптан тыс шара) 5-11 сынып

Мақсаты:Қазақтың бас ақыны, ұлы дана, ойшыл, сазгерАбай Құнанбаевтың мол мұрасыноқушыларға кеңінен таныстыра отырып, болмыстарыменен, бар жан-тәндеріменен ұғына сезініп, мінерлеп оқуға,

Міндеті:

1. Оқушының бойына ақыл мен парасатты, сөз құдіреті мен көркем сөздің мәйегін бойына сіңдіру.

2. Қанымызда бар шешен де тауып шебер сөйлеуді ұрпақ бойынан көру.
3. Ұлыларымызды құрметтеу, сол арқылы оқушы бойына мақтаныш сезімін тудыру, даналардың даралығын бағалау, қастерлей білуге баулу.

1жүргізуші

Армысыздар, алқалаған әлеумет!

2жүргізуші

Бармысыздар, құрметті халайық!

3 жүргізуші

Бүгінгі «Абай оқу-2014» байқауына қош келдіңіздер!

4 жүргізуші

Бүгінгі мереке күнімізқұтты болсын!

1жүргізуші

Қазақ халқының ұлы ақыны, кемеңгер ұстазы, рухани айбары, туған елінің мың жылдық мұңын шерткен Абай мұрасы - мәңгілік мұра.

2 жүргізуші

Ол бүгінгі күні өзіміздің досымыздай, ғұлама сапарлас серігіміздей болып, сәулетті болашаққа қарай бізбен бірге аршындап адымдап келеді.

3 жүргізуші

Абай мұрасы - мол мұра. Оның жанды сөздері, айтқан ойлары біздерге мәңгілік азық болары хақ.

4 жүргізуші

Ендеше бүгінгі думанды тойымызға қош келдіңіздер!

1 жүргізуші

Мен өлеңге сыйғыза алман Абайды,
Жыр құдайы жоғарыдан қарайды.
Көлеңкелі кеудесіне қазақтың
Шымырлаған шуақ болып тарайды.
Өлең-жырдың көктеткен боз тақырын,
Анық басып, жүрдің байқап ақырын.

2 жүргізуші

Поэзия әлеміне самғадың,
Әділетті көксеуден еш талмадың.
Ақындардың көшбасшысы атанып,
Ел аузында мәңгі қалды жазғаның.

3 жүргізуші

Өзің едің өлең-жырдың тарланы,
Шоқ жұлдыздай биік туған арманы.
Қуат алдым жырларыңнан, нәр алдым,
Қолдасын деп Абай ата аруағы.

4 жүргізуші

Орындалмай қалды қанша арманы,
Жас ақындар өнеріңді жалғады.
Ұрпақтарың есіне алып өзіңді,
Жауһар жырмен мүсініңді сомдады.

1 жүргізуші

Бүгінгі сайысымыз 4 кезеңнен тұрады.

• «Жастықтың оты жалындап» мәнерлеп оқушылар сайысы.

• «Көңіл құсы құйқылжыр» Абай әндерін орындаушылар байқауы.

2 жүргізуші

• «Мен жазбаймын өлеңді ермек үшін» оқушылар өз туындыларын арнайды.

• «Абай әлемі» әр сынып буклет, кітапша, фотошежіре жасайды.

3 жүргізуші

Бүгінгі сайысымызға төрелік ететін әділқазылар алқасыменен таныс болыңыздар:

Мектеп директорының оқу ісі жөніндегі орынбасар Стамғазиева Ж.Қ

Мектеп директорының тәрбие ісі жөніндегі орынбасар Сариева Қ.С

4жүргізуші

Мәдениет үйі директоры Хасанов М.

Терме сыныбының оқытушысы Ғайнеденов Ж.Р.

1 жүргізуші

Бүгінгі доданы бастамас бұрын Абай ақын жөнінде мағлұмат ала отырайық. Ендігі кезек слайд көрсетілімінде...

(С л а й д к ө р с е т і л і м і)

1 жүргізуші

Мінекей, дара Абай, дана Абай осындай!

2 жүргізуші

Поэзия хантәңіріне айналған ақынымыз туралы айтылар әңгіме бітер емес, ол туралы айта берсек, таңға шейін барармыз,Ержан!

1 жүргізуші

Дұрыс, Даяна, ендеше не тұрыс бүгінгі «Абай оқу-2014» байқауына қатысатын қатысушыларымызды қол шапалақпенен шақыралық.

2 жүргізуші

Қарсы алыңыздар, поэзияны жаны сүйетін, оқушыларымызды қошеметпенен шақыруға рұқсат етіңіздер

(Қатысушылар келіп тұрады)

1 жүргізуші

Бүгінгі сайысымыздың жалпы мақсаты бәрімізге аян.

2 жүргізуші

Әрине, Ержан, бүгінгі сайысымызға келіп отырған халайықта, қатысушыларда Абай әлемінен сусындауға келіп отырғандарын жақсы ұғынып отыр.

1 жүргізуші

Ендеше, не тұрыс, кәнекей, байқауымызды бастайық.

2 Жүргізуші

1 бағам «Жастықтың оты жалындап» мәнерлеп оқушылар сайысы.Сайысқа қатысушыларымызды шақыруға рұқсат етіңіздер!

(Мәнерлеп оқушылар шығып тақпақтарын оқиды)

Слайд көрсетілімі

3 жүргізуші

Ән көңілдің ажары

Өнердің ол базары

Жанды сөз, жанды ән

Халықтың ол назары

4 жүргізуші

Енді алдарыңызда, 2 кезең басталғалы тұр.

3 Жүргізуші

«Көңіл құсы құйқылжыр» Абай әндерін орындаушылар байқауы.

4 жүргізуші

Осы бағам бойынша қатысушыларымызды шақыруға рұқсат етіңіздер. Ортада Мулекова Индира мен Казиуиллина Жанар

3 жүргізуші

«Желсіз түнде жарық-ай» әніменен. Қарсы алыңыздар!

(Мулекова Индира мен Казиуиллина Жанар)

4 жүргізуші

Қыздарымызға қол шапалақтарыңызды аямаңыздар! Келесі қатысушымыз бүгінгі сайысқа бірнеше күн дайындалып, түнде де, күнде де сол әнменен әуре болған екен.

3 жүргізуші

Айзада, сенің айтқандарың мені қызықтырып барады. Ол кім екен?

4 жүргізуші

Ол өз өнерін қазақтың қара домбырасы арқылы жеткізбек. Оның домбыра ұстап, алдарыңызға шығуына себеп болған әкесі екен.

3 жүргізуші

Айзада, сенің кімді айтып отырғаныңды ұқтым. Жәнібекұлы Шынтасты ортаға шақыруға рұқсат етіңіздер.

4 жүргізуші

Абайдың әні «Жаз», қошеметтеріңізді көрсете отырыңыздар.

(Жәнібекұлы Шынтас)

3 жүргізуші

Елімнің әнге қосып салтанатын,

Көмейден күн бүгінгі бал таматын,

Рахаттың көңілде самалы ессін,

Қаққан кезде суылдап ән қанатын.

Ортаға 9 сынып оқушысы Қазиоллақызы Еркежанды шақыруға рұқсат етіңіздер.

(Қазиоллақызы Еркежан)

4 жүргізуші

Ақпәтер біздер үшін жер жәннаты,

Жайылған шар талапқа кең қанаты,

Бар еліме аты шығып өнермененен

Самғасын әр жүректе ән қанаты.

Келесі қатысушымыз тек ауыл көлемінде ғана емес, республика көлемінде танылып жүрген оқушы. Оның өнеріне бүгінде барлығы тәнті болып үлгерді.

3 жүргізуші

Ортада мектебіміздің мақтанышы Нұралы Айтуған «Айттым сәлем, Қаламқас» әніменен. Қарсы алыңыздар!

(Нұралы Айтуған «Айттым сәлем, Қаламқас»)

Слайд көрсетілімі

1 жүргізуші

Даяна, осы өнерлердің ішінде қайсысы қиын деп ойлайсың?

2 жүргізуші

Менің ойымша өнер түрінің бәрі қиын. Дегенменен бүгінгі болып отырған шарамызға байланысты айта кетсем, өлең құрау шығар.

1 жүргізуші

Дұрыс таптың, ақындардың өлеңдерін ұғып оқу, оны жадына түю бір мәселе, ал оны өзі ойлап табу қиынның киыны.

2 жүргізуші

Бүгінгі қатысушыларымыз «болмасаңда ұқсап бақ» демекші Абай атамыз сынды жадынан өлең шығарып, ол өлеңдеріменен сіздерменен бөліскісі кеп отыр.

1жүргізуші

Ендеше, ортаға «Мен жазбаймын өлеңді ермек үшін» оқушылар шығармашылығы бөлімі бойынша қатысатын оқушыларымызды шақыруға рұқсат етіңіздер!

(Шығармашылығыменен таныстырушылар шығады)

3 жүргізуші

Абай -қазақ халқына біткен жұлдыздай. Оның өлеңдері біздерге ой, саналы ақыл сыйлайды. 4жүргізуші

Абайды оқымайтын, оның поэзиясына құмартпайтын қазақ жоқ шығар. Оны тану, білу, оқу біздерге- оқушыларға міндеттелген жүк.

3 жүргізуші

Ендеше, көп тұрмай, келесі кезеңімізді басталық. «Абай әлемі» әр сынып буклет, кітапша, фотошежіре жасайды. Яғни, Абай атамызды қандай тұрғыда таныстырғысы келсе, өз қалаулары бойынша таныстырып өтеді.

4 жүргізуші

Ортада жоба қорғаушыларымыз. Қарсы алыңыздар!

(Жоба қорғаушылар)

1 жүргізуші

Мінекей, осыменен бүгінгі бағдарламамыз тәмамдала келді. Әділқазыларымыз ақылдаса шешім қабылдағанша, бейнекөрініске назар аударыңыздар.

Слайд көрсетілімі

(4 жүргізуші шығады)

2 жүргізуші

Алдарыңызда бар өнер түрі көрсетілді.

3 жүргізуші

Бүгінгі өнер додасына қатысқан бар қатысушыларымызды ортаға шақыруға рұқсат етіңіздер.

( қатысушылар ортаға шығады)

4 жүргізуші

Ендігі сөз әділқазы алқасында.

(әділқазы алқасының сөзі)

1 жүргізуші

Халқым - менің тірегім

Құрбан жаным жүрегім!

Өнерлі озсын бәйгеде

Осы менің тілегім!

2 жүргізуші

Абайды оқып жүремін

Шаттана оқып күлемін

Бақытты болсын бар бала

Осы менің тілегім

3 жүргізуші

Өнерді бір бойыма ілемін

Өзіңнен ұшып түлегің,

Жарқын болсын болашақ

Осы менің тілегім!

4 жүргізуші

Бақытты өмір сүремін

Өткенді оқып білемін,

Абайға қарап өссін ұл

Осы менің тілегім!

1 жүргізуші

Келесі кездескенше сау-сәлематта болыңыздар!