Урок по теме 'Сидæн'

МКОУ лицей ст. Змейская

Гом урочы пълан

«Сидæн»-æй

Ахуыргæнæг:

Кереселидзе Р.В.

2015 аз

Темæ: Сидæн

Урочы нысан: 1. ныффидар кæнын зонындзинæдтæ сидæнæй.

2. ныхасы рæзтыл бакусын

3. мадæлон æвзагмæ уарзондзинад гуырын кæнын.

Урочы цыд.

1. Бацæттæгæнæн рæстæг.

Уæ бон хорз! Нæ урочы райдайæн кæрæдзимæ бахудæм æмæ зæрдæрухсæй нæ куыст кæнæм. 1-аг слайд.

2. Урочы темæйыл куыст.

Ахуыргæнæг: Цæмæй нæ абоны урочы темæ базонæм уый тыххæй нæ дзырдбыд райхалын хъæуы. Бацархайæм ыл уæдæ. 2-аг слайд.

1. Быру.

2. Нæ райгуырæн бæстæ.

3. Нæлгоймаджы уæлæдарæс.

4. Бæхыл бадæг.

5. Нымæц.

Ахуыргæнæг: Нæ дзырдбыдыл кусгæйæ сбæрæг кодтам нæ урочы темæ (СИДÆН). 3-аг слайд.

3. Урочы темæйыл куыст.

Ахуыргæнæг: Нæ урочы хъуамæ æрдзурæм, сидæнæй цы зонæм, ууыл. Сидæны тыххæй мах хъуамæ зонæм: 4-æм слайд.

-цы у сидæн?

- цæмæй загъд æрцæуы сидæн?

- даргъгонд сидæн цы хонæм?

- кæм фæлæууы сидæн?

- куыд хицæн кæнæм сидæн иннæ дзырдтæй?

1. Дзуапп раттын фæрстытæн.

2. Къордты куыст.

Ахуыргæнæг: Дарддæр кусæм къордгай. Æдæппæтæй нæм ис æртæ къорды. (Райуарын хæслæвæрдтæ). Лæмбынæг æркæсут уæ хæслæвæрдтæм æмæ дзы ссарут сидæнтæ.

1-аг хæслæвæрд.

«Фыдуаг» Къоста.

О цъиусур,

Ма мæм дзур!

О рувас,

Ма мæм уас!-

Хуысгæ ма кæнын.

О цæргæс,

Ма мæм кæс!

О тæрхъус,

Ма мæм хъус!-

Кæрдзыныл кæуын!..

2-аг хæслæвæрд.

«Мæхи дæ, о, мæхи Ирыстон!» Джиоты Хазби.

Мæ сонты бонтæй нырмæ систон

Дæуыл мæ зарджытæ, Ирыстон.

Дæ судзгæ зæрдæмæныхъхъуыстон,

Ирыстон, о, мæхи Ирыстон!

Дæ фарн, дæ цæрайæ æз цардтæн.

Ирыстон, о, мæхи Ирыстон!

Мæхи дæ, о, мæхи, Ирыстон!

3-аг хæслæвæрд.

«Катай». Къоста.

Мæ хæлар, мæ уарзон, æнæзонгæ уарзон!

Цы номæй дæм бадзурон, уый-ма мын зæгъ?..

Мæ зæрдыл дæ дарын цы ныфсæй фæразон,

Мæ райгуырæн бæстæ, мæ фыдæлты зæхх?..

Мæ райгуырæн бæстæ! Дæ айнæг къæдзæхтæй,

Дæ фидар, фæлтæрд риуæй хъусын хъæрзын…

Мæ хæлар, мæ уарзон! Дæлдзæхæй, уæлдзæхæй,

Кæмдæриддæр дæ, - тагъд мæ хъæрмæ фæзын!...

Ахуыргæнæг: Сбæрæг кæнæм уæ дзуæппытæ. (Къордты дзуæппытæм байхъусын)

3. Чиныгимæ куыст.

Баххæст кæнын 4-æм фæлтæрæн. Схемæтæм гæсгæ ныффыссын хъуыдыйæдтæ.

1. С! 2. С,… 3. …, С, … 4. …, С.

4. Текстимæ куыст.

Нæ фыдæлты царды мæсыгæн уыд стыр ахадындзинад.

Мæсыг ама…той бæрзонд бынаты, цæмæй иу мæсыгæй иннæ мæсыг зындаид.

Знаг-иу куы ҆рбацæйцыд, уæд-иу мæсыгмæ схы…тысты æмæ-иу йæ сæрыл арт ско…той. Кæд-иу искæйы мæсыгыл арт фæзынд, уæд-иу базы...той - тыхгæнæг æрбацæуы. Æмæ-иу уæд уыцы мæсыгау иннæ мæсгуыты сæр дæр æртытæ ско…той.

Афтæ, мæсыджы фæрцы кæрæдзийæн хабар хъусын ко…той.

1. Цухгонд дамгъæтæ бавæрын. Бамбарын сын кæнын сæ растфыссынад.

2. Тексты номдартæ ссарын.

3. Дзырд мæсыг-æн йæ хауæнтæ фæбæрæг кæнын

4. Дзырды хæйттæм гæсгæ равзарын дзырдтæ фыдæлты æмæ тыхгæнæг.

5. Хъуыдыйæдтæ хъæугæ æрхæцæн нысæнттæй баххæст кæнын æмæ сæ рафыссын. Бацамонын сидæнтæ.

Фæсивæд ныййарджытæн аккаг аргъ кæнын кæддæриддæр фæразут!

Сымах мæ хуртæ æнгомæй куы цæрат, уæд уæ цард фæрныгдæр уыдзæн.

IV Кæронбæттæн.

Бузныг. Мæ зæрдæ мын барухс кодтат уæ куыстæй.

V Бæрæггæнæнтæ сæвæрын.

VI Хæдзармæ куыст раттын.

Æрхъуыды кæнын æмæ ныффыссын диалог сидæнтæй пайда кæнгæйæ.