Баяндама:КӘСІПТІК БІЛІМ БЕРУ ЖҮЙЕСІНДЕГІ МУЛЬТИМЕДИЯЛЫҚ ТЕХНОЛОГИЯНЫ ҚОЛДАНУДЫҢ ТИІМДІЛІГІ

КӘСІПТІК БІЛІМ БЕРУ ЖҮЙЕСІНДЕГІ МУЛЬТИМЕДИЯЛЫҚ

ТЕХНОЛОГИЯНЫ ҚОЛДАНУДЫҢ ТИІМДІЛІГІ

Қазақстанның тәуелсіз мемлекет ретінде қалыптасуы барысында кәсіптік білім берудің жүйелі реформалануы қоғамдық тұрғыдан үлкен маңызға ие. Білім беруді реформалауды жүзеге асырудың және бір маңызды сипатты қазіргі уақыттағы оқыту үрдісін технологияландырудың қажеттігінен тауып отыр. Осыған орай, соңғы кезде оқытудың әр түрлі педагогикалық технологиялары жасалып, кәсіптік білім беру ұйымдарының өміріне енгізіліп отыр.

Білім берудің қазіргі негізгі мақсаты білім алып, білік пен дағдыға, іскерлікке қол жеткізу ғана емес, солардың негізінде дербес, әлеуметтік және кәсіби біліктілікке - ақпаратты өзі іздеп табу, талдау және ұтымды пайдалану, жылдам қарқынмен өзгеріп жатқан бүгінгі дүниеде лайықты өмір сүру және жұмыс істеу болып табылады

Қазіргі заман мұғалімінен тек өз пәнінің терең білгірі болу емес, тарихи танымдық, педагогикалық - психологиялық сауаттылық, саяси экономикалық білімділік және ақпараттық сауаттылық талап етілуде. Бұл заман талабына сай білім беруде жаңалыққа жаны құмар, шығармашылықпен жұмыс істеп, оқытудың озық технологиялары мен инновациялық әдістерді сабақ үрдісінде тиімді пайдалана алатын білігі мен білімі жоғары ұлағатты ұстаз болуды заман талап етеді. Сонымен қатар жаңа технологиялардың түрлерін дұрыс таңдап өз тәжірибесіне енгізу оқытушының шеберлігі мен біліктілігіне байланысты. Кәсіптік білім беруде білікті мамандардың тәжірибесі, нормативтік құжаттар, жергілікті материалдар қажет болған жағдайда мультимедияның көмегі ерекеше.

Мультимедиялық технологиялар - әртүрлі типті мәліметтерді дайындау, өңдеу, біріктіру, ұсыну әрекеттерін ақпараттық және бағдарламалық жабдықтарды пайдалану арқылы жүзеге асыратын құралдар, әдістер мен тәсілдер жиынтығы. Мультимедиялық технологиялардың дамуы бейнетехниканың және дербес компьютердің өркендеуі нәтижесінде жүзеге асуда. Мультимедия статикалық, динамикалық және дыбыстық ақпараттарды талапқа сай дәрежеде ұсынуды іске асырады.Яғни мультимедия арқылы біз сабағымыздың тақырыбын толық ашуға, дәріс алушылардың зерттеушілік қабілетін дамытуға, дербес жұмыс істей білу, жауаптылық, белсенділік, мұқияттылық сияқты іскерлік қасиеттерін дамытуға бағыт жасай аламыз. Мысалы «Экономика», «Маркетинг», «Тауартану», «Ақша, каржы және несие» пәндерін оқыту барысында жергілікті статистикалық материалдар, аудио-видео таспалар, БАҚ материалдары, мамандар сұхбаты, интерьвиюлер қажет болған жағдайда мультимедияны қолдау тиімді, әрі нәтежелі.