Урок по эрзянскому языку Якатано - пакатано... (глаголонть коряс урок - путешествия) (7 класс)

Якатано - пакатано....

Глаголонть коряс урокось - путешествия.

Те урокстонть эряви невтемс глаголанть смустензэминек эрямосонть ды кортамосонть, сюпалгавтомс тонавтницятнень кортамост седе ламо глаголсо, валмеревкссэ, фразеологизмасо: невтемс смустинь коряс глаголонь истят куротнень, кода якамонь - пакамонь (движениянь), кортамонь, ёжомарямонь ды лият.

Путешествиясь карми молеме нилень - кемень киява(маршрутка).

1. «Иля капша кельсэ - капшак тевсэ»;

2. «Иля кенярдо ломанень сельведьс - тонсь эйзэст эртеват»;

3. «Берянь вал ёвтат - берянь вал марят»;

4. «Автень кургсо карвот бизныть»

Маршрутнэнь лемест сермадовить плакатс ды понгавтозь нема таркас.Классось явови кавто курова.Изни се ,кона седее видестэ ютасынзе китнень -янтнэнь.

Васенце кись-янось.»Иля капша кельсэ-капшак тевсэ»(алтазь якамонь-пакамонь глаголтнэнень)

Заданиятнень максы тонавтыцясь.

1.Мейсэ молить вейке омбоце енов ванна истят глаголтнэ:ардомс,ветямс,велямс,ливтямс,сасамс,уемс,кемемс ,чиемс,эскелямс,ютамс.

2.Тынь эрьва чистэ сакшнутадо школав ды молемстэ нейтядо,кода ардыть машинатне,алашатне.Евтынк ,кодамо глагол вельде невтить перть пельксэнтьэрьва кодамо предметнэньтаркадо-таркас ютамост? Кода молить эйкакштне ,покш ломантне,сыретне.?

3.Максозь стихстэнть муик ды евтык якамонь-пакамонь глаголтнэнь.

«Велень ава» А.Доронин (ловны учителесь)

Стясь,скалонть стадав панизе,

Уштсь печка,пидесь ярсамс,

Кудо киякстнэнь сон шлинзе,

Вень паксясто мирденть самс,

Матцтс валскень ловсонть ливтизе,

Кенерсь чийнеме шабрав.

4.Ловнови Н.Эркаень «Охотасо» евтнемастонть саевксэсь .Кодат яксемат сыргсемат редявить перть пелькссэнть ? Кодамо глагол вельде невти тень авторось ?

«Тесэ монень лия таркань мазычиде иля корта,-мерсь Митяй дедась, келейстэ кедьсэнзэ яходезь.-Кодамо оште мазычи теть эряви?Вант ды кунсолок ,кода моры модась.

Видельть атянть валонзо.Минь аштинек садсо,кона новольсь обед енов.

Икеленек жойнесь моря:чадыведесь менсь лейстэнтьды валовсь поймаванть.Ведентень а вановат.Сонзэ эйс вачкодевсь чись,кирвастизе сиянь толсо ды сокоргавтсьсельмтнень.

Омбоце кись-янось.

«Иля кенярдо ломань сельведьс,тонсь эйзэст эртяват»

Заданиятне:

1.Арсемс ды евтамс ежомарямонь ды состояниянь глаголт. (берякадомс, апаркстомомс,дивсемс,таймаскадомс ды лият)

2.Ловови стихстэ саевкс,муемс ды евтамс ежомарямонть ды состояниянь глаголтнэнь.

Ды секс весе талакадынь

А вал а муемс,а эсь пря.

ДЫ мик арсинь :бути ематы ,

Моне ули седе вадря.

3.Ловови И. Кривошеевень «Цярахман» стихотворениясь .Муевить эйстэнзэ ды евтавить состояниянь глаголтнэ.Келень кодат енкст саи поэтэсь пертьпельксэнь невтемстэ.

Вердине -верде ,прок суре вельде.

Чуро пиземне,покшке каплине.

Пургси модантень,мастор чамантень.

Пельне ашо сы,весе шалнозь сы.

4.Лецтямс ды евтамс валмеревкст,косо улить ежомарямонь ды состояниянь глаголт .

1.Тунда удат-сексня майсят,тельня лайшат

2. Ломань масторсо,кизнаяк кельмат.

3.Шумбрачись чама валдомты,сэредемась -олавты.

Колмоце кись-янось.

«Берянь валт евтат -берянь вал марят»(алтазь кортамонь глаголтнэ)

1.Чарькодемс содамоевкстнэньды муемс эйстэст кортамонь глаголтнэнь.

Машты кортамо ,мелень евтамо.(книга)Поро мельсэ евтасак -ламбамо,кежейстэ евтасак- сэпей(вал) Арась келезэ-ранги,арасть кедензэ- янги(варма) ды лият.

2.Муемс синонимть глаголтнэнень:кортамс,пижнемс,евтамс.

3. Лецтямс кортамс валонть марто фразеологизматнень ды панжомс смустест.( Кортамс ланга прява,кортамс седейшкава,кортамс сельмс,кортамс удалга ).Ютавтомс рузонь кельс.

Нилеце кись -янось. «Автень кургсо карвот бизныть»(алтазь гайгемань глаголтнэнь ,конат теезь гайгема енов молиця глаголтнэстэ.

1. Ловнови К.Г.Абрамовонь «Найман»романстонть саевксэсь ,эйстэнзэ муевить ды ливтевить гайгемань глаголтнэ.

«Ушосонть экшель. Менелесь ней ульнесь ванькс ды цитниль тештесэнзэ.Ведесь каштмольсь, прок Захар совась кодамо - бути покш, чаводы сэтьме кудос. Ансяк косо - бути васоло, пирявксонть томбале, шольнесь чудикерькске. Секень вант се, козонь сон пракшнось чокшне. Экшеденть Захар совась сенека пирентень, лишменть ваксс. Лишмесьвастызе сэтьме цяхамосо.Захар нежедсь рунгозонзо ды кувать аштесь истямо ладсо. Лишмень лембеденть сонензэ тунь эзь маряво вень якшамось. Сон мик аламос сутямкшнось. Тундонь весь аволь кувака. А кенери мадеме чокшнень зорясь, кода уш кирвази чилисемась. Виресь сыргась аламонь - аламонь: васня каявсь ве нармунень вайгелесь, мейле омбоцень, шкань ютазь косо - бути васоло варнозевсь варака, тернезевсь сезьган, ды вирень пиже потмозо пешкедсь горниповонь гальнемасо. Нешке пирень паломанть велькссэ бизнэзевсть васень мекштне, пельс лопань тарадтнень пева цитнезевсть пиземе петьнявкстнэ. Сэрей чувтнэнь тештнесэ зорянь поладовсь сырнень паломасо.

2. « Кие седе ламо?» налксемась. Арсемс ды сёрмадомс гайгемань глаголт.

3. Теемс глаголт гайгема ёнов молиця валтнестэ, конат вастовить И. Кривошеевинь «Цярахман» стихсэнть. Весе валтнестэ теевить?

4.Ловновить предложеният. Ёвтамс мезе невтить гайгемань.1)Шкань - шкань кайсети васоло пурьгине. Сон сыль яла малав ды урныль седе пек.2)Сэрей вальманть томбале валдомсь тундонь чись, цитнесть озястнэ, неявсть васоло паксят.3)Валске мартом он лисинь ушов.Маряса катка мявкстни.4) Морасть письмартнэ велесэ, славасть паксятнесэ норовжорчтне, сыненст лездасть вишка лейнетне, конат жольнесть лашмотнева ды апак лотксе тердсть ломатнень инжекс. 5) Тейтерь пингесь теке цёков моры, куншка порась кукинекс кукорды…

Прядови урокось шнатадысь ды казятадысь!