Сабырлылық пен ұстамдылық 5 сынып

Өзiн-өзi тану сабағының жоспары

Мектеп____Мерзiм_______№__22___Тақырып «Сабырлылық пен ұстамдылық».

Құндылық ішкі тыныштық Қасиеттер ұстамдылық,сабырлылық,

МұғалiмЕрежепбекова М Класс___5__Оқушылар саны___10_

Сабақ мақсаты:

Оқушыларға «сабырлылық» пен «ұстамдылық» қасиеттері арқылы ішкі тыныштық құндылығы туралы түсініктерін кеңейту.

Міндеттері:

-Оқушыларға «сабырлылық» және «ұстамдылық» қасиеттерінің адамның ішкі тыныштығын сезіне білуге ықпал ететінін түсіндіру;

-ұстамдылық,сабырлылық қасиеттерін дамыту.

-оқушыларды ізетті, ілтипатты, сыпайы болуға тәрбиелеу.

Ресурстар құралдар, мәлiметтер)

Сабақ барысы:

1. Ұйымдастыру кезеңi.

Тыныштық сәтi.

Нұрға бөлену.

2. Үй тапсырмасын тексеру.

Оқулық 77-78 бет, «Жан жарасы жазылмайды».

1. Әкесі баласын ұстамдылыққа қалай үйретті?

2. Баласы әкесінің айтқанынан не түсінді?

3. Өздеріңнің сабырсыздық танытқан кездерің болды ма?

4. «Ашуды ақылмен жеңу» дегенді қалай түсінесіңдер?

3. Дәйексөз.

Сабырлық - ақыл-парасаттың белгісі,

Сабырсыздық сені ұятқа қалдырар.

Ж.Баласағұни

• Дәйексөздің мағынасын қалай түсінесіңдер?

Оқушылар жаттап алу үшін, бірнеше рет қайталау.

4. Әңгiмелеу

Өкініш

Мектептегі екі дос, үйге қайтар жолда қымбат ұялы телефон тауып алды.

- Бұл телефонды ертең иесіне қайтарармыз,бірақ бүгін менде болсын, - деді Арман.

- Неге сенде болу керек? Телефон шалып иесін іздейік, - деп ренжіді Қайрат.

- Оның құпия сөзін білмейміз ғой!!!

Қайрат амалсыздан Арманның айтқанымен келісті. Келесі күні Арман телефонды үлкен ағасы алып, бермей қойғанын айтты.

Қайраттың жылағысы келіп кетті. Мұғалімге айтайын десе, Арманның ағасы бұзық - өзі одан қатты қорқады.Ал Арман болса, түк болмағандай ойнап жүр. Қайрат өзін қоярға жер таппады, не істесе де телефоноқиғасыоған маза бермеді.

• Қайраттың осындай күйге түсуіне не себеп болды?

• Осындай жағдайларда не істеуге болады?

Шығармашылық жұмыс, топтық жұмыс.

Ұстамдылық - сүйіспеншіліктің бір қыры.

(1.10-минуттан бастап көрсетемін)

1. Балалар, қане осы екі кейіпкерге мінездеріне сәйкес ат қояйық (1-топ итке, 2-топ мысыққа).

2. Енді екеуіне мінездеме беріңдер (1-топ итке,

2-топ мысыққа).

3. Осы мінездемелерді негізге ала отырып, екі шумақтан тұратын өлең шығарайық. (1-топ итке, 2-топ мысыққа). (өзім көмектесемін)

4. Өлеңге келетін ән табайық. (Әнді 2 топ кезектесіп айтады. Әрқайсысы өз кейіпкерлерін мақтайды).

5. Топпен ән айту.

Заттыбек Копбосынов «Әдемі»

6. Үй тапсырмасы. Кітаппен жұмыс

23- сабақ. «Адал бала» (Корей ертегісі) 81-82 бет.

Дәптермен жұмыс. 51- бет, 3-жаттығу

«Аяқталмаған сөйлем».

7. Соңғы тыныштық сәтi.

Балалар, бүгінгі сабақта алған ойларды жүрегімізге түйейік. Сабақ аяқталды,сіздерге рахмет!

Сау болыңыздар!