«Цардфœлварœны уœлахиз тыхфœлварœныл Барахъты Гинойы радзырд «Цœр!-ы»

Урочы темœ: «Цардфœлварœны уœлахиз тыхфœлварœныл Барахъты Гинойы радзырд «Цœр!-ы»

Урочы нысантœ:

1.Уацмысы тугисыны фарста куыд лыггонд цœуы, уый равзарын.

2. Бакусын ахуырдзауты ныхасы рœзтыл, темœмœ цымыдисдзинад рœзын кœнын.

3. Скъоладзаутœм хъомыл кœнын раст цœстœнгас нœ ирон œгъдœуттœ œмœ традицитœм.

Урочы фœлгонц:

Диск, интерактивон фœйнœгыл œмбисœндтœ.

Урочы цыд:

1. Бацаттœгœнœн рœстœг.

2. Ног œрмœгыл бакусын

1. Ахуыргœнœджы раныхас:

Абон мах дзурдзыстœм œгъдауœ œмœ лœгдзинады уалахизыл. Нœ урочы хъуамœ ахъуыды кœнœм , нœ ирон œгъдœуттœ œмœ традицитœй нœ цардœн хорз цы у, œмœ нын дзы фыдœгъдау та кœцы у, ууыл. Ацы фарстатœн нын дзуапп раттынмœ баххуыс уыдзœн Барахъты Гинойы радзырд « Цœр!»

2. Радзырд «Цœр!»-ы мидисмœ зонгœ кœнын.

3. Дзырдуатон -лексикон куыст:

Уацилла. Уацилла ирон зœдты, ирон бардуœгты œхсœн сœрмагонд бынат ахсы. Тыллœджы, хоры, зœххыл адœймаджы хордзинадœн цыдœриддœр зайы, уыдоныл аудœг бардуаг. Уый у стыр бархъомысджын хорарах œмœ фосарœхы бардуаг.

Уациллайы бœрœгбон кœнынц алы комы дœр, быдыры хъœуты, горœтты. Ис ын бирœ кувœндœттœ, фœлœ йœ сœйраг кувœндон ис Дœргъœвсы, Тыбауы хохы сœр.

Туджджынтœ- марœджы мыггаг кœнœ бинонтœ. Куыд марœгœн йœхицœн,афтœ йœ мыггаг œмœ йœ бинонтœн дœр тас уыдис œфхœрд баййаффœг мыггаджы къухœй мœлœт ссарынœй. Чи сœ кœд фœмард уыдзœн тугисœджы къухœй, уый сœ ничи зыдта, œмœ иу сœ œппынфœстаг уыцы бœллœх искœуыл цœугœ дœр œркодта , кœд иу œхсœнады бон туджджынты бафидауын кœнын нœ бацис, уœд.

Мœсыг. Мœсгуытœ хœхбœсты арœзтой цœрынœн, бахъуыды заманты, тœссаг рœстœджы канд аддагон лœбурджытœй нœ , фœлœ химидœг знœгтœй-туджджынтœй-хи бахизыны уагыл дœр.

4. Литературœйы теории.

Олицетворени. Удгоймаджы миниуджытœ хаст œрцœуынц œнœ уд предметтœм. Зœгъœм:

«… Дымгœ œхситгœнгœ хаста алырдœм хабар: «Пхалœгаты Къомбох нозтцы фœдыл лœг амардта».

Къомбохы уавœр равдисынœн.

«Уыцы дымгœ кœуы мœныл,- зœгъта Къомбох, -кœуы мœ хъаруйыл, œнœхайырœй, œнœхъуаджы чи фесœфтис».

Барœн. Иу предмет œндœр предметимœ , кœнœ архайд œндœр архайдимœ цы аивадон мадзалы фœрцы абарынц. Загъœм: « Бирœгъау сонтœй, рувасау хинœй архайдта, амалтœ арœзта Тœхонты Мулдан туджджынтœн батых кœнынœн»

Пейзажы œрфыст. Уацмысы : Дœргъœвсы комы œрдзы œрфыст.

5. Бакаст уацмысыл œрныхас кœнын.

-Цавœр бœрœгбоныл цœуы ныхас?

- Куыд цœттœ кодтой Дœргъœвсгом сœхи уыцы бонмœ?

- Цавœр трагикон цау œрцыд бœрœгбоны рœстœг? Цы сты йœ аххосœгтœ?

6. Мулдан œмœ Къомбохы зœрдœйы уаг хуыздœр равдисынœн скъоладзаутœн кœсынц цœсгœмттœм гœсгœ.

7. Скъоладзаутœ дœттынц характеристикœ сœйраг хъайтарœн.

- Цы равдыста автор ацы фембœлдœй?

-Куыд схонœн ис Тœхонты Мулданœн, Пхалœгœты Къомбохœн?

8. Уацмысы темœ œмœ идейœ сбœрœг кœнын.

Уацмысы темœ. Адœм бœрœгбонмœ куыд цœттœ кодтой , нозты охыл цы фыдбылыз œрцыд, Мулдан йœ туджджыны марынмœ куыд агуры.

Уацмысы идейœ. Тызмœг œгъдауыл фауалахиз уœздан œгъдау, мœлœты басаста цард. Мастисыны монцœй бœрзонддœр разынд ныббарыны œнкъарœн .

9. Зœрдыл œрлœууын кœнын ацы темœмœ хœстœг уацмыстœ.

Дзуапп: Коцойты А. « Фынддœс азы» (уацмысы сюжет цыбырœй)

Тугъанты Б. «Æгъдауы амœттаг» ( уацмысы сюжет цыбырœй)

10. Байхъусын Хъайттаты С. Радзырд «Ирœд»-мœ.

Хуысинœ аскъœфта Тасолтаны чызг Хъуыдинœйы. Скъафты аххос у ирœд. Чызг фœмард фœндагыл. Хуысинœ арбацыд Тасолтаны хœдзармœ. Туг ныккалды бœсты лаппуйан барст арцыд йа фыдракœнд. Рœстœг цыд. Фыд йа дыккаг чызджы радта Хуысинœйœн. Уый фœста рабœрœг, кœддœр Тасолтан дœр чызг скъœфгœ ракодта: ирœд цœмœй бафыстаид, уый йœм нœ уыд.

11. Æмбисœндты хъуыды райхалын. Туг тугœй не хсадœ уы. Туджджын лœг œхсœв фыдфынтœ уыны. Тыхфœлварœн мауал скœнœм , фœлœ цардфœлварœн. Амарынœй ныббрын œвœсмондœр у.

12. Скъоладзауты хъуыдытœ лœвœрд проблемœйœ.

Цавœр хъуыдытыл уœ бафтыдтой ацы уацмысты цаутœ ? (скъоладзаутœ дзурынц сœ цœстœнгас, кœнынц хаттдзœгта)

3. Урочы кœронбœттœн.Мивдисджын у Гинойы прозœ. Фыссœг ирдœй œвдисы адœмы уды рухс, сœ зонды тых. Йœ уды фидауцœй басœтты хœрам Тœхонты Мулдан ,й туджджынтœй скœны œрдхорд œфсымœр. Хъайттаты Сергей Тасолтаны фœлгонцœй равдыста куырыхон хистœры зондахаст ирон œгъдауттœ œмœ традицитœм.