Әскери-патриоттық оқу-дала жиынына қатысуы туралы хабарлама

Березовка орта мектебінің 3күндік әскери-патриоттық

оқу-дала жиынына қатысуы туралы хабарлама

2014жылғы 15-18 мамыр күндері аралығында Қазақстан Республикасы Үкіметінң «Мемлекеттік ұйымдардың азаматтарды әскери қызметке дайындауды ұйымдастыру және қамтамасыз ету ережесін бекіту туралы» 2014 жылғы 11 ақпандағы №118 қаулысының талаптарына Қазақстан Республиқасының Білім және ғылымминистірлігінің 28.09.2005 жылғы №653 бұйырығымен бекітілген АӘД бағдарламасына және Шығыс Қазақстан облысының білім беру басқармасының 2014 жылғы 19 сәуірдегі №01/2435 «Оқу-дала жиындарын өткізу туралы » хатына сәйкес алғашқы әскери дайындық бойынша оқушылардың алған теориялық білімдерін тәжірибе жүзінде бекіту. Дене шынықтыру дайындығын жетілдіру мақсатында Бесқарағай ауданында білім бөлімінің жоспары бойынша 10 сынып оқушыларының 3күндік әскери-далалық оқу жиыны Мостик орта мектебінің базасында өтті. Әскери-далалық оқу жиынына мектептің 2 оқушысы қатысты.

Мақсаты: оқушылардың АӘД пәнінен алған теориялық білімдерін іс-тәжірибе негізінде жетілдіру. Болашақ жас сарбаздарды әскер қатарына дайындау, патриоттық сезімдерін ояту, елге, жерге деген сүйіспеншілігін арттыру. Жас сарбаздардың өз іс-әрекетінің дұрыс орындалуын қадағалау, психологиялық тұрақтылықты қалыптастыру, жанындағы адамдарға көмек беруге, елжандылыққа, қырағылыққа, тапқырлыққа, қиыншылыққа төтеп беруге тәрбиелеу.

Үш күндік ОДЖ-ға келген оқушылар «Жас сарбаз» атанып, өздерінің алғашқы әскери дайындық пәнінен алған білімдерін одан әрі іс-тәжірибе жүйеде жетілдіре түсті. Әскери форманы сақтап, спорттық нормативтер мен тәңертенгілік дене жаттығу жұмыстары жүргізілді. Кешкілік тексерістерде үздік роталар анықталып, спорттық мәдени іс-шараларда үздік өнер көрсеткен жас сарбаздарға рота, взвод командирлері атынан алғыс жарияланып отырылды. Тәнертең ұйқыдан тұрғанда және кешкілік ұйқыға жатқанда ҚР әнұраны күнделікті орындалды. Болашақ сарбаздарға жарғыға сәйкес нарядтар тағайындалып, сол бойынша өз қызметтерін атқарды. Қауіпсіздік ережелерін рота командирлері күнделікті жүргізіп, журналдарға қолдарын қойғызып отырды.

Оқу-дала жиынында ҚР Қарулы Күштерінің «Саптық Жарғысы», «Гарнизондық және Қарауылдық Жарғысы», «Ішкі қызмет Жарғысы», «Тәртіптік Жарғысы», «Атыс дайындығы», «Тактикалық дайындық», «Әскери топография»» «Азаматтық қорғаныс» бойынша оқу-жаттығулар өтіліп, қару-жарақпен жақынырақ таныстыру ұйымдастырылды. Саптық алаңда 3 күндік оқу-дала жиынының жабылуы салтанатты түрде өтті. Ән және саптық шеру байқауы өз дәрежесінде өтті. Оқу-дала жиыны қорытындысында білімдігі мен іскерлігі тарапынан ерекше көзге түскен АӘД мұғалімдері мен оқушылар аудандық Білім бөлімі мен Қорғаныс бөлімінің марапаттарына ие болды.

Оқу-дала жиынында арнайы тағайындалған медбикелер оқушылардың денсаулықтарын қадағаласа, асхана сапалы тамақпен қамтамасыз етті.

Сонымен қорыта келгенде, оқушылар ҚР жарқын болашағы және ел тыныштығын сақтайтын болашақ сарбаздар өздері екендігіне көздері жетіп, ерекше көңіл-күймен оралды.

</ Мектеп директоры: Т.Н Кургамбаев

АӘД оқытушы - ұйымдастырушысы: Е. Толқынбек