Сабақтың тақырыбы: Өтірік өлең

Сабақтың тақырыбы: Өтірік өлең

Сабақтың мақсаты: Оқушылар өтірік өлеңді түсініп оқиды. Өтірік өлеңнің мазмұнын әңгімелейді. Мәнерлеу дағдысы қалыптасады.

Күтілетін нәтиже:

Пәндік нәтиже: оқушылар өтірік өлеңді түсініп оқи алады. Өлеңді мәнерлеп оқып шумақтарын талдай алады, сыни тұрғыдан ойлай алады.

Жүйелі іс-әрекет нәтижесі: шығармашылық тапсырмалар арқылы байланыстырып сөйлеу, ойын тиянақты жеткізу мүмкіндігін дамыту.

Тұлғалық нәтиже: оқиғаға сын көзімен қарауға дағдылану. Айналадағы адамдардың әрекетіне баға беруге, өз бетімен жұмыс жасауға, өтірік айтпауға баулу.

Сабақтың көрнекілігі: суреттер, оқу кітабы.

Сабақтың әдіс- тәсілі: түсіндіру, өз бетінше жұмыс жасау.

Сабақтың барысы:

1. Қызығушылықты ояту.

Оқушылардың көңіл - күйін сұрау. (бармақпен көрсету)

- Сабаққа дайындығымыз қалай? (3-рет шапалақ)

- Бүгін, біз, әдебиеттік оқу пәнін өтеміз, бүгінгі күнге барлығыңызға сәттілік тілеймін.

Сыныпты топқа бөлу «Күз кереметтері» көкөністер арқылы топқа бөлу.

- Балалар, алдарыңдағы суреттерге қарап, оны жоғары көтеріндер. Осы суреттер туралы не айтасыңдар?

- Бұларды қалай атаймыз?

- Енді, балалар, топтың ортасындағы суретке қарап кімнің суреті сәйкес болса сол топқа жиналамыз.

Сынып «Қияр», «Қызанақ», «Сәбіз» болып үш топқа бөлінеді.

2. Мағынаны тану.

- Олай болса, бүгін біз өтірік өлеңді оқуды жалғастырамыз.

Оқулықпен жұмыс:

- мұғалімнің оқуы

- оқушылардың тізбектей оқуы

Мазмұнын ұғынуға сұрақ- жауап:

1. Неліктен өтірік өлең деп ойлайсындар?

2. Осы өтірік өлеңді қай жерде кездестіруге болады?

Сергіту сәті. Жел соқты гу- гу,

Жаңбыр жауды тырс -тырс.

Жаңбыр басылды,

Күн ашылды.

Дәптермен жұмыс. «Менің өтірігім» өлең жазу

3. Ойтолғау.

«Балдырған журналынан» өтірік өлеңдер оқу.

- Өтірік өлеңді жатқа білетін оқушы бар ма? (1-2 оқушыдан сұрау)

Әр топ өз ойларынан сахналық қойылым көрсету.

Қорыту.

- Бүгінгі сабақта не туралы әңгімелесті?

- Сабақ ұнады ма?

Үйге тапсырма: мәнерлеп оқу