'Ана тілім - алтын бесігім' атты шығармашылық жұмысы. Жетекшісі. Ж. К. Тулегенова

Ана тілім - алтын бесігім

Мен жанымды көремін бұл айнадан,

Тіл - тіршілік белгісі ғой қайнаған.

«тіл - халықтың тірлігінің тірлігі»

Деп түсінер санасы бар ойлы адам.

Тіл - болаттай берік көкшіл байрағым,

Әр жүректі еліткен құдіретіңнен айналдым.

Киіз үйдің шаңырағы секілді

Тілім барда Жерұйықта жайландым.

Түлейсің ғасырлардан ғасырларға,

Айналдың ақық , маржан асылдарға.

Тәуелсіздік тайында теңдік тиді,

Көнбейсің енді өзіңді жасырғанға.

Тіл керуені мәңгі ұзақ сапарда,

Көш жүктері шаршамайтын атанда.

Басқа нәрсе өшсе де, тіл өшпейді

Кең Сахара аталатын жапанда.

Ана тілім - менің алтын бесігім,

Алла берген таусылмайтын несібім.

Соңғы демім ана тілде , себебі

Ана тілмен аштым өмір есігін.

Сәбимін мен , бесігімде тербелемін,

Сен арқылы дертімнен емделемін.

Асқар бел мен асу шөлді артқа тастап,

Келеді қанатімды сермелегім.