8-сынып әдебиет бойынша қысқа мерзімді жоспар

Павлодар облысы, Ақтоғай ауданы, Жоламан ауылы «Ақтоғай ауданының Ақбидай негізгі мектебі» кмм-сінің қазақ тілі мен әдебиет пәні мұғалімі Мундуинова Асем Ерболатовна

8-сынып, әдебиет

Сабақтың тақырыбы: Т. Айбергенов «Аруана бауыр - дүние»

Жалпы мақсат: Оқытудың жаңа стратегиялары арқылы оқушылардың анаға деген құрметін арттыра отырып, өлеңнің айтар ойын ашуып талдату, сөз байлығын, сөздік қорын байыту мен шығармашылық қабілетін жетілдіруге жағдай жасау

Сабақтың типі: Жаңа тақырыпты меңгерту

Ресурстар: Интербелсенді тақта, доп, смайликтер, табиғат суреттері, сызба, семантикалық карта, маркер, флипчарт

Сабақтың әдісі:

Сабақтың барысы:

І Ұйымдастыру

1. Амандасу

2. Оқушыларды топқа бөлу. Табиғат суреттерін таңдата отырып, топқа бөлу.

ІІ Үй тапсырмасын сұрау. «Серпілген сауал» әдісі (3 минут)

Тақырыптың түсіну деңгейін арттыруға және талқылау дағдыларын дамытуға қол жеткізу үшін сыныптағы оқушылардың арасында сұрақтарды лақтырып, сабақ мақсатына жақындайды. Сөйтіп сабақтың мақсатын оқушылардың өздері ашып береді. Оқушылар Т.Айбергеновтың шығармашылығына байланысты сұрақтар қоюы мүмкін:

1. Т. Айбергенов кім?

2. Ол қай жерде дүниеге келді?

3. Оның қандай еңбектерін білесіңдер?

4. Ана тақырыбына байланысты кімнің қандай шығармаларын білесіңдер?

ІІ. Жаңа тақырып (4 минут)

Т. Айбергеновтың «Аруана - бауыр дүние» өлеңін әр топтан бір оқушыдан жатқа оқып жатқан кезде, қалған топ мүшелері плакаттарға маркерлермен «Топтастыру» стратегиясы бойынша жұмыс жүргізеді. Әр топ өздері құрған стратегияларына түсінік береді.



тіршіліктің тірегі отбасының ұйытқысы жарық дүние сыйлаушы

аспазшы-дәрігер

балаларының анасы

аылшы-кеңесші

өмірдің шуағы әлемді тербетуші

қамқоршы

мейірімді жан

ұрпақ жалғастырушы тәрбие көзі

Мәтінмен жұмыс. Шығарма тіліне талдау жасау. Мәтіннен эпитет, теңеу, ауыспалы мағыналы сөздер, т.б. теріп алу

(8 минут)

«Слайд-демонстрация». Қазақтың аналары туралы мағлұмат беріледі, слайд түрінде интербелсенді тақтада көрсету

(2 минут)

ІІІ. Жаңа тақырыпты бекіту. «Ойлаудың 6 қалпағы» стратегиясы (10минут)

Оқушылардың өзінің қалауларымен қалпақ түсін таңдап, сол қалпақтың түсіне қарай қызмет түрін таңдап алады.

«Аналар әлемі» семантикалық кесте толтыру, интербелсенді тақтада орындату (3 мин)

Менің атым- әйел, мына қыздың анасымын! Бәрін де анадан тудыңдар.

Ана керек! О,адамдар ана керек адамға, Анасыздар аң сияқты күн кешіп жүр ғаламда.

Жақсы жігіт ел- жұртының қаласындай, Жақсы әйел әмме жұрттың анасындай

О, алтын апам, талмайтын асыл анам, жолыңа қызғалдақтың бояуы төгіліп, таңғы арайдың нұры шашылсын!

Асыл әжем, ғасыр әжем аңсаған,

Сағынышым - сары ормандай самсаған.

Ана,

Сен бақыттысың,

Жыламағын!

Жай түсіп жатқанда да құламадың

Мұқағали Мақатаев

+

Сүйінбай Аронұлы

+

Ғабит Мүсірепов

+

Төлеген Айбергенов

+

Қарауылбек Қазиев

+

Мұқағали Мақатаев

+

Қарттар үйінен түсірілген бейнефильмді көрсету арқылы шығармашылыққа жол ашу (8/2 минут)

«Еркін жазу» стратегиясы. Шығармашылық тапсырма

Шығармаға пікір жаздырту (рецензия); сабақтың ойтүйінін жаздырту; өлең шығару; эссе жазу, т.б. Егер оқушылар үлгере алмаса, үйлерінде аяқтап келу беріледі.

Бағалау

Донны Огл кестесі: «Білемін - Білгім келеді- Білдім» (БББ) (2 минут)

Топ құрамындағы оқушылардың әрқайсысы өз-өздерін ауызша бағалайды.

ҮІ. Үйге тапсырма: - 1 мин.

1) Тренинг- Эпитет /Әр оқушы өздерінің аналарының есімінің бірінші әрпінен басталатын эпитет сөз тауып жазулары қажет.(А,В,С)

Ақмарал /аяулым Майра/мейірімді Айгүл/ Айдай сұлу

Сара/ сабырлы

Жұпар/жайдарлы

Арай/ ақылды Қарашаш/ қарапайым

2) Т.Ахтановтың «Күй аңызы» әңгімесін Т.Айбергеновтың «Аруана - бауыр дүние» өлеңімен салыстыру (венн диаграммасына түсіру) (А, В);

3. Ана, Жер-Ана ұғымдарын байланыстырып ойтолғау не ойтүйін (шығарма, өлең, эссе) жазу (С).