Урок по казахской литературе 5- класс

Сабақтың тақырыбы : Ф. Оңғарсынованың «Оюлар» өлеңі

Сабақтың мақсаты :

а) ақын Ф.Оңғарсынованыңшығармашылығы туралы білімдерін тереңдету, өлеңнің мазмұнын, идеясын ашу.

ә) оқушылардың шығармашылық ізденістерін қалыптастыру, мәнерлеп оқу шеберлігін, тілін, ой-өрісін дамыту.

б) оқушыларды ұлтжандылыққа, елін, ұлттық дәстүрін, қолөнерін сүюге, қастерлеуге баулу.

Сабақтың түрі : жаңа сабақты меңгерту

Сабақтың әдісі : түсіндіру, сұрақ-жауап, мәнерлеп оқу, ойын элементтерін қолдану, топтастыру

Пәнаралық байланыс : қазақ тілі, қолданбалы өнер

Көрнектілігі: мультимедиалық слайдтар, ою-өрнектер, тұскүйіз, текеметтер.

Сабақтың барысы:

І. Ұйымдастыру бөлімі.

ІІ. Үй тапсырмасын тексеру

ІІІ. Жаңа сабақты түсіндіру

Мұғалім:

• Балалар, қазіргі кезде поэзия жанрында қалам тербеп жүрген қазақтың ақындары өте көп. Солардың ішінде ақын- қыздардың орны ерекше. Сендер қазақтың қандай ақын- қыздарын білесіңдер?

( М.Айтхожина, Ф.Оңғарсынова, К.Ахметова, Ұ.Сариева, А.Қадырбаева,А.Бақтыгереева)

-Иә, бүгінгі сабағымызда жерлесіміз, өз жырларымен халық жүрегінен орын тапқан ақын апамыз - Фариза Оңғарсынованың шығармашылығына тоқталамыз.

(Телевизордан Ф. Оңғарсынованың сөйлеп тұрған бейнесі көрсетіледі )

• Ф.Оңғарсынованың өлеңдері Жайықтың толқынындай айбынды, Каспийдің аққуларындай пәк, туған жеріндей кең әрі ыстық болып келеді.

• Балалар, сендер Фариза апаларыңның өлеңдерімен бастауыш сыныптан таныссыңдар. Естеріңе түсіріңдерші, қандай өлеңдерін оқып, жаттап едіңдер?

• Ф.Оңғарсынова Отан, туған жер, ауыл, ата-ана, ұлттық салт-дәстүр тақырыбында көп жырлаған ақын. Бүгінгі сабағымызда сондай өлеңдерінің бірі- «Оюлар» өлеңімен танысамыз. Оюлар дегенде сендердің көз алдарыңа ұлттық тұрмыстық бұйымдар, ұлттық киімдер елестейді.Ата-бабаларымыз табиғат құбылыстарына, түрлі өсімдік, жануарларға қарап ою-өрнектердің түрлерін ойлап тапқан. Ал сендер қазақтың қандай ою-өрнектерін білесіңдер?

( Оқушылар өздерінің білетін оюларын атайды )

-Ендеше, бүгінгі жаңа сабағымыздың тақырыбын ашу мақсатында сабақтың эпиграфымен таныстырып өтейін

«Қазақтың ою- өрнегін салып, қиып үйренбей,

халықтың қолданбалы өнерін игеру мүмкін емес»

ІІІ. Жүргізілетін жұмыстар:

1. Өлеңді мәнерлеп оқу

2. Өлеңнің мағынасын ашу, ақынның идеясын анықтау

-Балалар, өлеңді тыңдап отырып байқаған боларсыңдар, ақын қандай идеяны қозғайды ?

ІV. «Алтын қақпа» танымындық ойының элементтерін пайдалана отырып, сөздік жұмысын жүргізу.

1. Өлеңде кездесетін, мағынасы таныс емес сөздердің мағынасын ашу.

(Теледидардан оқушылар сұрақ қояды )

2. Оқушылар білгендерінше жауап береді

3. Теледидардан дұрыс жауабы беріледі

Желбау- дауылды жел болғанда жабын киіздер сыпырылмау үшін шаңырақты тартып байлайтын бау

Басқұр - керегелердің басын айналдыра орай тартып байлайтын, өрнектеп тоқылған жалпақ бау

Тұскиіз- киізге кестелі барқыт, оюлы мата жауып, әшекейлеп істелген төсектің тұсына құратын кілемше

• Балалар, ою- өрнектерге байланысты қазақ халқында көптеген мақал-мәтелдер бар. Сендер қандай мақал -мәтелдер білесіңдер ?

«Текемет басу» ойыны

Орындары ауысып кеткен сөздерді реттеп орналастырып, мақал құрастыру

Мақал дұрыс құрастырылса, текеметтің суреті шығады.

V.Сабақты М.Мақатаевтың «Фариза» өлеңімен қорытындылау

VІ. « Бес жол өлең » стратегиясы арқылы сабақты бекіту

VІІ. Үйге тапсырма: Қошқар мүйіз өрнектерін көркемдеп, бояумен салу

« Өнер - өрмек тоқытады» тақырыбына шығарма

жазу. Өлеңді мәнерлеп оқу

VІІІ. Оқушылар білімін бағалау