Презентация для учеников 10 класса

Оқушылар мен ата-аналар арасында өткізілетін психологиялық тренинг

Тренинг тақырыбы:

Тану үшін он қадам

Мақсаты: Оқушылар мен ата-аналар арасындағы қарым -қатынасты нығайту, бір-бірін жақыннан тануға ықпал ету.

Тренинг барысында орындалатын тапсырмалар:

1 «Дауыс кімдікі»

2 «Сурет өнері»

3. Анкета

4. «Алақан»

5. «Мен ұнатқан картина»

6. «Дәптерлер сөйлейді»

7. « Заттар араласқанда »

Жүргізуші: Құрметті ата-аналар мен оқушылар бүгінгі біздің «Тану үшін он қадам » атты тренингімізге қош келдіңіздер. Бұл тренинг басқаша өтетін болады.Олай дейтінім, бүгінгі тренингтің қалай өтетінін ,қалай ұйымдастырылатынын, нелер орындалатынын,қандай тапсырмалар берілетінін қатысушылар білмейді.Ешқандай дайындықсыз келіп отыр.Тренингті өткізудегі мақсатым сіздермен бірге біз күнделікті өмірде оншалықты мән бере бермейтін баламыздың іс-қимылымен жақыннан танысамыз, нені жақсы көріп орындайды, неге қызығады, болашақта кім болғысы келеді,достары кім және сол сияқты сауалдардың жауаптарын бірге іздейтін боламыз.

Ата-аналар төменде балалары жоғарыда отырады .

Ал, ендеше кеттік бірінші тапсырма :

1. «Дауыс кімдікі» (Оқушылардың даусын сөйлете отырып алдын ала диктофонға жазып қоясыз . Соны телефондағы арнайы программа арқылы өзгертесіз не жуанға ,не жіңішкеге т.с .с) ата-аналар дауыстарды есітіп ішінен өз баласының сөйлеген сөзін табу керек.

2. «Сурет өнері» Оқушылар атан-аналарына көрсетпей өздері ойдан сурет салады. Соңынан суреттерді жинап алып ата-аналарға бересіз.Ата-аналар өз баласының салған суретін табуы керек.

3. Анкета. Оқушылардан алдын ала анкета сауалдарына жауап алып қоясыз

Мысалы:Қашан туылдың? Күні.айы. жылы

Сүйікті пәнің?

Қандай тамақты ұнатасың?

Сусындардан ше? Осылай жалғастыра бересіз

Оқушыға қойған сауалды ата-анаға да қоясыз.

Балаңыздың туған күні айы.жылы

Балаңыз қандай тамақты жақсы көреді?- деген сияқты. Соңынан екеуін салыстырыңыз. Қаншалықты сәйкес келеді.

4. «Алақан» Мұнда ата-аналардың көзін байлап қойыңыз көп оқушыларды алып келіңіз солардың бәрінің қолдарын ұстатыңыз көп қолдың ішінен өз баласының алақанын табуы керек. Арасында күлкілі болу үшін мұғалімдердің де қолын ұстатсаңызд а болады.

5. «Мен ұнатқан картина» Оқушыларға көп картиналар суреттер тарқатып беріңіз.Ішінен өзі ұнатқан суретін немесе картинасын сізге көрсетсін.Сосын бәрін араластырып жіберіңіз.Ата-аналарға тарқатыңыз олар өз баласы ұнатқан сурет немесе картинаны табуы керек.Болғаннан соң оқушыдан неліктен оны таңдадың деп сауал қойыңыз. Сөзін,ойын ата-ана есітсін.

6. «Дәптерлер сөйлейді» Бұл тапсырмада мен диктант дәптерлерді пайдаланды. Барлығының сыртын ақпарақпен қаптап қойып ата-аналарға бердім олар дәптерлер арасынан өз баласының дәптерін табуы керек.

7. « Заттар араласқанда » Қатысып отырған оқушының немесе қатыспаған оқушының оншалықты біліне ,елене бермейтін затын алдын ала алыңыз. Сөйтіп барлығын араластырыңыз. Ата-ана өз баласына тиесілі заттты тапсын.

Соңғы сөз. Ата-анамен бала арасын жақындатуда өткізілген бұл тренинг тамаша әрі қызықты өтті. Басқаша түрде ұйымдастырылған тренингке ата-аналар риза болды. Тапсырмалар орындалып жатқанда ата-ана біле бермейтін баласының өнерімен танысты. Мысалы: Ақындық өнері,биші өнері,сықақшы өнері т.с.с .Ата-аналар (кейбіреуі) өз баласының туған күнін білмейтін болып шықты, дәптерге келгенде састы,қандай тамақты ұнататынын білмеді, алақанын танымады.Соны білген ата-аналар ұялды. Соңында сөз сөйлегенде өздері күнделікті өмірде онша мән бере бермейтін бірақ бала үшін ол маңызды екенін түсінді. Өздері жіберген қателіктерді түсінді,алдағы уақытта олқылықтарды жою керек екенін түсінді.Мен қойған мақсатта осы еді. Демек мен өз мақсатыма жеттім деп ойлаймын.

Тренингтен үзінділер