Ерке төлдер

Касимова Айжан

№2 «Балдәурен» балабақшасының тәрбиешісі

Қызылорда облысы, Сырдария ауданы

Ашық оқу іс-әрекеті Екінші кіші сәбилер "Ботақан" тобы

Білім беру саласы: Қатынас

Оқу іс-әрекеті: Тіл дамыту.

Тақырыбы: Ерке төлдер (жануарлардың суреттері б/ш әңгіме құр/у)

Мақсаты: Педагогтің көмегімен үй жануарлары туралы қысқа әңгіме құрастыруды, жануарлардың төлдерінің аттарын жекеше, көпше түрде айтуды үйрету (бота, ботақандар, құлыншақ, құлыншақтар т.б) Сұрақ-жауап арқылы балалардың ауыз екі сөулеу тілін дамыту. Үй жануарларының дыбыстарын ажырату, дыбыстарын балаларға дыбыстату. Үй жануарларының бізге берер пайдасын айту.

Көрнекілігі: үй жануарларының төлдерімен суреттері. үлестірме материалмен жұмыс. Үй жануарларының төлдерімен суреттері, оларды төлдерімен сәйкестендіру.

Алдын ала жүргізілетін жұмыс: "Үй жануарлары" ойынын ойнату

Сөздік жұмыс: үй жануарлары, түйе, бота, жылқы, құлыншақ,сиыр, бұзау

Билингвальды компонент: үй жануарлары-домошние животные, түйе-верблюд, бота-верблюжонок, жылқы-лошадь, құлыншақ-жеребенок, қой-баран, ешкі-коза, лақ-козленок, сиыр-корова, бұзау-теленок.

Оқу іс-әрекет кезеңі

Тәрбиешінің іс -әрекеті

Балалардың іс-әрекеті.

Мотивациялық қозғаушылық

Тәрбиеші балаларға І. Жансүгіровтың өлең оқып, сұрақ қояды:

-Шөре, шөре, лағым

Тентек болма шырағым

Секеңдемей, деміңді ал,

Селтеңдемей,-деп нені айтамыз?

Тәрбиешіні мұқият тыңдайды.

Лақты

Ұйымдастырушылық ізденістік

Демонстрациялық көрнекілікті қолдану

-сендер қандай үй жануарларын білесіңдер?

Неге үй жануарлары деп атаймыз?

-Қолда ұстайтын, адам күтіп-бағатын жануарларды үй жануарлары деп айтады.

Олардың еті, сүті бізге тамақ, ал жүні терісі-киім. Естеріңе түсіріңдерші малдардың не деп атаймыз?

-Иә, дұрыс. Лақ, қозыны еркелетіп, қозыны қошақан, құлын құлыншақ, деп айтамыз.

Тәрбиеші үй жануарларының суреттерін көрсете отырып, әңгіме құрастыруды ұсынады.

-мына жылқы үлкен, құлын кішкентай. Құлын енесімен жарысып шапқылап барады. Төлдің анасын ене деп айтамыз.

-Мынау-ешкі. Қасындағы төлі-лақ.

-ал мынау суретте енесіне еркелеп тұр.

-Түйенің төлі-ботақан. Түйенің тау сияқты екі өркеші болады. Ол Жүк тасуға өте ыңғайлы.

Билингвалды компонент: Үйжануарлары -домошние животные, түйе-верблюд, бота-верблюженок, жылқы-лошадь, құлыншақ-жеребенок.

Сергіту сәті:

Құлыншағым құндызым,

Құлдырайды шабады.

Жылтыңдаған жұлдызым,

Құстай қанат қағады.

Үлестірмелі материалмен жұмыс: «Төлдерін ата!» ойынын ойнату. Ойынның шарты : суреттен үй жануарларын көрсете отырып олардың төлдерін тауып, сәйкестендіреді. Жеке жұмысты қажет ететін балалардын үй жануарларын төлдерін қайталату.

Үй жануарларын айтады. Тәрбиешінің көмегімен сұрақтарға жауап береді.

-Жылқы үлкен, құлын кішкентай.

-Ешкі үлкен, лақ кішкентай.

-Сиыр үлкен, бұзау кішкентай,

Түйе үлкен, бота кішкентай.

Үй жануарлары -домошние животные, түйе -верблюд, т.б сөздерін қайталайды.

Қимылын келтіріп жаттығуды орындайды.

Балалар суреттен үй жануарларын көрсете отырып, олардың төлдерін тауып текшаге қояды.

-Қандай үй жануарларын білесіңдер?

-Малдардың төлдерін қалай атаймыз?

Сұрақ жауап арқылы оқу іс-әрекетін қорытындылайды.

Балалар сұрақтарға толық жауап береді.

Күтілетін нәтиже:

Орныдайды: суреттен үй жануарларын көрсете отырып, олардың төлдерін айтуды.

Түсінеді: үй жануарларын және олордың төлдері туралы мәліметті; Үй жануарларын көпше жекеше түрде айтуды.

Қолданады: Дыбыстарды дұрыс айта білуді.