5-сыныпқа арналған Айқынтану факультатив курсының бағдарламасы

Түсінік хат

2015 - 2016 оқу жылында «Айқынтану» факультатив бағдарламасы (барлығы 34 сағат) 5 - сыныпқа арналған.

Бағдарламаның мақсаты:

Сыншы ғалым Айқын Нұрқатовтың өмір жолымен творчествосы, басқа да ғылыми зерттеулері жайында жас шәкірт бойына тәлім беріп, адами құндылықтарын, қазақ тілі мен әдебиетіне деген құрметін, еліне, Отанына сүйіспеншілігін, ұлтжандылығын, патриоттық сезімін ояту.

Міндеттері:

1. Сыншы ғылымның еңбек жолын, творчествосын сын саласында ғылыми еңбектерін насихаттау арқылы оқушылардың сыни ой қалыптастырып, бағалауға бағдарлау;

2. Жас шәкірттерді басқа да ғалымдардың зерттеулерімен таныстырып, қазақ әдебиетінің сыни саласына үңілту;

3. Абай, Шоқан және де М.Әуезов,Ғ. Мүсірепов, Қ.Аманжолов, Ә.Тәжібаев, Ә.Сәрсенбаев, С.Мұқанов және т.б қазақ әдебиетінің ұлы тұлғаларының өмір жолдарымен еңбектерін насихаттау

Күтілетін нәтиже:

1. 5 - сыныпқа арналған «Айқынтану» факультатив бағдарламасын оқу бағдарламасына кіріктіріп оқыту арқылы тұлғаның функционалдық сауаттылық деңгейін дамытуға, қазақ тілі мен әдебиетін, өз елін құрметтеуге және өзін-өзі тәрбиелеуге бағдар бере отырып, шәкірттердің сыни көзқарасын қалыптастыру;

2. Ұлы тұлғалардың өнегелі ұстанымдарын тәрбие құралы ретінде қолдану арқылы жаңа буында, сын саласына және қазақ әдебиеті әлеміне терең бойлату;

3. Ғылыми шығармашылық жұмыстарды жүргізуге баулу.

Күнтізбелік-тақырыптық жоспар

5 - сынып. Аптасына 1 сағат, барлығы 34 сағат