урок калмыцкой литературы в 3 классе

3 класс

Кичәлин төр: Тәәлвртә туульс.

Кичәлин күцл: Тәәлвртә туульсин тускар төр медүлх;Яһҗ тәәлвртә туульс келндән олзлх.

Кичәлин дөңцлмүд: Зургуд, мнемосхемс.

Кичәлин йовуд:

Кичәлин агчм.

- Мендвт!

- Эндрк то ямаран?

- Кен уга?

Күүндвр:

- Чини нерн кемб?

- Чини өвк нерн ямаран?

- Чи кедүтәч?

- Чини хайг ямаран?

- Кедүдгч класст сурчанач?

- Ямаран тойгта школд орҗанач?

- Чи сурһуль сурхдан дуртач?

Шин төр цәәлһлһн.

Тәәлвртә туульс - хальмг олн-әмтнә келнә зөөр. Эн туульс хальмг әмтнд йир олн. Тәәлвртә туульс юмна неринь һарһл уга, олн зүсн темдгинь теҗгәр зааҗ медүлнә.Хуучна цагт хальмгуд иим тәәлвртә туульсиг амн үгәр үвлин ут сөөд келлцәд, олар дасч авад, бичкдүд хойр әңгрәд, хоорндан дөрлдә кедг билә. Альк багин тәәлвртә туульс түрүлҗ чилнә, тер багнь шүүгдсн болҗ һарна. «Туульм чилв, бетк оравув,» - гиҗ шүүгдснь келдг бәәсмн.

Тәәлвртә туульс тәәлнә гисн - күүнд болһамҗ, медрл өгдг йовдл. Юмиг шинҗләд, ухалад йовдг бичкдүд тууль тәәлхдән һавшун болдг.

Шин төр батллһн.

1.

Көлнь улан

Күзүн ут.

Эн юмб?

2.

Ах-дү дөрвн нег махлата.

3.

Хувцн биш, зуг уята

Күн биш, зуг келтә.

4.

Хашань цаһан, хөнь хар.

5.

Һал шил нүдтә,

Һанцарн йовдг баатр.

6.

Хашнь әмтәхн,

Хәәсн бичкн.

7.

Бавһр өвгн шовһр җидтә.

8.

Төмрчин көвүн модн көлтә.

9.

Ааһд алг махн.

10.

Ацта моднд алт эмәл тохҗ.

6.Даалһвр.Тәәлвртә туульсин тәәлвриннь олтн.

Һазр көндәд махн бөглә.(…)

Шарлҗн дотр шар алтн.(…)

7.Цогц батруллһна агчм.

Мана хурһд мендлҗәнә:

Эркә, хумха, дунд,

Нер уга, чигчә.

Мана хурһд үмслдҗәнә

Эркә,хумха,дунд,

Нерн уга, чигчә.

Сууһад, босад-3 д.

Унтҗ одв.

Неҗәдәр серҗәнә

Эркә,хумха, дунд,

Нерн уга, чигчә.

8.Эврән кех көдлмш.Тәәлвртә туульсин тәәлвринь зуртн.

Йир бичкн юмн

Йирн йисн нүктә.

(Хурвч)

Эгч дү хойрин

Ээм цацу

(Хәәч)

9.Кичәлин ашлвр.

- Юуна тускар мадн эндр күүндләвидн?

- Тәәлвртә тууль гисн юмб?

10.Герин даалһвр.

Тәәлвртә туульс чееҗәр дасх.

11.Темдг тәвлһн