7


  • Учителю
  • Сценарий на мероприятия 'Адыгэ джэгу'

Сценарий на мероприятия 'Адыгэ джэгу'

Автор публикации:
Дата публикации:
Краткое описание:
предварительный просмотр материала

Адыгэ джэгум ик1уак1.

(Орэдышъо к1этэу)

Усэ

Адыгэ джэгу.

Ныбджэгъум къытфищагъэшъ,

Шъэогъухэр тызэлъэчэф.

Тичылэ щыгуш1уагъошъ,

Бжыхьапэр тыгъэу къэнэф.



Типщынэу, адыгэ пщын,

Зэфак1ом темызэщын,

Пхъэк1ычэр къытфэрэжъынчи,

Къэшъуак1ом къык1рерэмгъэч.



Тихъярышъ, адыгэ джэгу,

Чылагъор зэлъыгъэджэгу.

Джэгуак1ор утыгу чэрэгъу,

Тиныси мафэ тфэрэхъу.

Джэгур- блэк1ыгъэмрэ къэк1ощтымрэ гугъэк1э зыщызэрапхырэ ч1ып1.



Джэгум адыгэ щы1ак1эм пшъэрылъыбэ щызэш1уехы. Нэшэнэ шъхьа1эу и1эмэ ащыщ, апэрэмк1э- джэгур ныбжь зэхэдз имы1эу ц1ыф пстэуми язэ1ук1ап1эу зэрэщытыр ары.

Ц1ык1уи ,ини,хъулъфыгъи,бзылъфыгъи ,нэжъ-1ужъи, ныбжьык1и, пшъашъи, к1али, ныси,шыуи, пщи, пщыл1и,тхьамык1и, бэгъуагъи-зэрэлъэпкъэу джэгур як1уап1эщтыгъэ. Джэгум зэрэлъэпкъэу щызэ1ук1эщтыгъэ.

Сыд фэдэрэ джэгуи нэрылъэгъу хэбзэ зехьап1эу щытыгъ . Джэгу зэхэхьагъум щегъэжьагъэу къек1ол1агъэмэ язэбгырык1ыжьын нэсыфэ, хабзэк1э узэндыгъагъэ. Ныбжьым, л1акъоу къызхэк1ыгъэм, ч1ыналъэу къыздик1ыгъэм ичыжьагъэ яльытыгъэу джэгум 1утхэм яч1ып1э гъэнэфэгъагъэ.

Адыгэ джэгухэр зыфэгъэхьыгъэм елъытыгъэу зэтефыгъагъэх: хэгъэшъо джэгу,нысэщэ джэгу, хьак1эпэгъок1 джэгу,чэщдэс джэгу, гъэш1о джэгу, нэузыр джэгу, к1эпщэ джэгу, ныбжьык1э джэгу. Тэ непэ зэхэтщагъэр ныбжьык1э джэгу.

Сыд фэдэ джэгуи ныбжьык1эм утыкур щырий . Джэгури ,къашъори , хабзэк1э, дэхагъэк1э зэнэкъокъухэри - зэк1э джэгум зэрихьэрэ гупшысэр зыфэгъэзагъэр ныбжьык1эр ары. Зыныбжь икъугъэ хъулъфыгъэхэр щысэтехып1эх: япчэгу итык1эк1и , яджэгу хэтык1эк1и . Унагъо ис бзыльфыгъэм джэгум хэтэу ылъэгъугъэр гукъэк1ыжьк1э , гупшысэк1э езы, гурэ псэрэк1э зегъэпсэфы.

Арышъ, сыдрэ джэгуи зыфызэхащэрэр ныбжьык1эр ары. Зыгъэджэгури ныбжьык1эр ары.

Джэгу пчэгур хабзэк1э хьатияк1ом зэрегъэзафэ. Ащ к1ыгъугъ пшъэшъэтегъахьэри. А нэбгырит1ум джэгум 1ут пшъашъэхэм зэк1э яфэ1о-фаш1э агъэцак1эщтыгъэ. Шъхьадж ифэшъошэ ч1ып1э агъэуцун, игъом чэзыук1э, хабзэм диштэу пчэгум къытыращэн, къэшъуахэмэ тыращыжьын, ич1ып1э агъэуцужьын ,чэзыук1э зэрагъэгъэпсэфын - а зэпстэум пшъэшъэтегъахьэм ына1э тетын фэягъ. Джэгу пстэури мы хабзэм тетэу зэращэщтыгъэ.

Къэт1уатэу тыпылъынэп, къэдгъэлъагъомэ нахьыш1у. К1алэхэр ,пшъашъэхэр, шъулъэгу тык1эжъугъаплъ

Непэ хьатияк1оу хэтыдзыгъэр л1ымэ анахь л1ыжьэу я-11 рэклассым ис еджак1оу Батмыт Ислъам. Къызэ1ух джэгур, Ислъам!



Хьатияк1ор:

К1алэхэр ,пшъашъэхэр непэ тиныбжьык1э джэгу шъукъетэгъэблагъэ.

Непэрэ мафэр зыфэгъэхьыгъэр адыгэ шъуашэм имафэ ары. Шъуашэм идэхагъэ тикъэшъуак1омэ къытагъэлъэгъунэу тэгугъэ.

Къэшъоным нахь дэгъоу фэгъэсагъэм непэ тижюри ш1ухьафтынхэри аритыщт.

Жюриим хэтхэр:

  1. Биштова Нафисет Абдулаховна

  2. Магамедова Лариса Касеевна

  3. Биштова Ася Аслановна

«Уижъ егъа1уи, уик1э егъаш1»



«Джэгур хэбзэ зехьап1»



Джэгур- блэк1ыгъэмрэ къэк1ощтымрэ гугъэк1э зыщызэрапхырэ ч1ып1.





 
 
X

Чтобы скачать данный файл, порекомендуйте его своим друзьям в любой соц. сети.

После этого кнопка ЗАГРУЗКИ станет активной!

Кнопки рекомендации:

загрузить материал