Ана тілім - арман қанатым! сыныптан тыс іс-шара

Кештін тақырыбы: « Ана тілім - арман қанатым »

Кештін мақсаты: Оқушылардың мемлекеттік тілге деген қызығушылықтарын арттырып, бойларына патриоттық сезімді халықтың мәдени мұрасы арқылы қалыптастыру.

Міндеттері: қазақ, орыс, ағылшын тілдеріне деген қызығушылықтарын ояту, Қазақстан жерінде тұратын халықтардың салт - дәстүрлері туралы айту, тілге құрмет көрсетуге, оны ықыласпен үйренуге тәрбиелеу.

Көрнекілігі: презентация «Халықтар достығы», акт залын безендіруге арналған заттар, ұлттық киімдер, интерактивті құрылғылар;

Кештін барысы:

1-жүргізуші: Қайырлы күн! Ана тілін ардақ тұтар ағайын! Өңіріміздің өрлі де, асқақ рухты әдебиет сүйер қауымы! Қазақ тілі мен әдебиеті апталығының жабылу салтанатты шарасына қорытыңдылау кешіне қош келдніздер!

2. -жүргізуші

Туған тілде сыры терең жаным бар,

Туған тілде әнім менен сәнім бар.

Туған тілім тіл болудан қалса егер,

Жүрегімді суырып-ақ алыңдар!-дей келе ортаға қорытыңды сөз кезегін апта бойы атқарылған іс-шаралар жоспарын баяндап беретін және де мараппатау рәсімін атқаратын Аңқаты ЖОББМ қазақ тілі әдебиет пәндерінің бірлестік жетекшісі Хисметова Клара Емілқызын шақырамыз.

1 -жүргізуші: Қазақстанда 130 - дан астам ұлттар тұрады. Олардың бәрі өз ана тілдерін сақтап сөйлеседі. Біздің Республикамызда 178 жексенбілік мектеп бар, 23 ұлттық тілдер оқытылады. Бізде неміс, корей, украин тілдерінде газеттер шығады. Солтүстік Қазақстан облысында «Полония» поляктік теледидар трансляциясы, Оңтүстік Қазақстанда өзбек теледидары жұмыс істейді. «Қазақстан» ұлттық телеарнасында және қазақ радиосында корей, ұйғыр, неміс тілінде бағдарламалар жүреді. Эфирде телерадио бағдарламалары 11 тілде жүреді. Олар: украин, ағылшын, неміс, корей, түрік, өзбек және т. б.



2-жүргізуші: Тіл ұлттың жаны, қаны, рухы. Жансыз нәрсе - өлі нәрсе. Адам тілді ең алғаш анадан үйренеді. Адамның бойындағы бар асыл қасиеттер тіл арқылы келіп, рухани күшке айналады. Рухы күшті адам, халық ешқашан жеңілмейді. Тілін ұмытқан халық өз мәдениетін сақтап отыра алмайды. Тілімізді анамызды құрметтегендей құрметтейік. Сахнада «Қазақ осы» әнімен 9а сынып оқушысы Хасан Ақгүлім. Қошемет білдіріп отырайық оқушылар.

1 -жүргізуші:

Тіл туралы жұрт тілеген салауат,

Тіл туралы естілмесін жаманат.

Тіл дегенің, тіл дегенің бұл біздің -

бабамыздан қалған асыл аманат.

Туған тілім - аласармас тұғырым,

Сен құрысаң мен де бірге құрыдым.

Мерекеңді қуанышпен қарсы алам,

Ұзақ болсын туған тілім ғұмырың,дей келе кезекті әсем мыңбұралған бишілерге берейік.

Би: Ортада 7-сынып оқушылары дайындаған әсем биге берсек

2-жүргізуші:

Қуан далам қуанатын күн бүгін,

Серпіп таста мұңды дала түндігін.

Тіл туралы заңым енді күшіне,

Паш еткендей кескен жаңа кіндігін.

Ана тілім - ардағымсың киелім,

Саған ғана мен басымды иемін.

Ана тілім - қазақ тілім, дарасың,

Қадірлеймін, шексіз сені сүйемін,-дей келе әсем әнімізді тарту етеміз!

Сахна төрінде: 7 сынып оқушысы Қайыпқалиева Арайгүл ана тілге құрметін өз төл туындысымен арнамақ.Қарсы алыңыздар!

1-жүргізуші:

Қайта туды қазағымның ай - күні,

Күннен - күнге асар ма екен айбыны?

Жетпіс жылда өтті талай кешуден,

Қатар көріп шаттық , табыс, қайғыны.

Сахна төрінде: «Ана тілім» атты жоғары сынып оқушылары дайындаған шағын көрініске назар салайық.

1 -жүргізуші: Ана тілі,ұлтымыздың тарихы мен әдебиеті - әр адамның өз ұлтының жан дүниесі мен мәдениетінен ғасырлар бойы жиған рухани азығынан нәр алатын кіндік тамыры. Біздің ана тіліміз - қазақ тілі. Ол тек отбасы , ошақ қасының ғана тілі емес,ол мемлекеттік тіл!

2 -жүргізуші:

Ерлік, елдік, бірлік, қайрат, бақ - ардың,

Жауыз тағдыр жойды бәрін не бардың.

Алтын күннен бағасыз бір белгі боп,

Нұрлы жұлдыз, бабам тілі , сен қалдың. Демекші өз ана тіліміз,қазақ тіліміз,ұлттық әдебиетіміз біздің баға жетпес байлығымыз!

Әдеби -монтаж: 7-сынып оқушылары

1 - жүргізуші: Туған тілім! Тас бұлақтың тұнығы да сенде!

2 - жүргізуші: Туған тілім! Ана сүтінің жұғымы да сенде!

1 - жүргізуші: Туған тілім! Райхан гүлдің жұпары да сенде!

2 - жүргізуші: Туған тілім! Мәжнүн ғашықтың іңкәрі де сенде!

1 - жүргізуші: Туған тілім! Қыран құстың жанары да сенде!

2- жүргізуші:

Бұл жанды тіл - менің азат тілім,

Жадымда талмай самғар қанат тілім.

Жыры - қуат, сөзі - ана уызындай,

Жасай бер, Ана тілім - Қазақ тілім!

Сахна төрінде: 6 сынып оқушысы Амангельдиева Таңшолпанды М.Мақатаевтың «Үш бақытым» өленімен қарсы алайық

1 - жүргізуші: Біз - кең байтақ жерінде бірлігі жарасқан алуан ұлт ұлыстан тұратын бір тұтас халықпыз!

Біз - атадан мұраға қалған қасиетті тілімізді қадірлей білетін ұрпақпыз!

Ана тілі - біздің ар-ождан, адамгершілігіміздің айнасы. Адам ана тілімен бақытты, ана тілімен асқақ.

2 - жүргізуші:

Ана тілің - арың бұл,

Ұятың боп тұр бетте.

Өзге тілдің бәрін біл,

Өз тіліңді құрметте!

Сахна төрінде: 9б сынып оқушысы Тұрсынов Атбекті ана тілге құрмет өленімен қарсы алайық

2 - жүргізуші:

Туған тілім-тірлігімнің айғағы,

Тілім барда ашылар сыр ойдағы.

Өссе тілім, мен де бірге өсемін.

Өшссе тілім, мен де бірге өшемін,- дей келе Тұманбай Молдағалиев ақын ағамыздың осы өлен жолдарымен бүгінгі Қазақ тілі мен әдебиеті апталығын жабық деп жариялаймыз!

1 - жүргізуші:

Көңіл қойып тыңдағаңыздарға үлкен алғысымызды білдіреміз!Келесі кездескенше,еліміз аман,жұртымыз тыныш,Тәуелсіз Қазақстан Республикасының мемлкеттік тілінің мәртебесі асқақтай берсін!