Сабақ жоспары Махамбет Өтемісұлы 'Тарланым'

7-сынып

Сабақтың тақырыбы: М.Өтемісұлы «Тарланым». Аймақтық компонент №2 Қаракерей Қабанбай.

Сабақтың мақсаты:

Білімділігі: М.Өтемісұлының жалынды өлеңдерін мәнерлеп оқыту, өлеңнің мазмұнын, тақырыбын ашу, өлеңдегі көркемдеуіш сөздерді табу.

Дамытушылық: Оқушылардың тіл байлығын арттыру, өз ойларын еркін жеткізуге,

шығармашылықпен жұмыс жасауға машықтандыру.

Тәрбиелік: Оқушыларды Отансүйгіштікке , елін, жерін сүюге тәрбиелеу

Сабақтың түрі: Жаңа білім беру сабағы, шығармашылықпен, ұжымдық жұмыс жасауға жұмылдыру.

Сабақтың әдісі: Сұрақ-жауап, баяндау

Сабақтың көрнекілігі:Сызбалар, суреттер, интерактивті тақта

Пәнаралық байланыс: Тарих, қазақ тілі, музыка

Сабақтың жүрісі: 1.Ұйымдастыру бөлімі

2. Үй тапсырмасын сұрау

3.Жаңа сабақты меңгерту

/Ұй тапсырмасына шолу жасау:/

1.Д.Бабатайұлының «Аягөз қайда барасың?» атты өлеңінің тақырыбы қандай?

2.Өлеңнің түйіні қандай?

3.Өлеңге арқау болған не жағдай?

I.Жаңа сабақ: М.Өтемісұлы кім?

М.Өтемісұлының қандай шығармаларын білесіңдер?

М.Өтемісұлының 200жылдығы қай жылы Юнеско көлемінде аталып өтті? /оқушылардан жауап алынады/

Қазақ халқының бас бостандығы үшін күрескен кімдерді білеміз?

Тәуелсіздігімізді қашан алдық?

Олай болса, туып-өскен жерін, қарыс қадам жері үшін басын бәйгіге тіккен М.Өтемісұлы батырдың өмірі мен шығармашылығына «Тарланым» атты өлеңіне кеңінен тоқталамыз.

II.Ой қозғау: Оқушыларға сұрақ:

1. «Тарланым» сөзінің мағынасын қалай түсінеміз?

2. Неліктен М..Өтемісұлы өлеңін «Тарланым» деп атаған?

3. М.Өтемісұлының қандай күйлерін білеміз? / «Жұмыр қылыш», «Нарын» т.б/

Мұғалім: Махамбеттің есімі өмірдегі қасіреттің синонимі, өнердегі қасиеттің символы. Махамбет өлеңі-қазақ сөзінің қайталанбас құдіреті: әрбір буыны мен ббунағы, тармағы мен шумағы мұншалық тап-таза қорғасыннан құйылған ап-ауыр асыл сөз қазақтан басқа жер бетіндегі ешбір елдің өлең-жырында жоқ, оның өзге тілге оңай аударылмайтыны да сондықтан.

/Академик. З. Қабдолов/

I.М.Өтемісұлы 1804 жылы Орал облысы, Нарындағы Бекетай

құмында туған. Арабша, орысша хат таныған. Ақын жас кезінен бастап, халықтың ауыр мұңын, тұрмысын жан дүниесін түсінген.

Махамбеттің шебер ұйымдастырушы, жалынды ақын, тұнып тұрған талант екенін әскери экспедицияда жүрген Е.П.Ковалевскийдің өзі мойындаған. Махамбеттің өзіне дейінгі және кейінгі ақындардан айрмашылығы өлеңдерінің отты қызуында, асқақ арманды рухында, болашаққа, келер күнге деген сенімінде.

IІ. Өлең 32 тармақты, 10 буынды, 3бунақты, аралас ұйқас.

Тау-дан/ мұ-нар-тып ұш-қан/ тар-ла-ным,

б.б б.б а.б б.б б.б т.б б.б б.б а.б б.б

ІІІ. . Таудан мұнартып ұшқан тарланым,

Арыстаным, көп болды-ау,

Саған менің арманым! /метафора/

Құлжадай ащы дауыстым,

Құлжадай айбар мүйіздім!

Қырмызыдай ажарлым!

Хиуадай базарлым!

Теңіздей терең ақылдым! /теңеу/

Құландай ащы дауыстым,

Құлжадай айбар мүйіздім

Қырмызыдай ажарлым!Ә /аллитерация/

Арыстан еді-ау, Исатай! / ауыспалы мағына/

ІV. Сөздікпен жұмыс: Кермиық,кербез-паң,сұлу

Жебе-садақ оғы

Сусар-аң

Адырна-садақ жебесін тіреп ататын тарамысы

Шандоз- асыл,ардақты

V. Ақын өлеңдері бойыңа жігер, рух, күш,жалынды қайрат береді, алға қойған мақсат үшін күресе білуге шақырады, адамгершілікке тәрбиелейді.

Аймақтық компонент №2 Қаракерей Қабанбай.

III.Сынып жұмысы: Оқушыларға өлеңді мәнерлеп оқыту, өлеңнің мазмұнын ашу. Махамбет пен Исатайға мінездеме жазу.

IV.Жаңа сабақты сұрақ-жауап арқылы қорытындылау:

1.М.Өтемісұлы кім? /ақын, күйші, қолбасшы, /

2. М. Өтемісұлының «Тарланым» өлеңі кімге арналған? / Исатайға/

3. Ақын өлеңдерінің басқа ақындардан ерекшелігі неде?

Сонымен, бүгін біз дауылпаз,жалынды ақын М.Өтемісұлының өмірі мен шығармашылығымен таныстық.Кең даласын еркін кезіп, елі,жері үшін,халқының бас бостандығы үшін ашық күрескен, қарапайым халықтың мұңын, жүрек зарын өзекті өлең, шалқар күйлерімен баяндап кеткен қайтпас қайсар, батыр атамыз кейінгі ұрпақтарына мол мұра қалдырды. Тарихымызда Махамбет атамыз сияқты қазақ халқы үшін әділетсіздікке, хандардың озбырлығына қарсы күрескен Бөгенбай, Төле би, Қазыбек би, Әйтеке билерді жақсы білеміз. Олардың бізге қалдырып кеткен мол мұраларын зерттеу, насихаттау біздің перзенттік борышымыз.

V.Оқушыларды бағалау.

VI.Үйге тапсырма:М. Өтемісұлының өмірі мен шығармашылығы туралы оқып, мазмұндау. «Тарланым» өлеңін жаттау.