Ана, сен, құдіретсің әлемдегі!

«Бекітемін»

Директордың оқу-тәрбие жұмыстары

ісі жөніндегі орынбасары: Ж.Орынбаев

Тәрбие сағатының жоспары

Тақырыбы: Ана, сен, құдіретсің әлемдегі!

Сабақтың мақсаты:
Оқушыларды ананың еңбегін ақтауға, анаға деген сүйіспеншілікке, ананы құрметтеп, сыйлауға тәрбиелеу
Сабақтың көрнекілігі: Нақыл сөздер, видео-фильмдер, видео ойындар, т.б.
Сабақтың барысы:
Мұғалім сөзі:
Ана-өмір қолдаушысы әлемнің
Шаңырақтың шаттығы мен шуағы
Сейілмесін жанарынан ананың
Тіршілікке төккен нұрлы шуағы
Аялайық аналарды әрдайым
Қуанышқа бөлейікші өздерін
Әжелердің,аналардың,қыздардың
Мұң шалмасын күлім қаққан көздерін
Ана- барлық өмірдің бастауы.

Ол адамды өмірге әкеледі, оны тәрбиелейді,өсіреді. Адам бойындағы барлық асыл қасиет күннің нұрынан, ананың ақ сүтінен дариды. Ана -ұлы адам, Ана-құдіретті жан ,ендеше бүгінгі мерекелеріңіз құтты болсын,
Аяулы Рима апай!
Сізді әйел жанымен байланысты тамаша көктем мерекесі - 8 Наурызбен шын жүректен құттықтаймын! Алғашқы көктем мерекесі Жер бетіне өмір сыйлаушы нәзік, ақылды, сымбатты, мейірімді жандарға арналғаны қандай тамаша мереке !
Тәуелсіз еліміз тұрғындары ертеңгі күнге сеніммен қарайды. Бұл сенімділік қойылған мақсаттарға қол жеткізуге және ауқымды жоспарларды іске асыру мүмкіндігіне көмектеседі. Әлемдегі ең асыл жан ол - Ана десек , жүрегімізде сүйікті жанға деген маххабат сезімі оянады. Ана бұл аяулы да мейірімді жан. Баланың тілі шыққаннан -ақ бірінші сөзін ана деп айтады. Өмірдің есігін ашқаннан соң осы өмірдегі өзіңнің жан анаңды көресің.

Осы бір «АНА» деген үш әріптің аясында адамзат баласын қуаныш сыйлар қаншалықты қасиет бар десеңші! Ару-ана, Ару-асыл жар, Ару - көңілдің гүлі,

Ару - өмірдің жыры, тіпті айта берсең сөз жетпейді. Әйел бір қолымен бесік тербетсе, екінші қолымен әлемді тербетеді деген екен бір ғұлама. Қандай нақты айтылған ой десеңізші! Расында бар әйел қауымынсыз мына әлемді елестету мүмкін емес! Иә, Құдайдан кейін құдірет иесі - ана. Мына жарық дүниеге әкелген Ана алдында бәріміздің де бас иетініміз сондықтан десек, бүгінде ұрпақ өсірумен қатар, ел еңсесін көтеріле түсуіне өз үлесін қосып келе жатқан қазақ әйелдері қандайда
болмасын құрметке лайық. Бүгінде қоғам өмірінің әйелдер араласпайтын саласы жоқ десе болады. Бірі ғалым , бірі саясаткер, енді біреулері дәрігер, кәсіпкер тізе берсең жалғаса береді. Солардың бірі аяулы ұстаздар. Аналар өмірдің барлық саласын меңгергеніне шүбә жоқ бас иеміз.
І жүргізуші:
Той пердесін ашайық
Аналарды құрметтеп
Ән маржанын шашайық . Ана туралы жыр. Хормен
ІІ жүргізуші:
Құтты болсын ардақты анам
Асыл анам мерекең
Құтты болсын ұстаздарым
Қуанышты берекең
І жүргізуші:
Енді мына бір фильмнен үзінді көрейік!

1-оқушы:
Өзіңе еліктеп өсермін
Борышты өтермін қалайда
Тым нәзік, жұтаңдау жырыммен
Жүректі жылытшы, жарай ма?
Мұғалім: Хор «Ананың тілі.»
ІІ жүргізуші:
Апай, сіздің көңіліңізді көтеру үшін сізбен ойын ұйымдастырайық.
2-оқушы
Азамат қуат алар ақ сүтіңнен,
Мәпелеп әлдилеген пейілі кең.
Аналық махаббатың кәусәр-бұлақ,
Сөнбейтін ақ жүрегің мәңгі шырақ.
І жүргізуші:
Ән де шырқап, ойын да ойнап жатырмыз.
Асыл ана бәрі де сіздің арқаңыз.
3-оқушы:
ІІ жүргізуші:
-Ерте заманның бірінде қазақ даласына шабуыл жасаған дұшпанның қалың қолы бір қаланы қоршап алады. Қалаға келетін ауыз суды тоқтатып қорғаннан өте алмаған жау халықтың берілуін күтіпті. Бірнеше күн өтсе де, қала берілмепті.
Сонда дұшпанның әскер басы мынадай бұйрық шығарыпты.
- Қаладан көтергенше жүк алып, әйелдердің кетуіне рұқсат етемін,- дейді
Әйелдер бір-бір қапшық арқалап қаладан шығып кетеді.
Дұшпан қалаға кіріп қараса, бір де бір еркек жоқ.
Әйелдер ер азаматтарын қапқа салып көтеріп кетіпті.
Кішкене қыздар ұл балаларды,кемпірлер шалдарды көтеріп қаладан шығып кетіпті.
І жүргізуші:
-Осылай бір халықты әйелдер аман алып қалған екен.
Кішкене қыздар ұл балаларды көтеріп шығарыпты.
Сен осылай жасай алар ма едің?
Енді апайға сұрақ қойсақ

Оқушылармен ойын ойнау.
Сабақтан шаршап үйге келгенімде,
Бал сөзі жаным деген сая маған.
ІІ жүргізуші:
-Мұсылман қауымы анаңды Меккеге үш рет арқалап апарсаң да парызынан құтылмайсың деген екен.
І жүргізуші:
-Бәріміз де ана алдында борыштармыз. Сол борышты өтеу бізге міндет. Сынып оқушыларының орындауында «Әлемнің жарығы.» әнін
қабыл алыңыздар!
Мұғалім:
-Сөзімнің соңын мынадай оқиғамен аяқтағым келеді: Екі дүниенің сардары, кісіліктің киесі өмірдің үлгісі болып, Аллаһтың хақ дінін насихаттаған пайғамбарымыз Мұхаммед (с.ғс.) -ға сахабалары келіп
-Алланың елшісі бұл өмірде кімге бірінші сәлем беру керек деп сұрағанда: - Ол анаңа,- деді, екінші кімге дегенде: - тағыда Анаңа,- деді, үшінші кімге дегенімізде: -тағыда Анаға,-деді төртінші кімге дегенде:
-Әкеңе,-деді .
Міне бұл тек аналарға деген ерекше құрмет. Осындай хақ діннің заңына бағынған халқымның салт-дәстүрін құрметтеген адам аналарын құрметтеуі тиіс. Әрқашан да аналар беделі биік болсын!-дей отыра класс сағатымызды аяқтаймыз.

Топ жетекшісі: Г.Жансүгірова

ӨМІРБАЯН

Жумагалиева Гульнар Тастыбаевна 1966 жылдың 23- қазанында Қызылорда облысы, Арал ауданы, Аралсульфат поселкісінде дүниеге келген. 1973-1983 жылдар аралығында №19 қазақ орта мектебінде орта білім алған.

1984- 1989 ж. аралығында Тараз қаласындағы Жеңіл және тамақ өнеркәсібі технологиялық институтында «Бухгалтерлік есеп, шаруашылық қызметіне талдау жасау» мамандығы бойынша білім алып шыққан.

1989- 1993 ж. аралығында Арал қаласындағы электротехникалық заводында есепші болып жұмыс атқарды. 1994 жылы№2 Арал кәсіптік лицейіне арнаулы пәннен мұғалімдік қызметте болып, 2009 жылдан бастап кадр бөлім меңгерушісі қызметін атқарып келеді.

Жанұялы. Жолдасы «Қанымбый» шаруашылық қожалығының меңгерушісі. Қыздары Нұрлыгүл Ақтөбе Медициналық Академиясының 4курс, ал Гулбақыт Орал аграрлық техникалық университетінң 1 курс студенттері. Ұлы Бексұлтан №262 мектеп гимназиясының 8- сынып оқушысы.