Таблицы по крымскотатарскому языку ' Наклонения глаголов'

Къырымтатар тилинде фиильнинъ беш мейили бар:

1. Икяе ( фиильнинъ кечкен, шимдики ве келеджек заман-лары . Меселя: туттым, корем, кеседжек)

2. Эмир ( Ф. нег. Меселя: ёкъ, тут, ал, кес, корь, ачь, кет. )

3. Шарт ( - са, - се. Меселя: кетсе, язса, олса, алса)

4. Истек ( - гъайды, - къайды, - кейди, -гейди.

Меселя: баргъайды, кельгейди, айткъайды )

5. Керек ( - малы, - мели. Меселя: алмалы, керекмели, ишлемели, кельмели )

"Фииль мейиллери" мевзусы бир къач джумле узеринде фииль мейиллери акъкъында умумий анълатма бериле.

М е с е л я:

Асан имтиангъа азырлана.

Асан, имтиангъа азырлан.

Асан имтиангъа азырланмалы. Асан имтиангъа азырланса, беш алыр.

Асан имтиангъа азырлангъайды.

Эр бир джумледеки фиильнинъ манасыны талебелер, оджанынъ берген суаллерине эсасланып, бельгилейлер:

1) азырлана - икяе этиле (икяе мейили); 2) азырлан - эмир этиле (эмир мейили);

3) азырланмалы - азырланмакъ керек олгъаны ифаделене (керек мейили); 4) азырланса - насыл шартнен беш алыр? (шарт мейили); 5) азырлангъайды - истек манасы ифаделенген (истек мейили).