Сабақ жоспары 'Менің әуесім- кітап оқу'

Тақырыбы: Менің әуес ісім - кітап оқу.

Мақсаты:

1. Жаңа сөздерді меңгерту, мәтінді оқып, әңгімелеу, тапсырмаларды орындату.

2. Ойлау қабілеттерін дамыту, сөйлеу тілдерін жетілдіру.

3. Қазақ тіліне деген сүйіспеншіліктерін ояту, пәнге қызығушылығын арттыру.

Әдісі: әңгімелесу, сұрақ - жауап.

Сабақтың барысы: І. Ұйымдастыру кезеңі

Амандасу, түгендеу.

1. Қазір қай жыл мезгілі?

2. Қазір қай?

3. Аптаның қай күні?

ІІ. Үй тапсырмасын сұрау: Өткенді қайталау.

ІІІ. Жаңа сабақ.

Сөздік

әуес, ермек - хобби бос уақыт - свободное время

сүйікті - любимое іс -дело

айналысу, шұғылдану - заниматься ересек - взрослый

белсенді - активный яғни - тоесть

пайда - польза қолөнер - прикладное искусство, рукоделие

көркем әдебиет - художественная литература тарихи шығармалар - исторические произведения

ғылыми әдебиет - научная литература

ІІ. Кітаптың түрлері тақырыбына ассоциация жазу.

Көркем әдебиет Тарихи шығармалар Трагедиялық шығармалар

Өлең оқу Менің әуес ісім - кітап оқу. Комедиялық шығармалар

Ғылыми әдебиет Фантастикалық шығармалар Трагекомедиялық шығармалар

1 . Мәтінді оқып, талдау.

Менің әуес ісім

Әр адамның өмірінде әуесі болады. Әуес деген не? Энциклопедияларда, әуес - (ағылшын тілінен hobby), бос уақытында сүйікті ісіңмен айналысу дегенді білдіреді. Қарт адам болсын, ересек адам немесе бала болсын өзінің әуесі болады.

Әуестің (хоббидің) бірнеше түрі бар:

• Белсенді хобби, яғни адамның әуесі белсенді. Оған спорттың түрлері жатады: шаңғы тебу, би, аңшылық, балық аулау т.б. Әуестің бұл түрінің пайдасы өте зор.

• Өз қолымен жасау, яғни қолөнер. Бұл түріне тоқу, тігу, сурет салу, гүл егу, т.б. істер жатады.

• Коллекциялау, яғни кез келген заттарды жинау.

Адамның әуесі жанын сергітеді, қуаныш сыйлайды, көңілін көтереді.

Әлемде әр адам өз ермегімен шұғылданады. Ата-аналар балаларын үйірмелерге қатыстырады.

Ереже:

Термин - ғылымның, техниканың, спорттың белгілі бір салаларына жататын сөз. Термин бір ғана тура мағыналы сөз болып келеді. Мысалы: әнұран, экология, дыбыс, нарық және т.б.

2 . Бірінші қатардағы берілген сөздерге - мен, - бен, - пен жалғауларын жалғап айналысамын етістігімен тіркестіріңдер және екінші қатардағы сөздерге - нікі, - дікі, - тікі жұрнақтарын жалғаңдар. Осы сөздермен сөйлем құрастырыңдар.

Спорт, би, футбол, коллекциялау, тоқу, сурет салу.

Әже, ата, мен, әке, шеше, аға, қарындас.

3 . Мақал - мәтелдерді оқып аударыңдар, есте сақтап алыңдар.

1. Сен істі сүйсең, іс саған бас иеді.

2. Сүйіп істеген іс шаршатпайды.

3. Жақсы жұмыс - жанға тыныс.

4. Көз қорқақ, қол батыр.

5. Қолыма жұмыс бергенің - жаныма тыныс бергенің.

4 . «Кітап - білім бұлағы» мәтіні бойынша деңгейлік тапсырмалар орындау.

1. Сұрақтарға жауап беру. (140 бет). Бұйрық райлы етістіктерді теріп жазу. (140 бет).

2. Еріндік дыбыстары бар сөздерді теріп жазу. Сәтін бр,ойынша сөйлемдерді аяқтау.

3. Диалогті оқып, өздеріңнің қандай кітап оқуға әуес екендерің туралы әңгімелеп беру.

Бекіту:

Үйге: 1. 3-тапсырма. Жазбаша орындау. (141 бет)

2. Жаңа сөздерді жаттау