Конспект урока на тему 'Книга в жизни человека'

ЧИНЫГ АДÆЙМАДЖЫ ЦАРДЫ.

АИВ ЛИТЕРАТУРÆ КУЫД АХУЫРЫ

ПРЕДМЕТ. (5 КЪЛАС)

2015

03.09.15. 5 къл. ИКТ

ТЕМÆ: Чиныг адæймаджы царды. Аив литературæ куыд ахуыры предмет.

НЫСАН: Бамбарын кæнын скъоладзаутæн чиныджы стыр нысан æмæ бынат

адæймаджы царды.

ХЪОМЫЛАДОН ХÆС: Чиныг кæсын уарзынмæ æмхиц кæнын

скъоладзауты.

УРОЧЫ ÆРМÆГ: литературæйы чиныг, æмбисæндтæ чиныджы тыххæй,

презентаци, куырыхон лæгты базырджы ныхæстæ чиныджы тыххæй, уыци-уыцитæ чиныджы тыххæй.

ДЗЫРДУАТОН КУЫСТ: Рæстæг, Дуне, Ивгъуыд, Фидæн, Сом, Æрдз, Цард,

Куырдалæгоны удæвдз.

УРОЧЫ ЦЫД:

«Чиныг зонд у, чиныг - цард.

Чиныг царды уыны дард»

/ ЕПХИТЫ ТÆТÆРИ /

1. Орг. хай.

2. Ног æрмæг.

Беседæйы хуызы скъоладзаутимæ æрдзурын чиныджы нысаныл

адæймаджы царды.

Фарст: Фыццаг хатт цавæр чиныг бакастæ, чи у йæ автор?

Цæмæн хъæуы чиныг адæймаджы?

АХУЫРГÆНÆДЖЫ РАНЫХАС:

Зæххон адæймаджы зонд цы сфæлдыста, уыдонæн сæ тæккæ вазыгджындæр у чиныг. Йæ ахадындзинад адæймаджы царды у тынг стыр.

Уый руаджы адæймаг бамбары алцыдæр. Сывæллоны миддуне чиныджы фæрцы кæны хъæздыгдæр.

Бакæсæм æмæ равзарæм лæвæрд æмбисæндты хъуыды.

«Чиныг - дæ хуыздæр æмбал»,

«Чингуытæ кæсын - зондджын уæвын»,

«Чиныг - зонды суадон»,

«Чиныг цы хæдзары нæй, уый у æнуд».

ХÆC: Базонут ма ацы уыци - уыцитæ:

« Æнæ удæй зонд амонæг», «Дзых ын нæй, афтæмæй дзуры», «Иу чысыл агъуысты æгас æфсад бады», «Дзургæ нæ кæны, афтæмæй адæмæн зонд амоны».

Чингуытæ вæййынц алыхуызон, фæлæ хæссынц иу ном - литературæ: аив литературæ, наукон литературæ æмæ æндæртæ.

Дзырд «литературæ» амоны фыст æмæ мыхуыргонд уацмыстæ иумæ райсгæйæ, у аивады хуыз. Сæрмагондæй та - дзырдаивад.

3. Аулæфт. «Светофор» ( Ахуыргæнæгмæ æртæ хуызы: сырх, бур, цъæх.

Цъæх хуыз - дæ бынаты дугъ кæн, бур - дæ бынаты цу, сырх - æрлæуу

æмæ сбад.

4. Презентаци равдисын.

5. Чиныгимæ куыст. Чиныджы лæвæрд æрмæг бакæсы ахуыргæнæг, æвзарын зынæмбарæн дзырдтæ.

Фарст: Исчи уæ фехъуыста искуы, кæнæ бакасти Куырдалæгоны тыххæй?

Кæд ничи хъуыды кæна, уæд сын цыбыртæй Нарты кадджытæй сæ зæрдыл æрлæууын кæнын, зæгъæм «Æхсар æмæ Æхсæртæджы райгуырд».

Куырдалæгон - уæларвон куырд, куырды куысты бардуаг. Нартæн кодта хæцæнгæрзтæ, сæрыдта сæ.

Удæвдз - Нарты кадджыты алæмæтаг, диссаджы уадындз. Йæхи æгъдауæй - иу зарджытæ чи кодта, ахæм.

6. Чиныджы лæвæрд æрмæг аив каст кæнынц скъоладзаутæ æмæ йæ хи ныхæстæй дзурынц.

7. Хæдзармæ куыст. Аив каст сахуыр кæнын текст.Литературæйы тетрæдтæм рафыссын æмбисæндтæ чиныджы тыххæй.

8. Бæрæггæнæнтæ.