Сабақтың тақырыбы М дыбысы және әрпі

Ұйымдастырылған оқу іс - әрекетінің технологиялық картасы.

Білім беру саласының мазмұны: Қатынас.

Ұйымдастырылған оқу іс-әрекет түрі: Сауат ашу.

Тақырыбы: М дыбысы және әрпі.

Мақсаты

Білімділік: Балаларға М әрпін таныту, М дыбысының сөздегі орнын айыра білу, М дыбысы бар сөздер ойлату,буынға бөлу, дыбыстық талдау жасату, сөйлем құрату.

Тәрбиелік: Оқу іс-әрекеті барысында ұқыптылыққа, таза, дұрыс жазуға үйрету, бірін-бірі тыңдауға, сыйлауға тәрбиелеу.

Дамытушылық: Балалардың ойлау, есте сақтау қабілеттерін арттырып,тіл байлығын дамыту,байланыстырып сөйлеуге үйрету.

Көрнекілігі: Суретті әріптер,мақта суреті,әліппе-дәптер.

Әдіс-тәсіл:әңгімелеу, түсіндіру, сұрақ-жауап, көрсету.

Билингвистикалық компонент: мақта-вата,мысық-кошка,жүзім-виноград.

Іc-әрекет бөлімдері

Тәрбиешінің іс-әрекеті

Балалардың іс-әрекеті

Мотивациялық қозғаушы

Іздену-ұйымдастырушы

Рефлексивті коррекциялаушы

Амандасу

Үлкенге де сіз,

Кішіге де сіз.

Қонақтарды құрметтеп,

Бас иеміз біз.

Тәрбиеші

-Балалар мен сендерді көргеніме қуаныштымын.

Балалар

«Айналайын» десе, қуанамын мен,

«Айналайын» десе, қуанасын сен.

Қуанышқа бөленіп,

Шаттанайық кел.

-Қане, балалар, осы оқу іс-әрекетіндегі көңіл-күйіміз қандай?

-Жақсы олай болса, өткен оқу іс-әрекетін еске түсірейік.

Д дыбысы мен әрпі.

-Д дыбысы қандай дыбыс?

-Неге дауыссыз дыбыс?

-Дыбыс пен әріптің айырмашылығы неде?

-Д дыбысы кездесетін сөздерді ата.

-Буынға бөл, дыбыстық талдау жаса, сөйлем құра.

-Жарайсыңдар, балалар,мен енді сендерге жұмбақ жасырайын.

Өзі ақ,жеңіл,үлпілдек,

Бағалы, қажет өсімдік.

Аламыз одан май да,

Тігеміз одан киім де.

Мақта.

Мақта-көпжылдық өсімдік туысы,бағалы талшықты дақыл. Мақтадан тағамдық техникалық май, мақта мамығы т.б.өнімдер алынады.Мақта тоқыма өнеркәсібі үшін негізгі шикізат.Мақтаның ұзын талшықтарынан әр түрлі маталар-бәтес, сәтен тоқылса, қысқа талшықтарынан пластмасса,фотопленка,дәрілік мақта,жанғыш пілте, жасанды жібек, жіп т.б. дайындалады.

-Балалар мақта сөзі қай дыбыстан басталып тұр?(Сиқырлы кітап-электронды оқулық)

-М дыбысы қалай айтылып тұр?

-Олай болса қандай дыбыс?

-Қандай текшемен белгілейміз?

-М дыбысы сөздің басында, ортасында, соңында кездеседі.

Мыс: Мысық,алма ,алмұрт, жүзім т.б.(орысша тіліне аудару)

Буынға бөлу,дыбыстық талдау жасау,сөйлем құрау.

Дәптермен жұмыс

Оқу м-а ма ма мата

м-ой мой-нақ шам мал

м-ай май-мақ том мол

Сергіту сәті

Қоюланып тағы бұлт,

Жаңбыр жауды себелеп.

Жапырақты жамылып,

Бұға қалды көбелек.

-Балалар, М әрпі неге ұқсайды?(қол алысып тұрған екі балаға,түйенің екі өркешіне)

М әрпін қаламмен, жіппен, саусақпен жасап көрейік.

Жазу М әрпін алдымен ауада жазу,сосын дәптерге жазу.

М М М

м м м

Ойын

М әрпі басында, ортасында, соңында кездесетін сөздерді тиісті сандықшаға жинау.

-Жарайсыңдар балалар бүгін біз қандай әріппен таныстық?

-Ол қандай дыбыс?

-Ол сөздің қай жағында кездеседі?

-М дыбысы кездесетін сөз айту.

Оқу іс-әрекетіне жақсы қатысқан балаларды мадақтау.

Көңіл-күйлерін сұрау.

Балалар амандасады.

Балалар өлеңді қуанышты көңілмен айтады.

-Жақсы.

-Дауыссыз дыбыс.

-Кедергіге ұшырап, қысқа айтылады.

-Дыбысты айтамыз, естиміз.Әріпті көреміз, жазамыз.

Сөздер айтады,буынға бөледі, дыбыстық талдау жасайды. Сөйлем құрайды.

Мақта.

М дыбысынан.

Балалар қайталайды.

Кедергіге ұшырап, қысқа айтылып тұр.

Мы-сық 2-буын, 5-дыбыс,5-әріп, 2-дауысты,3-дауыссыз.Біздің үйде мысық бар.

Балалар М әрпін ауада,

Содан соң дәптерге жазады.

Ойын ойнайды.

Сұрақтарға жауап береді.

Күтілетін нәтиже:Балалар М дыбысы туралы толық түсінік алады.М дыбысы кездесетін сөздер ойлап табады, буынға бөледі дыбыстық талдау жасайды,сөйлем құрайды.М әрпін жазады, буынды,сөзді оқиды.