Тақырыбы: Елі сүйген елін сүйген-Елбасыбалабақшаға арналған

Тәрбие сағаты

Тақырыбы: «Елі сүйген, елін сүйген - Елбасы!»

Мақсаты:

Балаларға Президентіміз Н.Ә. Назарбаев туралы мәлімет беру, сан қырлы талант иесі, құдіретті тұлға екенін таныту. Елімізге еңсе тіктетіп, мемле-

кетімізді мығымдап берген, халқымызды әлемге танытып, алаш баласының абыройын ақсақтатқан Елбасының кісілік келбетін меңгерту. Отанын сүюге, елжандылыққа, елі сүйген Елбасынан үлгі алуға тәрбиелеу.

Көрнекілігі: Елбасының. Қазақстан Республикасының рәміздерінің суреттері, слайд, ұлттық ойын атрибуттары.

I. Ұйымдастыру:

Қазақстан Республикасының мемлекеттік әнұраны орындалады.

1-Жүргізуші:

Тәуелсізбін! Бар ма мұң?

Тәләйлі болсын талғамым!

Өркені өссін қазақтың,

Осы - менің арманым

Күн тұрғанда тұратын

Жұрты сайран құратын

Қала болсын Астана

Осы - менің мұратым!

2- Жүргізуші:

О, Ақ орда, Ақ шатыр,

Ұлысыма бақ шатыр.

Баянды болсын Азаттық,

Осы - менің мақсатым!

Халқым - менің тірегім,

Құрбан жаным, жүрегім!

Атымыз озсын бәйгеде,

Осы - менің тілегім!

Жүргізуші:

- Балалар, біздің яғни, Қазақстан Республикасының Президенті кім екенін білеміз бе?

- Білеміз. Нұрсұлтан Әбішұлы Назарбаев.

• Біздің еліміз қай ел?

-Қазақстан

- Астанамыз қай қала?

-Астана

-Сенің қалаң қай қала?

-Арқалық қаласы

-Сендерге туған жерлерің ұнайды ма?

-әрине

-Біздің еліміздің жері кең.

Отан деген - атамекен,

Отан деген - туған жер.

Отан - ана, Отан - пана,

Қазақстан - туған ел.

Балалар Елбасына арнап тақпақтар айтады.

Жаннұр: Елбасымыз жолдайды,

Халқы оны қолдайды.

Ешқашанда шешпеген

Шешімдері болмайды.

Жәнел Ә:

Жаса, жаса Қазақстан,

Өркен жая бастаған!

Болашақтың есігін

Өз қолыңмен аш маған!

Ажар:

Асқақтай бер, Қазақстан,

Берекеге бастаған!

Болашақтың есігін

Өз қолыңмен аш маған!

Ақару:

Тәуелсіздікті елге сыйлады,

Бейбітшілікті қалады.

Халқымыздың ажарлы,

Орындалып арманы.

Бейбарыс:

Барша әлемге әйгілі

Ел басымыз Нұр аға!

Мақтанышы елімнің

Нұрын шашқан, Нұр қала.

Нұрдәулет:

Гүлдене бер, Отаным,

Көтерген туын Нұр ағам!

Көбейткен достың қатарын,

Нұр аға - біздіңұлы адам!

Ерасыл:

Отан,

Отан!

Бәрінен биік екен,

Мен оны мәңгілікке сүйіп өтем.

Жәнел:

Елтаңбасы елімнің

Неткен әйбат, әдемі!

Тұнығындай көңілдің

Ортада аспан әлемі.

Айару:

Әнұраным - жан ұраным,

Айтар әнім - сөйлер сөзім.

Мәңгі бақи шырқалады,

Республика әнұраны

Төреғали:

Алтын дәнді даласы бар

Ақ күмістей қаласы бар

Неткен көркем, неткен сұлу

Осы менің туған өлкем!

Ерасыл:

Кең байтақ қой Қазақстан картасы,

Астанамен айшықталған ортасы.

Бүгін бізге таңдай қағар күллі әлем,

Бұның бәрі Елбасының арқасы!

Мақсат: Биіктей бер, Нұр аға,

Қыран қанат талмасын.

Қадірлемей тұра ма,

Халық сіздей тұлғасын!

Наргиз:

Елімде бейбіт тыныш заман болсын,

Тілеймін әр адамға бақыт қонсыні

Елімнің ел ағасы, елбасшысы

Нұрсұлтан Назарбаев аман болсын!

Ән: «Жетекшіміз-Нұр Отан!»

Жүргізуші: Күлімдеген әдемі қыз жанары,

Оюдай майысады қолдары,

Қуыршақ биін тарту етер сіздерге,

Кіп-кішкентай қуыршақтың қыздары.

«Қуыршақ» биі

Ән: «Ағатайым» Манат Жаннұр, Тыныштық Айару.

Ұлттық ойын: «Күш сынасу»

«Асық ату»

Би: «Қара жорға»

Ұжымдық жұмыс: «Туған жер»

Жақсы» тақырыбындағы ширату-ойынын ойнауды ұсынамын (балалар шеңберде тұрады):

Күннің шыққаны жақсы ма? (күнді бейнелейді)

Жақсы! (алақандарын соғады)

Желдің соққаны жақсы ма? (желді бейнелейді)

Жақсы! (алақандарын соғады)

Достарыңмен жүрген жақсы ма? (адымдайды)

Анаңды құшақтаған жақсы ма? (өздерін құшақтайды)

Жақсы! (алақандарын соғады)

Туған өлкеде жақсы ма? (құшақтарын жаяды)

Жақсы! (алақандарын соғады)

Үйіміз бар жерде жақсы ма? (үйді бейнелейді)

Жақсы! (алақандарын соғады)

Биде айналған жақсы ма? (айналады)

Жақсы! (алақандарын соғады)

Қазақстандық болған жақсы ма?

(бас бармақтарын көрсетеді)

Жақсы! (алақандарын соғады)

Ән: «Жаса Қазақстан!»

Қорытынды:

Нұрсұлтан Әбішұлы Назарбаев-Қазақстанның тұңғыш президенті.

Елбасымызды елі сүйген. Сендерде еліміздің келешегісіңдер! Еліміздің елі сүйген, елін сүйген қалаулы азаматы болыңдар!