Поурочный план урока по казахскому языку по теме: Жыл мезгілдері

Ашық сабақ жоспары

Сынып: Мектепалды дайындық . Күні: « 26 » ақпан

Тақырыбы: «Жыл мезгілдері».

Мақсаты:

Оқушыларға жыл мезгілдері туралы жалпы түсінік беру, сөз қорын байыту, білімдерін қорытындылау;

жыл мезгілдерін ажырату, шығармашылық қабілеттерін дамыту,бақылау дағдыларын қалыптастыру.

Тәрбиелік мақсаты: табиғатты сүйе білуге, бақылау дағдыларын қалыптастыру мен табиғатты қорғай білуге тәрбиелеу.

Сабақ түрі: аралас сабақ.

Сабақтың әдісі: сұрақ-жауап, топпен жұмыс, шығармашылық жұмыс.

Көрнекілігі: Жыл мезгілдерінің суреттері, жыл мезгілдеріне сай киімдердің суреттері, гүлдер, пазылдар, компьютер.

Сабақтың барысы

І. Ұйымдастыру:

Сәлемдесу.Оқушыларды түгендеу, сабаққа дайындықтарын тексеру.

Тіл дамытуға арналған сұрақтар:

• Балалар біз қай елде тұрамыз? ( Қазақстанда)

• Қазақстанның туының түсі қандай?( көк)

• Туда не бейленген? ( күн, ою, қыран құс)

• Елтаңбада не бейнеленген? ( пырақ, уықтар)

ІІ. Негізгі бөлім: Жыл мезгілдері.

Мұғалімнің кіріспе сөзі: Балалар, біз бірнеше сабақ бойы жыл мезгілдері туралы өттік. Бүгін өткен сабақтарды еске түсіреміз, үйренген сөздерді қолданымыз. Бәріміз бірігіпберілген тапсырмаларды орындайық. Қане,балалар, компьютерге қарайық.

-Қай жыл мезгілін көріп отырсыңдар? (Қыс)

-Дұрыс, балалар, бұл қыс мезгілі.

Осы қыс тақырыбына кім тақпақ біледі?

Жарайсың, балақай, рахмет!

Сергіту ойыны: Ал енді аздап ойын ойнайық.

Бұл да «Қыс» туралы ойын.

Тыңдап алыңдар, балалар: мен сендерге жасанды ақ қарды лақтырып, сұрақ қойымын. Ал кімге лақтырсам, сол оқушы жауап береді. Қысқа сәйкес суретті тауып, тақтаға қыс сөзінің қасына ілу керек.

• Қыста не жауады?(қар)

• Қыста ауа райы қандай ?( суық)

• Қыста балалар қардан не жасайды? (аққала)

• Қыста қандай мереке болады?( Жаңа жыл)

• Қыс айларын кім атайды?( желтоқсан, қаңтар, ақпан)

Дұрыс, балалар, рахмет.

Балалар, тағы да компьютерге қараңдар.

-Бұл қай жыл мезгілі?(көктем)

-Дұрыс, бұл көктем мезгілі.

Ендеше көктем туралы тақпақты кім біледі?

Балалар, көктем сұрақтарға жауапты сәйкес суретті тауып тақтаға көктем сөзінің қасына ілу керек. Балалар, сұрақтарды дұрыс тыңдаңдар:

-Көктемде күн қандай? (жылы)

-Көктемде қандай өзгеріс болады? (қар ериді)

-Көктем айларын кім атайды? (наурыз, сәуір, мамыр)

-Көктемде қандай мереке болады? (Наурыз Мейрамы)

-Көктемде қандай гүл бірінші шығады?(бәйшешек)

Жарайсыңдар, балалар, рахмет.

Сергіту сәті: Балалар, бізге орманнан қоян қонаққа келді. Ендеше қоянмен бірге сергіту өткізейік.

Балалар, көктемнен кейін қандай жыл мезгілі келеді?

Дұрыс, жаз болады. Жаз туралы тақпақты тыңдайық. Дұрыс, балақай, рахмет.

-Балалар, жазда күн қандай? (ыстық)

- Жазда балалар қайда түседі? (көлге)

- Ал қайда ойнайды? (құмда)

- Жазда не піседі? (көкөністер)

Осы сұрақтарға сәйкес суреттерді жаз сөзінің қасына тақтаға ілу керек. Жарайсыңдар, балалар, рахмет.

-Балалар, жаздан кейін қандай жыл мезгілі болады?

-Дұрыс, күз болады. Күз туралы тақпақты тыңдайық.

- Күзде ауа райы қандай ? (салқын)

-Күзде не жауады? (жаңбыр)

-Күзде қандай өзгеріс болады? ( күн суытады)

-Жапырақтардың түстері қандай болады? (сары)

ІІІ. Сабақты қорытындылау.

Мен сендерге жылдың төрт мезгіліне байланысты пазылдар беремін. Сендер оларды құрастырып, (1-2 минут) қандай жыл мезгілі екенін айтып беріңдер.

Шығармашылық жұмыс: Балалар, дәптерге өздерің ұнататын жыл мезгілінің суретін салыңдар.

Кластермен жұмыс: Балалар, тақтадағы сендер жасаған кластерге қарайық.Тақтаға ілінген суреттерге қарап шағын әңгіме құру.

Көмекші сұрақтар: топпен жұмыс

• Бір жылда неше жыл мезгілі бар?

• Олар қандай?

ІY. Сабақтың соңы. Балалар, бәріңе рахмет. Жақсы жұмыс жасадыңдар. Сау болыңдар.

7