Әдептілік Тәрбие сағаты 1 сынып

Тәрбие сағаты тақырыбы: «Әдепті бала - арлы бала»

Тәрбие сағатының мақсаты: Балаларды кішіпейілділікке, үлкендерді сыйлауға, көмектесуге үйрету, жақсы қасиеттерді бойына сіңіріп, жаман қасиеттерден жирену сезімін дамыту. Адам бойындағы ұнамды, ұнамсыз қылықтарды айыра отырып әдеп әліппесін бойына дамыту, тіл байлығын, таным белсенділігін арттыру. Оқушыларды әдептілікке сыпайылыққа тәрбиелеу.

Сабақтың көрнекілігі: Мақал-мәтелдер, нақыл сөдер жазылған плакаттар, суреттер

Сабақтың барысы:

І. Ұйымдастыру кезеңі

Мұғалім: Балалар бүгінгі тәрбие сағатымыз әдептілік тақырыбында өтеді. Әдептілік- адамдардың өзара жақсы қарым-қатынасының, жүріс-тұрысының ережесі. Осы әдептілік ережесін сақтау керек. Бүгінгі заман адамы сегіз қырлы, бір сырлы болып өсуі керек.

«Әсемпаз болма әрнеге,

Өнерпаз болсаң арқалан.

Сен де бір кірпіш дүниеге

Кетігін тапта бар қалан» деп Абай атамыз айтқандай кішіге мейірімді, досыңа қайырымды, еңбексүйгіш, шыншыл да қамқор болсаң өсе келе ата-анаңның, Отаныңның мақтанышы боласың.

Тәрбие сағатымызды Ақниет пен Айсананың орындауындағы «Апам үшін күнде де» деген өлеңімен бастайық.

Адам болатын бала - барлық жақсы қасиеттерді үйреніп, жаман мінез, жаман әдеттерден аулақ болуға тырысуы керек екенін мына өлеңдерден тыңдайық.

1-оқушы

Ата-ананың тілегі - адам болып өскенің,

Адамдықтың тірегі - адал болып өскенің.

Әдептілік дегенің - әрқашанда керегің,

Әсемпаздық дегенің - әуре сарсаң әлегің

2-оқушы

Тәртіпті бала сүйеніш,

Төбең бір көкке жетеді.

Ұрыншақ бала жанында,

Ұрыс пен керіс айқай шу.

Ұстамды бала маңынан,

Ұнамды қылық байқайсың.

3-оқушы

Кім үлкенді сыйласа,

Кім үлкенді тыңдаса

Үлкен болған кезінде

Сыйлы болмақ өзі де.

4-оқушы

Сыйла үлкен кісіні

Қамқорлыққа ал кішіні.

Сақтап көше тәртібін,

Бағдаршымның ал тулун.

Әдет қыл бұл ісіңді,

Тазалап жүр тісіңді.

5-оқушы

Қарсы ал ерте күн көзін,

Төсегіңді жина өзің.

Асықпай іш тамақты,

Жалама аяқ-табақты.

Жарайсыңдар балалар біздің сыныбымызда әнші, биші балдар көп екен. Ендігі кезекті биші балдарга берейік «Буратино» биін тамашалаңыздар

6-оқушы

Пышақты ұста оң қолмен,

Шанышқыны сол қолмен.

Нанды үгітпе, қадірле,

Қабығымен бәрін же.

Саусағыңды сормағын

Салдыр салақ болмағын.

7-оқушы

Сыйлап сәлем беремін

Көршілерді көргенде.

Ізетпен бас иемін,

Үйге қонақ келгенде.

Әдепсіз деп сөкпесін,

Анама айтып өкпесін.

8-оқушы

Атам маған қашан да,

Кішіпейіл бол деген.

Ата сөзі санамда,

Мақтанбауды жөн көрем.

9-оқушы

Өзгелерден өзімді,

Санамаймын жоғары.

Артық айтып сөзімді,

Желпінгенім жоқ әлі.

Ендігі кезекті Жаннұр мен Қамажайдың орындауындағы «Бізде де бар қуыршақ» әнін тыңдаймыз

Балалар «әдеп» деп «әдептілік» деп қандай мінез бен іс-әрекетті айтамыз?

1-оқушы

Әдептілік деп үлкенді сыйлауды, достарды, айналадағы адамдарды құрметтеуді айтамыз. Әдепті адам басқадан сыйласым күтпей-ақ алдымен өзі басқаны құрметтеп ардақтай біледі, көпшілікке өзінің әдептілігін көрсетеді.

2-оқушы:

Әдептілік дегеніміз әдеп, ізет, инабат, сыйласым, құрмет, қамқорлық деген сөздерді білдіреді. Кешірімді болу керек, ол да - әдептілік. Кейде кешірілмейтін мінез құлықтар да болады. Ондай теріс мінезді тезге салып тез түзеу керек.

Оқушылар енді қыздарымыздың «Радуга» биін тамашалайық!

Ән Нұрасыл мен Ақниеттің орындауындағы «Ақ мамам» әні

Қорытынды:

Мұғалім: оқушылар бәріміз ортаға шығып «Шаттық шеңберін» құрып бір-бірімізге жақсы тілектер айтамыз.

Балалар, бүгін біз сіздермен әдептілік жайлы білдік. Әр адам өзін кез-келген жағдайда, кез-келген жерде тәртіпті ұстап, әдепті де әдемі сөйлеу білуі керек екен. Әдепті адам жамандықты жақсылыққа баурап, өзінің ақылдылығын таныта білуі керек.