Технологиялық карта Уақыт. Уақыт бойынша бағдарлау: таңертең, күндіз,кеш, түн.

Оқу іс-әрекетін ұйымдастыруға арналған технологиялық карта

Тақырыбы: Уақыт. Уақыт бойынша бағдарлау: таңертең, күндіз,кеш, түн.

Тлеуова Роза Жолбайқызы

№30 «Ұрпақ» мектепке дейінгі ұйымы

Ақтөбе қаласы

Білім беру саласы: Таным

Білім беру бөлімі: Қарапайым математикалық түсініктерін қалыптастыру

Тақырыбы: Уақыт. Уақыт бойынша бағдарлау: таңертең, күндіз,кеш, түн.

Мақсаты: Балаларды «ұзақтық» (уақыт) терминімен таныстыру. Уақытты бағдарлай білуін дамыту.Уақыт туралы түсініктерін қалыптастыру. Апта күндері туралы түсініктерін нақтылау. 4 саны көлемінде тура және кері санау қабілетін ұштау, геометриялық пішіндер (шаршы, үшбұрыш, дөңгелек, сопақша т.б.) туралы білім деңгейлерін кеңейту, өз бетінше жұмыс жасай білуге, санау, салыстыру дағдыларын күнделікті тұрмыста қолдана білуге тәрбиелеу. Уақытты үнемдеуге тәрбиелеу.

Керекті құралдар: Сандар, суреттер, жұмыс дәптері

Сөздік жұмыс: таңертең, күндіз,кеш, түн

Тәрбиешінің іс-әрекеті

Балалардың іс - әрекеті

Мотивациялық қозғаушы

Балалармен шаттық шеңберін құрамыз.

Күннің көзі ашылып,

Көкте шуақ шашылып.

Құтты қонақ келіпті,

Төрімізге еніпті.

Амандасу үлкенге,

Тәрбиенің басы ғой.

Ал, қанекей бәріміз,

Сәлем дейік үлкенге.

Сәлеметсіздер ме апайлар?!

Жыл мезгілдері, ай, апта күндері туралы

түсініктерін тексеру

Ауа-райын әңгімелеу

Күз туралы өлеңді жатқа айту Балалар, қазір жылдың қай мезгілі?

Күздің ерекшеліктерін атаңдаршы. Ағаштардың жапырақтары не істеді?

Далада жиі- жиі не жауады?

Күз туралы тақпақтар.

Біз күз туралы тақпақтар білеміз бе?

Балалар шаттық шеңберінде тұрып, бір-бірлеріне жақсы тілектер тілеп, жылы лебіздер білдіреді.

Амандасу

Күз мезгілі,

Қараша айы,

Балалар жауабы.

Күздің күні қандайды?

Ағаштардың жапырақтары сарғайып жерге түсті.

Жиі-жиі жаңбыр жауды.

Бала: Күзім-ау, күзім-ау,

Мінезің бұзық -ау.

Жаңбырың сіркіреп,

Келгенің қызық-ау.

Іздену ұйымдастырушы

Есік қағылып, Ересек «Қарлығаш» тобына деп жазылған арнайы Есепбике ханымнан хат келді. Тәрбиеші балаларға хаттың мазмұнын толық түсіндіріп береді.

-Балалар сіздер Есепбике ханымның мына хатта жазған тапсырмаларын орындай аласыздар ма? Балалардың математикалық түсініктерін тексеру, өткендерді қайталау.

Қабылдау қабілетін дамытуға арналған жаттығулар.

1 - тапсырма. Жұмбақ жасыру

«Бұл қай кезде болады»

2 - тапсырма. « Аптада неше күн бар?»

Бір аптада неше күн бар?

Апта деген атайдың,

Жеті бірдей ұлы бар.

Біріншісі - Дүйсенбі.

Екіншісі - Сейсенбі.

Үшіншісі - Сәрсенбі.

Төртіншісі - Бейсенбі.

Бесіншісі - Жұма.

Алтыншысы - Сенбі.

Жетіншісі - Жексенбі.

3 - тапсырма. «Жұмыс күндері қандай?»

Жаңа тақырып: Уақыт. Уақыт бойынша бағдарлау: таңертең, күндіз, кеш, түн.

Ізгі сөздер

Бақшамызға барғанда,

Жолыққан бір жандарға,

Ертемен, ақ пейілмен

«Қайырлы таң!»-деймін мен

Күндіз де елді елді елеймін

«Қайырлы күн!»-тілеймін

Үйге кешке келемін,

Недерімді білемін

«Кеш жарық!»-деп кіремін.

Дәптерді ашып, таңертең, күндіз, кеш, түн деген сөздерді бекітуге арналған 1-тапсырманы орындайық. Адамдардың таңертең, күндіз, кеш, түнде не істейтіні туралы әңгімелесіп алайық.

• Сіздерді ата-аналарың қай кезде балабақшаға әкеліп тастайды және қай кезде алып кетеді?

• Қай уақыттарда адамдар тамақтанады?

• Таңғы ас - таңертең, түскі ас - күндіз, кешкі ас - кешке ішіледі. Ал түнде адамдар тамақ жемейді, түнде адамдар ұйықтайды.

4 - тапсырма. Санамақтар айту.

Бір - дегенім бесік,

Шықтық содан өсіп.

Екі - дегенім елім,

Далам, тауым, көгім.

Үш - дегенім үміт,

Үміт артар жігіт.

Төрт - дегенім төзім,

Төзе білем өзім.

Бес - дегенім бақыт,

Бағалайтын уақыт.

5 - тапсырма. Санау. Тура және кері санау.

1, 2, 3, 4, 5.

5 4, 3, 2, 1.

6 - тапсырма.Сандар айтысы.

1

Біздің үйде бір тауық,

Бір жұмыртқа жүр тауып.

Бір сиыр бар қорада,

Бәтіш тәтем жүр сауып.

2

Екі аяқпен жүремін,

Екі көзбен көремін.

Екі қолым бар менің,

Екі құлақ білемін.

3

Үйімде бар үш қалам.

Үшеуінде ұштағам..

Үш досымды салдым мен..

Үш балыққа ұқсаған

4

Төрт дөңгелек арбада,

Төрт аяқ бар малда да.

Тауыса алмай бидайды,

Төрт тышқан жүр қамбада.

5

Бестік деген бағаны,

Бақыт күнде алады.

Бәрі жақсы көреді,

Беске оқыған баланы.

Дәптермен жұмыс.

Дәптердегі уақыт тақырыбына берілген тапсырманы ретімен орналастыруға балаларды жұмылдыру, қиналған балаларға көмек беру. Осы тапсырманы жеке жұмыс ретінде тақтада орындау.

Дәптермен жұмыс кезінде эстетикалық тәрбие беру.

Сұрақтарға жауап алу

Балалар жауабы

• Балалар жауабы

• Күз мезгілінде.

• Бір аптада жеті күн бар.

• Дүйсенбі, Сейсенбі, Сәрсенбі, Бейсенбі, Жұма, Сенбі, Жексенбі.

Балалар апта күндерін айтып береді.

• Дүйсенбі, Сейсенбі, Сәрсенбі, Бейсенбі, Жұма

Балалар өлең жолдарын қайталайды.

• Балалар жауабы:

• Балалар жауапты өз өмірлерімен байланыстырып жауап береді.

Балалар 5-ке дейін тура және кері санайды.

Балалар сандар айтысын барлығы бірге хормен де жеке -жеке де айтады.

• Балалар таратылып берілген материалдармен жұмыс жасайды. Сандарды ретімен қойып шығады.

• Сандар айтысында хормен айтып, кейін жеке-жеке айтады.

• Қосымша беттегі тапсырма парақтарын алып, уақыт бөліктерін ретімен орындайды.

Рефлексивті коррекциялаушы

Бүгінгі ұйымдастырылған оқу іс-әрекетін қорытындылауға арналған сұрақтар:

• Бүгін бізде қандай ҰОІӘ - і болды?

• Біз немен таныстық?

• Не істедік? Ойынды әрі қарай жалғастыру, оқу іс-әрекеті барысында көзге түскен балаларды мадақтау, басқа балаларға үлгі тұту, қорытып бекіту.

• Олай болса, балалар мен ҰОІӘ - ін кейін сіздің тапсырмаңызды біздің балалар түгел орындады деп хат жазып, поштаға салып жіберейін.

• Оқу іс-әрекеті соңында, Есепбике ханымның сіздерге беріп жіберген сыйы бар екен соны тапсырайын.

Осымен бүгінгі «Уақыт. Уақыт бойынша бағдарлау» атты ұйымдасқан оқу іс-әрекетіміз аяқталды.

Балалар: Қол ұстасып тұрайық

Шеңберді біз құрайық.

Көріскенше күн жақсы,

Сау саламат болайық!

Оқу іс-әрекеті соңында балалар бүгінгі ҰОІӘ - інде не істегендерін бастан аяқ баяндап береді.

Қорытындылау, мадақтау.

Дайын хатты көрсету.

Балалар жұлдызшалармен мадақталады

Күтілетін нәтиже:

Нені біледі: Оқиғаны ретімен сипаттайды:таңертең, күндіз, кеш, түн.

Қандай түсініктерді игереді: Тәулік мезгілдері туралы түсінік алады.

Меңгерген іскерліктері мен дағдылары: таңертең, күндіз, кеш, түн сөздерін меңгеріп, өмірде қолдана біледі.