Сурет салу Ұлттық баскиімді әшекейлейміз

Ұйымдастырылған оқу іс-әрекетінің технологиялық картасы

«Еркетай» тобы

Білім беру саласы: Шығармашылық

Бөлімі: Сурет салу

Тақырыбы: Ұлттық баскиімді әшекейлейміз

Мақсаты: Ұлттық баскиімдерді ажырата білуге; ою-өрнек элементтерін үшбұрышқа орналастыра білуге үйрету; көз мөлшерін дамыту; бастаған ісін аяғына дейін жеткізуге тәрбиелеу.

Қолданылатын көрнекі құралдар:сәукеленің суреті.

Қажетті құрал-жабдықтар:сурет дәптері, гуашь, қылқалам, су, сүлгі, үнтаспа, баяу әуеніді күйтабақ, доп.

Сөздік жұмыс: сәукеле, әшекейле, өрнекте.Оқу іс-әрекеті

кезеңдері

Педагогтың іс-әрекеті

Балалардың іс-әрекеті

Мотивациялық

Қозғаушы

Педагог алдын ала жасалған көрмедегі ұлттық баскиімдерді балаларға көрсетіп, салыстырады.

Шеңберге тұрып балаларға доп тылақтырады; педагог жекеше түрде айтқан сөзге балалар сол сөздің көпше түрін айтып жауап береді (тақия-тақиялар, етік-етіктер).

Балалар ұлттық баскиімдерді естеріне түсіреді, әңгімелейді.

Ұйымдастыру

шылық-

ізденістік

Қазақтың ұлттық киімдері туралы әңгімелеу. Балалардың анық сөйлеулерін қадағалау.

«Сырмақты әшекейле» дидактикалық ойын.

Балалардан үшбұрышқа ұқсас заттарды атауды сұрау.

Сәукеле туралы түсінік беру.

Ұлттық баскиім - сәукелені әшекейлеуді ұсыну (сәукелені қиіп дайындап беруіне болады)

Салыну жолдары:

Алдымен үшбұрыш сызып алынады, төмен жағына сызық жүргізіледі, төбесіне үкі салынады. Балалардың қалаулары бойынша ашық түстермен жұмыс жасалады. Дайын сәукелені жуан қылқаламмен боятып, сәл кепкеннен кейін жіңішке қылқаламның ұшымен әдемі ою-өрнектер салып өздері қалаған түспен әшекейлету.

«Қызғалдақ» және « толқын» өрнектерін салуды ұсыну.

Балалар сұраққа толық жауап береді.

Киімдерді атайды, неден жасалғанын, қайда киетінін айтады

Балалар қылқаламдарын суға салып, ыдыстың шетіне сүртіп, бояумен қылқаламның ұшымен жұмыс жасайды.

Қандай түспен, қылқаламмен қай жерін бояп жатқандарын айтады.

Рефлексиялық-

түзетушілік

Балалардың жұмыстарына талдау жасау. Жұмыстарды көрмеге ілу.

Балалар тжақсы жасалған сәукелені атап көрсетеді

Күтілетін нәтиже:

Біледі: ұлттық баскиімдерді ажыратуды;

Игереді:ою-өрнек элементтерін үшбұрышқа орналастыруды

Меңгереді:көз мөлшерін дамыту, бастаған ісін аяғына дейін жеткізуді.