Ұзын құлақ сұр қоян Ұйымдастырылған ашық оқу қызметі

Ұзын құлақ сұр қоян

Оқу іс - әрекетінің тақырыбы: «Ұзын құлақ сұр қоян»

Мақсаты: Балаларды елестету арқылы таныс бейненің мүсінін жасауға, қоянның жеке бөліктерін: басы, денесі, құйрығын анық жасай білуге үйрету. Есу, жалпайту, шаншу әдістерін жалғастыру. Бейнені мәнерлі түрде жеткізіп, балалардың шығармашылық қабілетін, қиял - елесін дамыту.



Қоршаған ортаны сүйе білуге, аңдарға жан - жануарларға қамқор бола білуге тәрбиелеу.

Құрал - жабдықтар: Саз, тақтайша, шүберек, үлгі.

Методикалық әдіс: Сұрақ - жауап, әңгімелеу, түсіндіру, көрсету.

Сөздік жұмыс: Сақ құлақ, үркек, қорқақ.

Мотивациялық қозғаушы

Балалар қане айтыңдаршы сендердің алдарыңда қандай заттар жатыр?

Саз, тақтай, шүберек.

- Дұрыс айтасыңдар. Ендеше бізде қандай оқу іс - әрекеті?

Мүсіндеу іс - әрекеті, саздан ойыншық жасаймыз

- Дұрыс айтасыңдар. Бізде мүсіндеу оқу іс - әрекеті болады. Өткен оқу іс-әрекетінде қандай ойыншықтар мүсіндеп едік. Қане есімізге түсірейікші

Кесе - шәйнек, құмыра, аққала, домалақ нан, печенье

Жарайсыңдар, жасаған ойыншықтарыңды ұмытпаған екенсіңдер.



Іздену ұйымдастырушы

- Енді сендер мына суретке қараңдаршы ненің суретін көріп тұрсыңдар?

Қоянның суретін көріп тұрмыз.

- Дұрыс айтасыңдар балалар. Бұл қоянның суреті екен.

- Қоян нені жақсы көреді?

- Қане Бақтияр сен айтшы қоян нені жақсы көреді екен? (сәбізді)

- Ал енді қоян неше бөліктен тұрады, соны санап жіберейік

- Қоян неше бөлік екен?

- Басы қандай балалар?

- Басында несі бар?

- Ал енді денесіне қараңдаршы, денесі қандай пішінде?

- Денесінде несі бар?

- Балалар сендер өте жақсы біледі екенсіңдер, біз бұл қоянды бұрыннан білеміз, қояндар орманда болады, ал үйде де асырауға болады екен.

Қоян өте сақ, елеңдеп жан - жағындағы дыбыстарды тыңдап, және өзі өте қорқақ, үркіп отырады екен.

- Сендер осы қоян туралы өлең білесіңдер ма?

Үркек қоян, сақ қоян,

Естіп қалып сыбдырды.

Ойлы - қырлы жерлермен,

Ытқып - ытқып жүгірді.

Қарап еді артына,

Қиығын салып көзінің.

Келе жатқан томпаңдап,

Көжегі екен өзінің.

- Жарайсыңдар балалар, енді біз осы өлеңдегі қоянды мүсіндей аламыз ба, соны көрейікші.

Біз қоянды мүсіндеу үшін алдымен сазды төртке бөліп аламыз.

1 - ші үлкен бөлік, 2 - ші кішілеу бөлік, 3 - 4 - ші бөлік олардан да кіші болады.

- Мына үлкен бөліктен - денесін жасаймыз, екінші бөліктен - басын, ал мына үлкен бөліктен - денесін жасаймыз, екінші кішілеу бөліктен - басын, ал үшінші бөліктен - құлағын, төртінші бөліктен - аяқ, қолын жасаймыз.

- Балалар денесі қандай пішінде еді?

- Онда сопақша пішінді дене жасау үшін, сазды алақанымызға салып домалақтаймыз да, алақанымызбен есеміз, міне қараңдаршы сопақша пішінді денесі шықты ма?

- Енді басын жасаймыз, басы қандай болады?

Басын алақан арасына салып. домалақтаймыз, сонда не шықты?

- Енді басын денесіне жапсырамыз. Құлағын жасаймыз сазды екіге бөліп аламыз да, алақан арасына салып домалақтап, оны есемізде бірінші екінші саусақпен жалпайтамыз. Көрдіңдер ме, құлағы дайын болды.

- Енді қай жері қалды?

- Дұрыс айтасыңдар енді аяғы - қолы қалды. Ал аяғын, қолын жасау үшін сазды тағыда алақанымызға салып домалақтап, содан соң сәл есіп аламызда денесіне жапсырамыз. Мінекей менің қояным дайын болды.

Қоянның қолына сәбіз ұстатуға болады.

- Қоянды жасауға болады ма?

(тақтада 1, 2 балаға жасату)

- Біз қоянымызды жасамас бұрын орнымыздан тұрып жаттығу жасап жіберейік.



Сергіту сәті: Ерінбе қояным

Ертеңмен оянғын.

Секеңде сен енді,

Шынықтыр денеңді.

Бір, екі үш, бір екі, үш,

Тартынба, үдет күш,

Шынықсаң оңарсың,

Шын батыр боларсың.

Қоянды ауада жасату.

- Ал енді жұмысымызды бастамас бұрын не істейміз?

Балаларға жұмыс жасату, жұмыстарын бақылап, жеке баламен жұмыс жүргізу.



Рефлексивті коррексиялаушы

Оқу іс - әрекетін - бірінің қорыту.

Балалар: Мал бақсаң сиыр бақ

Сүт кетпейді шарадан.

Мал өсірсең қой өсір,

Өнімі оның, көл көсір т. б

- Сулы жер - нулы жер.

- Табиғат туған бесігің.

- Не ексең, соны орасың ың жұмысын бағалап, мадақтау, бір жұмыстарын тамашалау



Күтілетін нәтиже: Балалар қоян туралы біледі, суреттеп айтады.,.

Қоянды мүсіндеп жасай алады.