Конспекты по казахскому языку на тему Ұстаздар күні

Ұстазым-ақылшым!

Залдың іші құттықтау сөзімен,гүлдермен безендірілген.

Жүргізуші:

Балапанды қарлығаш қып ұшырып ,

Сәбилерді тұлға қылып жараттың.

Сен бір бақсың әр жыл жеміс беретін,

Сен данасың ,сен ойшылсың,ғалымсың,

Еңбекпенен білім нәрін себетін,- иа,ұстаз білім берушімен қатар,пәк сәбилерге мейірім мен шапағатын шашып,тәрбиелеуші қарапайым тәрбиеші.

Осындай мол еңбек сіңіруші апайларымызды бүгінгі ұлық мерекелеріңізбен,құттықтаймыз!құттықтаймыз!құттықтаймыз!

Тәрбиеші ең бакытты жан.Себебі, ол таң нұрымен ілесе келген әр сәбидің мөлдіреген көздерін көрумен бақытты.Сол балақайлардың періште тілінде сөйлеген бал тілін естумен ,бүлдіршіндердің шынайы да сыңғырлаған күлкісін естумен,бір -біріне ұқсамайтын балалардың тәтті де ,ерке қылығын сезінумен бақытты.Тәрбиеші- икемсіз саусақтарға жан бітіріп,түрлі дағдыларға үйретуімен,қиялын самғатып,алғашқы білім берумен,балапандардың тәтті ұйқыға енген сәтін көрумен бақытты.

Олай болса,сіздерге осынша бақыт сыйлаған тәтті бүлдіршіндерді ортаға шақырамын.

Ән: «Қошақаным»

Орындайтын:Ақсымбат,Іңкәр,Айдын,Ақжан,Ұлықбек

Тәрбиеші: Құрметті әріптестер, осындай балаларды «өмір гүлі»,ал сіздерді «бағбандар» десек,артық болмас еді.Себебі бізге жер бетіндегі ең қымбат қазына - балаларға ақыл,білім,мейірім,адамгершілік сияқты асыл қасиеттерді себу жүктелген.

Білім мен тәрбиеге қоса өнерге баулушымыз,мұның дәлелі келесі орындаудан көрінбек.

Вальс: «Алғашқы ұстазым»

Орындаушы:Рамазан-Айзере,Бекжан-Ақжан,Темір-Жанел

Бәрі ,бәрі ,сенің ғана арқаңда,

Самайыңа ақ шаш түссе таңданба

Ол шәкірттің адам болар белгісі

Ұстаз ол да сенің ғана арқаңда - дей келе,осында отырған барлық бала өзіміз бала болғандай,өзіміз еліктегендей ,әрбір адамға еліктеп осындай болсам ғой деп алға қарай ұмтылып өседі.Олай болса,сондай балапандарымызды ортаға шақырсам.

Ойын: «Менің сүйікті апайым»

Шарты: Балалар ортаға шығып,музыка әуенімен апайларға пародия жасайды,ал ол апайды отырған балалар немесе қонақтар қай апай екенін табуы керек.Тапқаннан кейін сол апайға арнаған тақпағын,үлгі тұтатын қасиетін айтады.

Ақжан:Ең жақсы апай Ақтілекте,

Инжу апай білемін

Ибалы жақсы мінезін

Үлгі тұтып жүремін.

Балнұр:Бақшамызда бар біздің

Гаухар апай ақылшы

Ақ жол сілтеп баршаға

Түзетеді бұрысын.

Рамазан:Білуге біз құмармыз

Маза да алған шығармыз

Таза сәби жүректен Гүлнұр апай

Қабылдаңыз мың алғыс!

Мерей: Бізге тұңғыш тақпақты,

Жалықпастан жаттатқан

Жылауық та, тентек те,

Гүлнұр апай,

Тек өзіңізге бағынған.

Айзере:Бізге тәртіп үйреткен,

Ән салдырып, билеткен

Тамақты тауысып ішкізіп,

Айнұр апай

Жақсы көріп, бетімізді тістеген.

Іңкәр:Доспен тату ойнауды,

Қызыққа бір тоймауды,

Бойымызға сіңірген

Жазира апай

Таза жүріп,ойлауды.

Бекжан:Айжан апай, «ПЫСЫҚ»,- деп

Елдің бәрі мақтайды.

Таңертең бізді қабылдап

Кешке қоштасып тұрады.

Ұлықбек:Бірге ойнап, бірге куліп,

Бетімізден сүйеді.

Дәмді асты әзірлеген

Света апай өзіңізге мың алғыс.

Хормен:Талай, талай баспалдақтан аттармыз

Ата ананың үмітін де ақтармыз

Сізден алған білімді

Есімізде өмір бақи сақтармыз!

Тәрбиеші: Құрметті әріптестер,әрбіріңіздің бала жүрегіндегі орындарыңыз ерекше,олай болса «Көгершін »тобының Джентелмендерін сіздерді құттықтау үшін ортаға шақырамыз!

Би: «Джентелмендер»

Тәрбиеші:Құрметті қонақтар,сіздер данасыздар,сіздер тәрбиелеушісіздер,сіздер ақылшысыздар,сіздер сырлассыздар,сіздер бүлдіршіндердің екінші анасысыздар,сіздер ақ параққа өң берушісіздер,тас түнекке жарық сыйлаушысыздар,ұйықтап жатқан жүректі оятушысыздар,еліміздің болашағын болжаушысыздар,сіздер өмір гүлін өсіріп баптаушысыздар!-дей келе ашық оқу іс-әрекетімізді «Біз өмірдің гүліміз» әнімен қорытындыласақ.

Хор: «Біз өмірдің гүліміз»

Тәрбиеші:Апайлар, келіп тамашалағандарыңызға рахмет,мерекені жақсы көңіл күймен өткізіңіздер,отбасыларыңызға амандық,еңбектеріңізге жеміс тілейміз!

ЖШС «Ақтілек Бала бақшасы»

Күні:

Бекітемін:

Балабақша меңгерушісі: И.А.Адырбекова

Ашық ұйымдастырылған оқу іс-әрекеті

«Ұстазым- ақылшым»

Тобы: «Көгершін»

Тәрбиеші: Г.А.Аяпова

2015 - 2016 оқу жылы