Сабақтың тақырыбы Е әрпі және дыбысы (мектепалды даярлық тобы)

Күні.

Пәні: Сауат ашу

Тақырыбы: «Е » дыбысы және әрпімен таныстыру.

Мақсаты:

1) «Е» дыбысы және оның әріп таңбасымен таныстыру.

2) Балалардың сөзге дыбыстық талдау жасауын одан әрі дамыту.

3)Ұғымталдыққа тәрбиелеу.

Түрі : жаңа сабақ.

Әдісі: түсіндіру, сұрақ-жауап.

Көрнекіліктер: суреттер ,ойыншықтар.

Сабақтың барысы:

I Ұйымдастыру кезеңі

Шаттық шеңбері:

Арайлап таң атты,

Алтын сәуле таратты.

Жарқырайды күніміз.

Жарқырайды даламыз.

Қайырлы таң,

Қайырлы күн, балалар!

II Мақсат қою кезеңі.

«Е » дыбысы және әрпімен таныстыру.

III Жаңа сабақ

-Балалар қазір жылдың қай мезгілі?

-Қай ай?

-Аптаның қай күні?

-Біз қандай дыбыстармен таныстық?

-Дыбыстар нешеге бөлінеді?

-Дауысты дыбыстар қандай түспен белгіленеді?

-Ал дауыссыз дыбыстар ше?

-Мен сендерге дыбыс айтамын ал сендер дыбысты айнаға қарап қайталайсыңдар «е» дыбысын айтады.

-«Е» дыбысын әндетіп айтсақ болады.

-Е-е-е.Өйткені «е» дыбысы дауысты оны қызыл түспен белгілейміз.

«Е» дыбысын көрсетіп тақтаға іледі.

-«Е» әрпі ешкі, елік, ерін, етік, есек, ел сөздерінің басында кездеседі.

Кесе, күрек, бел, сөздерінің қай жерінде кездеседі?

-Бие, шие, түйе, сөздерінің қай жерінде кездеседі?

Сергіту сәті.

Мен өркешті түйемін,

Басымды басыма иемін.

Маң-маң басып далада.

Жантақ жеуді сүйемін.

Дәптермен жұмыс.

Дәптердегі берілген тапсырманы балаларға түсіндіру.

Жеке жұмыс жүргізеді.

ІV Түсінгендерін зерттеу кезеңі.

-Балалар ,енді біз тең сөзіне дыбыстық талдау жасаймыз.

-Бірінші дыбысты қаттырақ оқимын, т-т-тең.

-Сөздегі бірінші дыбыс қандай дыбыс?

-Дауыссыз дыбысты қандай түспен белгілейміз?

-« Е» дыбысы дауысты ма, дауыссыз ба?

-Енді тағы бір дыбыс қалды, тең-ң-ң.

-«Ң» дыбысы дауысты ма, дауыссыз ба?

-«Тең» сөзінде барлығы қанша дыбыс бар?

Тақтаға кеспе әріптермен ер сөзін жазып, балаларға оқытады.

Ер сөзіне өз беттерімен дыбыстық талдау жасатады.

V Бекіту кезеңі

-Қандай әріпен таныстық?

-Дауысты ма, дауыссыз ба?

-Қандай сөздерге дыбыстық талдау жасадық?

VI Балаларды мадақтау