Қош келдің Жаңа жыл! сценарий

Музыка ырғағымен балалар залға кіреді.

Би: «Шырша»

Қызыл телпек: Армысыздар құрметті, ата-аналар мен қонақтар! Мен, Қызыл Телпекпін! Әжемді жаңа жылымен құтықтайын деп үйден шыққам, жолда достарымды көріп қалдым. Әжеме арналған ыстық бәлішім мен сары майым бар еді, осы сыйлықтарымды әжеме достарымен бірге сыйласа деймін. Міне, көптен күткен жаңа жыл мейрамы да басталды, ендеше жаңа жылымызды достарыммен бірге ән айтып бастайық, қабыл алыңыздар!

Ән: «Аяз ата»

Қызыл Телпек: Тамаша, өнерлі екенсіңдер достарым! Енді, достар шыршаға, аяз атаға арналған тақпақтарымызды айтып берейік.

1 бала:

Жаңа жылды біз тойлап,

Шаттанамыз бәріміз.

Өлең де әзір, ән де әзір,

Ойын да әзір, бәрі әзір.

2 бала:

Аппақ тонға оранып

Базарлықты мол алып

Келді алыс сапардан

Аяз ата оралып.

3 бала:

Аяз ата, Ақшақар,

Жылда бізге келеді.

Өлең, тақпақ айтқанда

Сыйлықтарын береді

4 бала:

Қуантып елді,

Жаңа жыл келді.

Өсетңн болдым,

Бір жасқа енді.

5 бала:

Ұлпа қарлар келіңдер,

Соңымнан менің еріңдер.

Би билеп қалықтап,

Шырша жансын жарқырап.

6 бала:

Аяз ата келді,

Тамашаны көрді.

Риза болып қуанып

Бізге сыйлық берді.

(балалар орындарына отырады)

Музыка ырғағымен қасқыр залға кіреді.

Қасқыр: Мұнда не шу? Қызыл Телпек бұл сенбісің?

Қызыл Телпек: Қасқыр!!!

Қасқыр: Сәлеметсің бе, Қызыл Телпек!!! Сендер, қайда бара жатырсыңдар?

Қызыл Телпек: Біз, әжемізді жаңа жылымен құттықтауға бара жатырмыз.

Қасқыр: Мен, іздеген Қызыл Телпек сен екенсің ғой, қараймын жан-жағыма мында тышқандар көп екен. Мен сендерді жеймін! РРРРРРР....

Қызыл Телпек: Жоо-жооқ қасқыр! Бұл жай тышқандар емес, өнерлі тышқадар. Ашуынды басып, өнерлерін тамашала.

Би: «Мики-маус»

Қасқыр: Шынымен де өнерлі екен, бірақ менің қарным аш. Кеттім одан да Аяз ата жейін.

Қызыл Телпек: Қасқыр, тоқта! Жеме, Аяз атаны! Бәле, достар енді не істейміз? Аяз атамызды жеп қойса, аяз атасыз жаңа жылымыз қалай өтпек. Ооо, мен таптым! Бізге, Ақшақар ғана көмектесе алады. Ақшақарды шақырайықшы!

Балалар: Ақшақар, ақшақар, ақшақар!

(Музыка ырғағымен Ақшақар залға кіреді)

Ақшақар: Сәлеметсіңдер, ме? Армысыңдар, балалар! Сендерді көріп, қуанып тұрмын. Мынадай аппақ қыста, жүздеріңді сүйіп алуға бармын.

Қызыл Телпек: Ақшақар, сенің келгенің жақсы болды.

Ақшақар: Иа, не болып қалды?

Қызыл Телпек: Аяз атаға қауіп төніп тұр. Оны қасқыр жеп қоймақшы, сенің көмегін керек.

Ақшақар: Кәне, балалар, мен қасқырға қоңырау шалайын.

Ақшақар: Қасқыр, бұл сенбісің?

Қасқыр: Иа, мен! Кім екен бұл?

Ақшақар: Бұл, мен Ақшақар! Сен, қайда жүрсің?

Қасқыр: Мен, Аяз атаға бара жатырмын!

Ақшақар: Қасқыр, сен қартайып кеткенбісің? Сен орман кезіп, аяз атаны іздеп жүрсін. Ол, бізге келіп қойды. Тез келе ғой, азя атаның саған деген сыйлығы бар.

Қасқыр: Рас, айтамысың! Міне, міне келдім.

Қызыл Телпек: Қасқыр алданып қалды.

Ақшақар: Иа, иа.

Қасқыр: Қайда аяз ата. Менің қарыным аш. РРРРРРРР.....

Ақшақар: Қасқыр, біздің балалар сенімен ойнағысы келіп тұр. Егер сен жеңсен аяз атаны саған береміз. Ал, жеңілсен аяз ата біздікі болады.

Ақшақар: Кәне, балалар, ойын ойнаймыз ба?

Қасқыр: Жарайды, бәрібір мен жеңемін, мен күштімін, мықтымын.

Ақшақар: Күшіңді сынап көрейік.

Ойын: «Тәтті кәмпиттер»

Қасқыр: Енді, Аяз ата сендердікі, менде кампит біреу ғана....

Қызыл Телпек: Балалар, бізге аяз ата жақындап қалыпты, Аяз атаны шақырайықшы.

(Музыка ырғағымен Аяз ата залға кіреді)

Аяз ата:

Сәлеметсіңдер ме, балғындарым

Өмір гүлім шалғындарым

Тілегім жыл бойы

Сендердің денсаулықтарын

Баяғы сол ақсақалмын

Бірақ әлі жастаумын

Сендерменен қосылып

Билеп беруге бармын.

Аяз ата: Қасқыр, сен мына жерде не істеп тұрсың? (қашады, тығылады)

Қызыл Телпек: Аяз ата, сізді жеймін, - деді.

Аяз ата: Немене, қасқыр мені жемекші ме? Мен оны жеймін (Аяз ата қасқырды қуады, шыршаны айналады)

Қасқыр: Көмектесіңдер, құтқарыңдар!

Ақшақар: Аяз ата, оны жеме, ол дәмсіз. (Қасқыр ақшақардың артына тығылады) Қасқыр сен уәде бер, жаңа жылда ешкімге тиіспеймін, дос болам деп.

Қасқыр: Жарайды, дос болам сендермен!

(Балалар шеңберге тұрады)

Ән: «Аппақ, аппақ»

Аяз ата: Жарайсыңдар, балалар! Ооо, шыршаның шамы жанбапты ғой.

Кәне, балалар, тұрайық,

Көңілді шеңбер, құрайық,

Сыйқырлы сөздер айтайық

Қуант бізді таңырқат,

Шамдарыңды жарқырат

Бір, екі, үш,

Шырша жан!

Аяз ата: Жарайсыңдар, балалар! Сендер тақпақ білесіңдер ме?

Қызыл телпек: Иа, әрине, біледі. Кәне, балалар, аяз атамызға тақпақтарымызды айтып берейік.

7 бала:

Аяз ата, аяз ата

Сені күтіп жүрдік біз

Томпаң қағып, арқаланып

Келеріне сендік біз!

8 бала:

Мерекеге келдік,

Тақпақ айтып бердік.

Ойыншықтарын тізген

Шыршаны да көрдік.

9 бала:

Көрдің бе, аяз атаны,

Аппақ екен сақалы,

Аппақ екен мұрты да

Аппақ екен шапаны

10 бала:

Ақ қырауға малынған,

Ақшақардай сақалы,

Көптен күтіп сағынған

Көрдік аяз атаны.

11 бала:

Қанда әсем шыршамыз,

Ойыншықтар әдемі

Бақшамызға әкеліп,

Қойып кеткен кім еді?

12 бала:

Бар баланың қонағы,

Төрлет ата жоғары

Барлық бала өзіңдей

Қашан мырза болады.

(балалар орындарына отырады)

Қызыл Телпек: Аяз ата, біздің кішкентай ханшайымдарымыз би билеп берсек дейді. Ханшайымдарымызбен бирге билеп, үйреніп алыңыз.

Би: «Үнді биі»

Аяз ата:Балалар, сендерге арнап бір ойын дайындап келдім. Менімен бірге ойнайсындар ма?

Балалар: Иаааа....

Ойын: «Кімнің қолғабы»

(Балалар шеңберге тұрады)

Ән: «Шырша жыры»

Аяз ата: Өнерлі екенсіңдер! Балалар, менің басқа да баратын жерлерім бар, сендерге деп алған сыйлығымды таратып берейін.

Қызыл Телпек: Бүгінгі күн тамаша, есте қалар әрқашан-деп, ертеңгілігімізді аяқтаймыз.