Слайд Нан қайдан келеді ? ашық сабақ

Тақырыбы: Доп

Сабақтың мақсаты: Балаларды резинаның қасиетімен таныстыру; ойыншық атын дұрыс атап, сипаттау жұмысын жүйелеу; мнемотехнология арқылы балалардың тілдерін дамыту. Ұқыптылыққа, тазалыққа баулу.

Сабақтың көрнекілігі: ойыншықтар, мнемотехнология сызбасы, интерактивті тақта, тақпақтар.

I Ұйымдастырушы қозғаушы қызмет түрі.

Сабақтың барысы: Балалар шеңберге тұрады

Бала, бала баламыз,

Бақшамызға барамыз,

Тату-тәтті тұрамыз.

Тәрбиеші: Енді бір - бірімізге сәлем берейік.

Сәлемет бе, міне мен!

Доспын енді сенімен!

(бір - бірлерінің қолдарынан ұстайды)

Тәрбиеші: Балалар, менің қолымда қандай затты көріп тұрсыңдар?

Балалар: Доп

II Ұйымдастырулы - ізденушілік

1. «Доппен ойнау»

Мақсаты: мәнерлеп оқу дағдыларын жетілдіру, сөздік қорларын дамыту.

Тәрбиеші: Бұл жай доп емес, сиқырлы доп. Бұл сиқырлы допты алақаныма салып, айналдырып доп туралы тақпақ айтайық.

Добым, добым, домалақ,

Қайда кеттің домалап.

Қызыл, жасыл, сары, көк

Ойнайтын сенімен бала көп.

Қызыл

Жасыл

Сары

Көк

Тәрбиеші балаларға себеттің ішінен кішкентай доптарды алып таратады. Балалар доптарды қолдарына ұстап, қарайды.

Тәрбиеші: Балалар, бұл доп неден жасалған?

Балалар: Резинадан жасалған.

Тәрбиеші: Доп қандай, қатты ма, жұмсақ па?

Балалар: Жұмсақ

Тәрбиеші: Доппен біз не істейміз?

Балалар: Ойнаймыз

Тәрбиеші: Допты соққанда, ол секіреді. Себебеі, ол желденген.

2. Мнемотехнология сызбасы (интерактивті тақта бойынша)

Мақсаты: сызбаға сүйеніп допты сипаттауға үйрету, заттың түсін, пішінін, көлемін ажырата білу біліктілігін қалыптастыру.

Тәрбиеші: балаларға сызбаны көрсетіп допты қалай сипаттауға болатынын айтады, мнемотехнология сызбасына сүйенеді.

Мынау не? - Доп

Доп қандай? - домалақ

Түсі қандай? - қызыл, жасыл, сары, көк

Доптың көлемі қандай? - үлкен (кішкентай)

Қызыл

Жасыл

Сары

Көк

3. Эксперименттік жұмыс

Мақсаты: балаларды өз еркімен тәжірибе жасауға, қорытындылауға үйрету.

Тәрбиеші: Балалар допты басқанда, ол жұмсақ басылады, сосын өз қалпына қайта келеді. Қазір біз сендермен тәжірибе жасаймыз: допты суға салайық. Қане, қараңдаршы доп бата ма, жоқ па? Батпайды екен. Қалай ойлайсыңдар неге, батпайды?

Балалар: ол жеңіл, резинадан жасалған.

4. Дидактикалық ойын: «Дұрысын тап»

Мақсаты: заттарды бір - бірінен ажырата білуге үйрету, салыстыра ойлауын дамыту.

Шарты: Үстел үстіне ағаштан, пластмассадан, резинадан жасалған бірнеше ойыншықтар қою. Балалардан резинадан жасалған ойыншықты тауып көрсетуді сұрау.

Тәрбиеші: Балалар, ойыншық туралы қандай тақпақ білеміз?

Қане барлығымыз бірге айтайық.

Ойыншықтар қандай, қандай,

Қызыл, жасыл, сары, көк,

Түрлі - түсті түстері

Көз тартады өздері.

III Жетекші - жөндеуші

Қорытынды

Тәрбиеші: Ойыншықпен не істейміз?

Балалар: Ойнаймыз.

Тәрбиеші: Ойыншықтар бізге ренжімеу үшін не істеуіміз керек?! Оларды лақтырмаймыз, сындырмаймыз, жуамыз. Біздің топта ойыншықтардың өз орны бар. Біз ойнап болғаннан кейін, оларды жинап орнына апарамыз. Біздің ойыншықтар таза. Олар бізге ренжімейді. Сабақта қолданған ойыншықтарды өз орнына апарып жинап қояйық.