«Жас суретшілер» сайысы

Тақырыбы: «Жас суретшілер» сайысы

Мақсаты: Балаларға бейнелеу өнерінің қыр-сырын жан-жақты үйрету.

Сурет салу дағдысын, логикалық ойлау, еске түсіру, елестету қабілеттерін және шығармашылығын арттыру.

Құрал-жабдықтар: плакат, қарындаштар, қайшы, желім, акварель бояулары, қылқалам.

Сайыстың барысы:

Құрметті балалар, ата - аналар қонақтар! Бүгінгі «Жас суретшілер» атты сайысымызға қош келдіңіздер!

Біздің жетістіктерімізді бағалайтын әділқазылар алқасымен таныстыруға рұқсат етіңіздер!

1._________________________________________________

2._________________________________________________

3._________________________________________________

Бүгінгі сайыс 6 кезеңнен тұрады.

1. «Таныстыру»

2. «Аппликациялық сурет»

3. «Өсімдіктерді құрастыр»

4. «Айырмашылығын тап»

5. «Шебер - фломастер»

6. «Жаз - керемет жыл мезгілі»

Әр таңды бақытпен атырамыз,

Өнерді ой көгінде бақылаңыз.

Сайысқа қатысуға енді ортаға,

Суретші балаларды шақырамыз.

І топ «Балдырған»

ІІ топ «Достық»

І. Таныстыру

Топпен таныстыру;

«Балдырған»

Біз балдырған баламыз,

Шырқап әнге саламыз.

Туған жердің төрінде,

Алау болып жанамыз.

«Достық»

Достық болсын әр елде,

Бақыт қонсын әлемге.

Тату - тәтті тұрайық,

Сәнді өмір құрайық.

ІІ. «Аппликациялық сурет»

Түрлі - түсті қағаздан балапан бейнесін жабыстыру.

ІІІ. «Өсімдіктерді құрастыр»

Бөлшектерге бөлінген өсімдіктердің бейнесі. Өсімдіктерді түр - түріне қарай құрастыру.

IV. «Айырмашылығын тап» Топ басшыларына тапсырма.

Екі топ басшыға сурет беріледі. Олар суреттегі айырмашылықтарды тез тауып, қазылар алқасына көрсетуі қажет

V. «Шебер - фломастер»

Фломастерлермен суретті анық боляп шығады.

VI. «Жаз - керемет жыл мезгілі»

Балалар өз бетінше жаз мезгілінің бейнесін қағаз бетіне салады.

Көрсетті міне өз өнерін балалар,

Сайыстың да соңы келіп таянар.

Жеңімпазды анықтайық қанекей,

Әділқазы сайысты әділ бағалар, - деп, сайысымыздың шарттары бойынша қорытынды шығарып жеңімпаздарды анықтап, марапаттау үшін сөз әділқазыларға беріледі.

Балалар, жарайсындар! Бүгінгі сайысқа бәріңізде ат саласып қатыстыңдар.

Марапаттау рәсімі. (музыка әуенімен сайыс аяқталады)