Программа по предмету: 'Педагогике'

ҚОСТАНАЙ ОБЛЫСЫ ӘКІМДІГІ БІЛІМ

БАҒДАРЛАМАСЫНЫҢ «Ы.АЛТЫНСАРИН АТЫНДАҒЫ

РУДНЫЙ ӘЛЕУМЕТТІК-ГУМАНИТАРЛЫҚ КОЛЛЕДЖІ» ҚМҚК

ПЕДАГОГИКА ПӘНІНЕН МЕМЛЕКЕТТІК ЕМТИХАН БОЙЫНША БАҒДАРЛАМА

Орындаған: Сакенова А.С.

2015ж.

Педагогика, психология және жеке пәндер әдістемесі циклдік комиссия отырысында қаралды.

Хаттама №__ «___»_______________________2015жыл

Қолданысқа енгізуге рұқсат етілді.

ТҮСІНІК ХАТ

Педагогика пәнінен мемлекеттік емтихандағы педагогикалық колледж оқушыларының білгірлігі; Қазақстан және Ресей педагог-классиктерінің еңбектеріне сүйенен отырып, сұрақтың теориялық білімін көрсету;балабақша тәрбиешілерінің тәжірибесіне талдау жасау;педагогикасын машықтану барысында балаларды тәрбиелеу кезіндегі игерген өз тәжірибесіне саналы баға беру;

«Қазақстан мұғалімі», «Маман», «Педагогика», «Народное образование» т.б. баспалардан, журнал мен газеттерден үлгі келтіре білуге;балалар педагогикалық психологиялық білімдерін орынды педагогикалық жолмен пайдалана білуге тиісті.

ЕМТИХАН ТАПСЫРУШЫЛАР:

• 1.Қазақстан Республикасының білім беру туралы заңы

• 2.Баланың құқығын қорғау конвенциясын.

• 3. Мектепке дейінгі тәрбие мен оқытудың мемлекеттік стандартын.

• 4.Мектепке дейінгі тәрбие бағдарламасын.

• 5.Мектепалды даярлық тұжырымдамасын білуге міндетті.

БАҒДАРЛАМАНЫҢ МАЗМҰНЫ

1-ТАРАУ. Мектепке дейінгі педагогиканың көкейкесті мәселелері.

1-Тақырып. Мектепке дейінгі педагогика пәні, зерттеу міндеттері.

Мектепке дейінгі педагогика-жалпы педагогиканың бір саласы.Мектепке дейінгі педагогика пәні алты жасқа дейінгі балаларды үй-іші мен балабақшада өмір талабына сай жетілдіру процестерін зерттеп, сондай-ақ балалабақшадағы тәрбие жұмыстарын жан-жақты ұйымдастырудың теориялық,тәжірибелік жақтарын,ойын, оқу, еңбек әрекеттерін, күн тәртібін, бөбекжай мен балабақша тәрбиешілерінің ата-аналарымен өткізілетін жұмыстарының түрлерін де қарастырады.Негізгі педагогикалық ұғымдар: тәрбиелеу, оқыту, білім беру.Мектепке дейінгі тәрбие жөніндегі декларация.Педагогика ғылымының басқа ғылымдармен байланысы.

2-Тақырып. Мектепке дейінгі педагогиканың әдіснамасы мен зерттеу әдістері.

Мектепке дейінгі педагогиканың дамуы, шетел педагогикасының,педагогтарының, ойшылдарының құнды пікірлері:Я.А.Коменский-мектепке дейінгі тәрбиенің алғашқы жүйесін жасады, Ж.Ж.Руссо-тәрбенің өзіндік теориясын жасады, И.Г.Песталоции, Ф.Фребель-мектепке дейінгі педагогиканың жеке ғылым саласы ретінде бөлініп шығуына үлес қосқан,М.Мантессори,Н.Құлжанова, А.Байтұрсынов. М.Жұмабаев, Ж.Аймауытов.Әдіснама- болмысты өзгерту немесе қайта жасау және жалпы ғылыми таным әдістері немесе жеке ғылымдардың әдістері туралы ілім.Зерттеу әдістері: бақылау әдісі,сауалнама жүргізу, әңгімелесу, статистикалық әдіс,педагогикалық эксперимент.Мектепке дейінгі педагогиканың зерттейтін көкейкесті мәселелері.

3

3-Тақырып.Мектепке дейінгі жастағы балалардың даму ерекшелігі және жас кезеңдері.

Жас кезеңдері: нәрестелік кезең, сәбилік кезең, мектепке дейінгі кезең, сәбилердің бірініші тобы, сәбилердің екінші тобы, естиярлар тобы, ересектер,мектепалды даярлық тобы.Бала дамуындағы іс әрекеттің ықпалы.Іс әрекет белгілі бір мақсатқа бағытталады,жоспарланады,нәтижесі алдын-ала бағдарланады,әдістері мен тәсілдері,жолдары белгіленеді,қорытындысы,нәтижесі бағаланады.Іс әрекет түрлері: ойын әрекеті,оқу әрекеті,еңбек әрекеті, қоғамдық әрекет, көркемөнер әрекеті, спорттық әрекет.Бала тәрбиесіндегі салт-дәстүрлер.

4-Тақырып.Мектепке дейінгі тәрбиелеу мен оқытуда басшылыққа алатын нормативтік-құқықтық құжаттар.

Негізгі ұғымдар: нормативтік -құжаттар, мемлекеттік стандарт, тұжырымдама, баланың құқығын қорғау конвенциясы, бағдарламалар мен оқу- әдістемелік құралдар.Мектепке дейінгі тәрбие мен оқыту бағдарламалары- мектепке дейінгі ұйымдардың оқу-тәрбие жұмысының мақсатын, міндеттерін, мазмұнын айқындайтын мемлекеттік құжат.

Қазақстан Республикасының Білім туралы Заңы, мектепке дейінгі тәрбие мен оқытудың мемлекеттік стандарты, мектепалды даярлығы тұжырымдамасы, «Балалардың құқығын

қорғау конвенциясы», мектепке дейінгі тәрбие бағдарламалары мен оқу-әдістемелік құралдарының балабақшада басшылыққа алатын маңызды құжаттар екені дәлелді.

5-Тақырып.Мектепке дейінгі жастағы тәрбиелеу мен оқыту.

Мектепке дейінгі тәрбиелеу мен оқыту әдістемесі, тәрбиелеу мен оқыту бағдарламалары, мектепалды бағдарламасы, бағдарлама мазмұны, құрылымы, оқытудың әдістері, тәсілі, ұйымдастыру формалары.Мектепке дейінгі қоғамдық тәрбие ұйымдарының мақсаты мен міндеттері айқындалады. Балабақшада тәрбиелеу мен оқыту мазмұны нақтыланып, оқытудың әдістері мен тәсілдеріне талдау жасалады.

Тәрбиелеу мен оқытуды ұйымдастырудың негізгі формасы сабақ болғандықтан, оның маңызына,құрылымдық ерекшеліктеріне тоқталып, тәрбиешінің сабаққа дайындығы жан-жақты қарастырылады.

4

6-Тақырып. «Балбөбек» бағдарламасы бойынша өткізілетін сабақтардың құрылымдық ерекшеліктері.

«Балбөбек» бағдарламасы бойынша өткізілетін сабақтардың құрылымы

Бастапқы бағыт,

Жиын,сәлемдесу,тақырыппен жұмыс

Жаңа ұғымдарды бекіту,іс әрекет түрлерін түрлі формада пайдалану

Негізгі жаңа ұғымдарға бағыт. Дидак.ойын. техника құрал. пайдалану

Әңгімелесу,сипаттау,түсіндіру,көрсету

Жаңа материалдармен таныстыру,әңгімелеу,көрсету

Алған білім білік дағдыларды қалыптастыру,қорыту

Бейнетаспа қарау,үнтаспа тыңдау

Баланың өздігінене ойлануы, дербес әрекеті, ойын жаттығулары

Рефлексия,тәрбиешінің қорытындысы,

Қимылды ойын,сахналау.Сабақтан кейінгі дербес әрекеті.Жеке жұмыс.Топпен жұмыс.

Сурет көрсету,ойыншықтар,заттар,құбылыс.әңгім.

Әдіс-тәсілдерді түрлендіру

5

2-ТАРАУ. Мектепке дейінгі жастағы тәрбие негіздері.

1-Тақырып. Мектепке дейінгі жастағы адамгершілік тәрбиесі.

Негізгі ұғымдары: Мораль, принциптері мен ережелері, адамгершілік тәрбиесі, адамгершілік тәрбиесінің мазмұны, құралдары, әдістері, шарттары. Мектепке дейінгі кезеңде адамгершілікке тәрбиелеуде жағымды сезім мен сананың алғашқы элементтерін қалыптастыру, біртіндеп қарқындап дамытуға ықпал жасау. Адамгершілік тәрбиесі баланың барлық іс әрекетіне, әдетіне, мінез-құлқына, тәртібіне,үлкендерге, Отанын сүйе білуге,елжандылыққа, еңбекке деген қарым-қатынасының дұрыс болуына бағыт беру.

2-Тақырып. Мектепке дейінгі жастағы ақыл-ой тәрбиесі.

Ақыл-ой тәрбиесі- балалардың белсенді ойдау қызметінің дамуына ересектердің мақсатты ықпалы. Ол қоршаған дүние туралы түсінікке жеңіл білімдерді хабарлауды, оларды жүйелеп отыруды, танымдық мүдделерді зияткерлік дағдылар мен іскерлікті қалыптастыруды, танымдық қабілеттерді дамытуды қамтиды.

Ақыл-ой тәрбиесінің әдістері:

• Әңгіме әдісі;

• Көркем сөзбен әңгімелеу

• Көрнекіліктер пайдалану

• Қызықтыру:

Ақыл-ой тәрбиесі және айналадағы тіршілік құбылыстары жайлы дұрыс түсініктерін қалыптастыруға баса көңіл бөлуге, танымдық психикалық процестерді дамытуға мән беру.

3-Тақырып. Мектепке дейінгі жастағы дене тәрбиесі.

Дене тәрбиесі- адамның дене мүшедлерін шынықтырып, бала психикасының дамуына әсер ететін, адам ағзасының барлық жағынан жетілуіне,қимыл әрекеті мен дағдысының, білімінің қалыптасуын қамтамасыз етуге бағытталған көп қырлы педагогикалық процес.

Дене тәрбиесіне қажетті жағдайлар:

• Балалардың күтімі мен өсуіне қолайлы мәдени гигиеналық жағжай жасау

• Дұрыс жасалған күн тәртібі

• Тамақтандыру

• Дененің тазалығы

• Гимнастика және қимылды ойындар

• Ұйқысын ұйымдастыру

• Серуенге шығару

• Суды тиімді пайдалану:

6

4-Тақырып. Мектепке дейінгі жастағы еңбек тәрбиесі.

Еңбекке тәрбиелеудің негізгі мақсаты- еңбексүйгіштікке тәрбиелей отырып,оның нәтижесіне қуана білуге, балалардың күшін толықтыруға және денсаулығының нығаюына жәрдемдесу, дене қозғалысының үйлесімді, сергек болуына ықпал ету.

Еңбек тәрбиесінің негізгі міндеттері:

• Балалардың негізгі еңбек дағдыларын қалыптастыру

• Үлкендерге және өзінен кішілерге көмек көрсете білу

• Ұқыптылыққа, шыдамдылыққа, қиындықты жеңе білуге дағдыландыру

• Еңбек құрал жабдықтарымен жұмыс істей білуге және оған ұқыпты қарауға тәрбиелеу

Еңбекке баулудың өзіндік ерекшелігі- оның ойынмен тығыз байланыстылығында.

5-Тақырып. Мектепке дейінгі жастағы эстетикалық тәрбиесі.

Эстетикалық тәрбие дегеніміз- қоршаған дүниенің, өнердің сұлулығын баланың көру және сол сұлулықты жасау қабілетін дамыту мақсатымен оның жеке басына ықпал етудің мақсатты түрде бағытталған жүйелі процес.

Эстетикалық тәрбиенің міндеттері:

• Баланың эстетикалық қабылдауын жүйелі түрде дамыту

• Балалардың эстетикалық түсінігі мен құштарлығын, сезімталдық қабілетін дамыту

• Балалардың көркемдік талғамын тәрбиелеу:

Эстетикалық тәрбиенің құралдары:

• Қоршаған дүние

• Табиғи орта

• Күнделікті тұрмыс эстетикасы

• Көркем әдебиет шығармалары

• Бейнелеу өнері

• Мерекелер мен сауықтар:

6-Тақырып. Ойын- мектепке дейінгі жастағы баланың негізгі іс әрекеті.

Ойын- мектепке дейінгі балалар үшін айналаны танып білу тәсілі. Ойынның негізгі ерекшелігі, ол балалардың қоршаған өмірді- адамдардың қимылын, іс әрекеттерін бейнелеуі болып табылады.

Ойынның негізгі құрылымдық элементтері:

• Ойынның түпкі ниеті

• Сюжеті немесе мазмұны

• Ойын әрекеттері

• Рөлдер

7

Ойынның түрлері:

• Ұлттық ойындар

• Сюжетті рөлді ойындар

• Дидактикалық ойындар

• Сахналанған ойындар

• Қимылды ойындар

• Үстел үсті ойындар

• Құрылыс ойындар

• Қысқа көріністі ойындар

7-Тақырып. Балабақша тәрбиешісінің адам өміріндегі рөлі.

Тәрбиеші тәрбиеленушілердің күнделікті оқу тәрбие жұмысын,демалыс уақытын ұйымдастырады.

Балабақша тәрбиешісінің міндеттері:

• Балаларды дұрыс тәрбиелеуді қамтамасыз етеді

• Өз тобындағы әрбір баланың қызығуы мен қажетіне ұқыптылықпен, қамқорлықпен қарайды

• Балалардың денсаулығын сақтауға, қорғауға байланысты дәрігер талабан орындайды

• Балаларды отбасында, балабақшада тәрбиелеу мәселелері туралы ата-аналармен жұмыс жүргізеді

• Балалармен жүргізілетін өз жұмыстары туралы жоспар құрады, есеп береді, әрбір сабаққа ұқыпты дайындалады

Тәрбиешіге қойылатын талаптар:

• Тәрбиеші болатын адам өзінің мінезін,жүріс-тұрысын жөнге салып, балалар іс әрекетін дұрыс ұйымдастыра білу керек

• Арнаулы білім, білік пен іскерлік дағдыны меңгеруі керек

• Баламен еркін, жақын тарта сөйлесе білуі керек

• Жұмысты ұйымдастыра білетін,тиісті жерінде қатал талап қоя алатын болуы,кейде әзілдесіп, тиісті жерде көңіл аудара алатын болуы шарт:

8