Тақырыптық күн. «Жолда жүру ережелері»

1.Қабылдау.

Балаларды жылы жүзбен, мейірімді сөзбен қабылдап, қалай демалғаны жайлы ата-аналармен әңгіме жүргізу.

2.Таңертеңгілік жаттығу.

Мақсаты: балалардың дене мүшесін шынықтыру, көңіл-күйлерін көтеру. Жылдамдыққа, шапшаңдыққа, ұжымшылдыққа тәрбиелеу.

Тақырыптық күн. «Жолда жүру ережелері»

Тақырыбы: «Жолда жүру ережелері»

Мақсаты: Жолда жүру белгілерін ажырата білу;

Білімділік: Балалардың жолда жүру ережелеріне сәйкес бағдаршамның атқаратын қызметімен таныстыру;

Дамытушылық: Тіл байлықтарын, сөздік қорларын молайту,еркін сөйлеуге,әңгімелеу қабілеттерін дамыту;

Тәрбиелік: Абайлап жүруге тәрбиелеу;

Сөздік жұмыс: Жиек жол, жаяу жүргіншілер

Қолданылатын көрнекіліктер: Көліктердің суреттері, белгілердің бағдаршам суреттері.

Билингвальды компонент: Көше-улица, тәртібі-поведение, бағдаршам-светафор.

Сабақтың барысы:

1. Ұйымдастыру кезеңі :

Кіріспе :

Жол заңы дұрыс жүріп , абай болуды талап етеді. Жол тәртібін бұзба , ол қатер тудырады. Жолдың қалыпты қозғалысы көбінесе балалардың жол бойында қалай болса солай жүріп, доп қуалайтыны , шаңғы тебетіні , жүріп бара жатқан машинаға жабысатыны ,қалтарыстан жолға шығып келетін салдарынан бұзылады. Жол тәртібін бұзғандықтан кейбіреулер машина дөңгелегіне ілініп қаза тауып , кейбіреулері жарақат алады . Ал кейбіреулері өмірлік мүгедек болып қалады.

Сонымен қандай бала жол ережесін бұзбайды ?

Балалар : Үлгілі , тәртіпті бала ..

ІІ. Негізгі бөлім:

Жұмбақтар шешу:

1.Жол тәртібін нұсқаған.

Адам тасып аялайды. -Автобус

Өміріңді күзеткен,

Ысқырықпен түзеткен. (Милиционер)

2. Көліктің қаншасын үстінен өткізген ,

Іргеден басталып , алысқа жеткізген. (Жол)

4. Жоқ өзінде бас та , ауызда да , құлақ та ,

Бақырайған үш көзі бар бірақ та. (Бағдаршам)

5. Арқаным бар тым ұзын,

Ала-алмайсың бір үзім.

Табыңдаршы, балалар,

Бұл жұмбақтың шешуін. (Жол)

6. Өзі сөйлей білмейді,

Бірақ «Тоқта, жүр !» дейді. «Бағдаршам»

Тәрбиеші : Бағдаршам өмірімізді жазымнан сақтандыратын көмекшіміз . Оның сырын біліп , тіліп алу баршамызға керек.

Қызыл - Тоқта !

Сары - Сақтан !

Жасыл - Жол ашық!

Әкежан : Қызыл көзін ашқанда ,

Сынық сүйем баспа алға !

Диана : Сары көзін ашқанда ,

Қарап қалма аспанға !

Азамат: Жасыл көзін ашқанда ,

Өте бергін , жасқанба !

Ән: Бағдаршам

1. Көшеде біз сақ болайық ,

Қаймықпасын ата - ана .

Жолда сен бол лайық,

Жас ұлан деген атқа

Қ- сы :

Әрқашан күн сөнбесін,

Аспаннан бұлт төнбесін .

Қасымда болсын анам,

Болайын мен де аман !

2. Жолда жүру әліппесін

Білген жөн бес саусақтай.

Сонда ғана жүре аласың ,

Сен өзіңді сау сақтап

Тәрбиеші: Балалар, біз әр белгінің не мақсатта қолданылатынын білдік.

Қорытындылау : Балалар кәзір ойын ойнаймыз: «Сиқырлы бағдашам»

Мақсаты: балалардың ойлау қабілеттерін дамыту

Сергіту сәті:

Бип-бип дейміз

Жолдан былай кет дейміз

Мысықты басуға болмайды болмайды

Машина Бип-бип

Тыныс алу жаттығуы :

«Гүлді иіскеу» «Қаздар ысылдайды»

Балалар бүгінгі ҰОІӘ не туралы болды?

Бағдаршамның неше көзі бар? Жақсы жауап берген балаларды мақтап мадақтау.

Тәрбиеші : Балалар, бүгінгі оқу іс-әрекетін қорыта келе Деніміз сау, еліміз тыныш, жол тәртібін сақтап, аман - есен жүрелік.

Ирек - ирек көшелер,

Көше деген мың ирек.

Қиындыққа әйтсе де,

Үйренесің біртіндеп.

Барар жерге асықпа,

Бәйге алмайсың бұрын кеп